Afta we Jisas i bin girap bakegen mo gobak long heven, Pita mo ol narafala Aposol oli bin prij long plante ples, be long ol pipol blong Jiu nomo.
Konilias i bin wan ofisa blong ami blong Rom. Hem i biliv long God, be hem i no bin wan Jiu. Wan enjel i bin kamaot long hem mo talem long hem blong sendem toktok i go from Pita. Konilias i bin sendem ol man blong hem blong lukaotem Pita, mo Tabu Spirit i bin talem long Pita blong go wetem olgeta.
Long haos blong Konilias, Pita i bin tijim plante pipol we oli bin kam tugeta. Hem i bin talem long olgeta abaot gospel blong Jisas Kraes, mo oli bin filim Tabu Spirit mo hem i bin save se i tru. Taem ol fren blong Pita oli bin faenemaot se hem i stap prij long ol man we oli no Jiu, oli bin sapraes. Be Pita i talem long olgeta, we hem i bin lanem se gospel blong Jisas Kraes i blong evriwan. (Luk long Ol Wok 10:1–48; 11:1–18.)