Sīsū Kalaisi mo e ʻUluaki Mata-Meʻa-Hā-Maí

Ko e ʻUluaki Mata-Meʻa-Hā-Maí—ʻa e taimi naʻe mamata ai ʻa Siosefa Sāmita ki he Tamai Hēvaní mo Sīsū Kalaisí—ko e kamataʻanga ia ʻo hono fakafoki mai ʻo e Siasi ʻo Sīsū Kalaisí ki he māmaní.

Naʻe ʻilo ʻe Siosefa Sāmita mei he ʻUluaki Mata-Meʻa-Hā-Maí ko e ongo tangata mavahevahe ʻa e Tamai Hēvaní mo Sīsū Kalaisi.

Ko e taha ia ʻo ʻene hā tuʻo tolu ʻi he folofolá naʻe fakafeʻiloaki ʻe he Tamai Hēvaní Hono ʻAlo ko Sīsū Kalaisí (vakai, Siosefa Sāmita—Hisitōlia 1:17). Ko e ongo taimi kehé ʻa e ʻaʻahi ʻa e Fakamoʻuí ki he kakai Nīfaí mo e taimi naʻe papitaiso ai Iá (vakai, 3 Nīfai 11:7; Mātiu 3:17).