Mga Ideya sa Family Home Evening
Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka ehemplo.
“Dili Iya sa Kalibutan,” pahina 56: Ikonsiderar ang pagbasa sa kasinatian ni Elder Perry sa paghukom nga usa ka baso nga gatas lang ang iyang gunitan atol sa usa ka panagpundok para sa negosyo. (Alang sa mga pakisayran sa iyang sugilanon, tan-awa sa pahina 57.) Isip usa ka pamilya, hisguti ang maayong mga paagi sa pagkaanaa sa kalibutan apan dili iya sa kalibutan. Sama pananglit, unsay inyong buhaton kon ang usa ka grupo sa mga higala nakahukom nga motan-aw og dili maayo nga salida o motan-aw og pornograpiya? Unsay inyong buhaton sa tawo nga manaway sa inyong mga gituohan bahin ni Joseph Smith, sa kaminyoon, o sa balaod sa kaputli? Samtang tubagon ninyo kini nga mga pangutana isip pamilya, ibutang sa hunahuna ang ehemplo ni Kristo.
Sa Wala: Kristo Mipasiugda sa Sakrament ngadto sa mga Apostoles, ni Del Parson; tuo: detalye gikan sa ni Jesukristo, ni Harry Anderson; Imahe ni Kristo, pinaagi ni Heinrich Hofmann, sa maayong kabubut-on sa C. Harrison Conroy Co., Inc.
“Usa ka Bag-ong Pagbati,” pahina 78: Human mabasa og dungan ang artikulo, mahimo ninyong hisgutan kon sa unsang paagi ang Espiritu Santo makigsulti ngari kanato. Gamita ang mga kasulatan sama sa Mga Taga-Galacia 5:22–23 (nga naghatag og mga pagbati sa gugma, kalipay, kalinaw, pailub, kaaghup, kalumo, hugot nga pagtuo, paglaum); Juan 14:26 (nga nagtudlo sa kamatuoran ug modala niini sa panumduman); Alma 19:6 (nga mopuli sa kangitngit ngadto sa kahayag); Moroni 10:5 (nga nagpadayag sa kamatuoran); D&P 6:14–15 (molamdag sa hunahuna); 8:2–3 (nga naghatag og mga ideya diha sa hunahuna, pagbati diha sa kasingkasing). Ikonsiderar ang pagpakigbahin sa personal nga mga kasinatian sa dihang mibati kamo sa Espiritu Santo.