Blong Ol Yang Pikinini
Ol Pamkin blong Pol
Man we i raet i stap long Yuta, YSA.
Pol i bin stap helpem Papa blong planem wan garen. Hem i stap tingting se sapos nomo brata blong hem Erik i bin stap blong help. Be Erik i stap longwe long wan misin.
“Bae mi neva kam bigwan olsem Erik,” Pol i talem. “?Olsem wanem nao, mi save go long wan misin olsem hem?”
“Yu no wari,” Papa i talem. “Bae yu kam bigwan.”
Papa i givim sam sid blong pamkin. Hem i helpem Pol blong planem ol sid ia.
“?Ol smolsmol sid ia bae oli gro i kam ol bigfala pamkin?” Pol i askem.
“Sapos yu lukaot gud long olgeta,” Papa i talem.
Pol i stap kam blong lukaot gud long garen evri dei. Hem i wasem, mo i no longtaem i stat blong givim lif. Ol lif ia i stap bigwan. Pol i stap karemaot ol rabis gras raon long hem.
Long taem we ples i drae, ol pamkin blong hem i kam bigwan. !Mo oli kam ol bigfala orenj pamkin!
Pol i hang long Papa blong soem long hem. “Yu bin lukaotem gud ol pamkin ia!” Papa i talem.
“!Yep! Mo bae mi lukaot gud long mi, blong olsem mi save kam bigwan tu.” Pol i smael. “!Mo taem mi bigwan, mi save go long wan misin semmak olsem Erik!”