Rikira ae Karineaki Mairouia ara Bwaeaoniia
Ngaira n tatabemaniira nako ti kona n reiakina ae bati mairouia ara bakatibu aika bwaeoniia, ake ngkoa are aia korakai ao uruakinanoia a kaitiboaki ma te ninikoria ae nene ao te onimaki ae teimatoa iroun te Atua ae maiu.
Marakiia Bwaeoniia
“Te moan mwananga n 1847, e barongaaki ao ni kairaki iroun Brigham Young, e kabwarabwaraaki irouia taan koro rongorongo bwa teuana mai ibuakon rongorongon ngkoa te United States ae kakannato. Bwaeoniia aika kaain te Moomon aika bubua am maraki ao ni mate man te aoraki, n akean ootangaia, ke te baki. Iai temwaangina, akea aia uaekon ao aia tiim, aika a bon nakonako n te maaire ae 1,300 [2,092 kiromiita] n rinanon taabo aika aoraoi ao rinanon maunga, ni kokia ao ni katikii aia aenika.”1
Te Onimaki ae Riinga te nano
“Ngaira n tatabemaniira nako ti kona n reiakina ae bati mairouia ara bakatibu aika bwaeoniia ake ngkoa, are a korakai ao a uruaki nanoia ake a kaitiboaki ma te ninikoria ae nene ao te onimaki ae teimatoa iroun te Atua ae maiu. … Te Roronrikirake ao ataei a mena ibuakoia ngaa n aomata ake a kokii ao ni katikii aia aenika ke n nakonako ni kawaia bwaeoniia, kanga aiaron ae a mena ibuakoia Aomata aika Itiaki n te bong aei ake a bwaeoniia n oin aia aono rinanon te aonaaba ni kabuta. I taku bwa akea te membwa n te Ekaretia n te bong aei ae tuai n rootaki man rongorongoia moan bwaeoniia. Te koraki ake a karaoa ae mwaiti ibukin te raoiroi ibukin bwaai ni kabane a karekea te kantaninga ni kamwakura te onimaki. A kakoroa nanon aia kouru n te aro ae kakannato.”2
Kaitarai Kanganga
“Iteraniba aika mwakenaki n te tai man aia tienoro bwaeoniia ae onrake n te bubu e taetae ma te anai nano: ‘Ti bobaraaki nako naano n te tataro ma te nanorinano nakon te Atua ae Mwaaka ma naano aika onrake ma te kakaitau Nakoina, ao ni katabua te aba aei Nakoina ibukin te tabo ni maeka ibukiia Ana aomata.’
“Maeka aika tuai tia raoi a kabwarabwaraaki n taeka aikai iroun temanna are e mena ikekei ngke te ataeinimwaane ngaia ae uarereke. Akea te wintoo n aekaia nako inanon ara auti. Bon akea naba te mataroa. Tinau e katinea te rabuna ae e a mangaingai, are e a riki bwa te mataroa ibukin te moan winta. Aio bon ara tabo ni matu, ara ruu ni mwakuri, ara tabo n tekateka ni maroro, ara tabo ni kuuka, ara ruu ni matu, bwaai ni kabane inanon te ruu aei e nakon 12 ao 16 te butu [3.6 man 4.9 miita]. E kanga n te aonaaba aei ti kona ni bane inanona I aki ataia. I kauringnga bwa tinau ae e a unnaine ae tangiraki e taekinna bwa akea te uea n aine are e a ti n rin inanon ana baereti ae korakora riki kukureina ke ni kamoamoa ni katanana ao n ana kakabwaia te Uea nakon ae ngke e rin inanon te mweenga ae a tia ni kateaki arei irarikin te tabuki.’
“Bon taian kakatai, kanganga, korakai ao maraki n nano ibukin te bong are mai imwaaina. A kaitiboaki ma te ninikoria ae matoatoa ao te onimaki ae teimatoa iroun te Atua ae Maiu.”3
Bwaeoniia n te Bong aei
“Ti karineia naake a teimatoa inanon kangaanga aika kamimi. Ti kamoamoai araia ao n tarai rikaaki aia karea n anganano.
“Terana ibukin ara tai? Iai ara namakin ni bwaeoniia ibukira? Te roro ae e na roko e na kaota te kakaitau iaon ara konabwai, ara bannna ni katotoo? Ngkami kairake[aomata] kam kona n riki bwa bwaeoniia ni koaua inanon te ninikoria, n te onimaki, n te tangira ae kororaoi, inanon te mwakuri ae korakora.
“Ko kona ni kakorakora temanna ma temanna; iai am konabwai ni kinaia aika aki mwannanoaki. Ngkana iai matam n taratara, taningam n ongo, ao naano n namakin, ko kona n ibuobuoki ao ni kamaiuiia tabemwaang man am roro.”4
Te Bwaeoniia ae Kakannato
“N rairakin baan rongorongo man koroboki aika tabu man te moan ni karokoa te kabane, ti reiakina taekan te bwaeoniia ae kakannato—n aiaron Iesu Kristo. Bungiakina e a kaman taekinaki irouia burabeti ake ngkoa; Kaotina ni bungiana ni maiuna e katanoataaki iroun te anera. Maiuna ao Ana mwakuri ni mitinare e a tia ni bita te aonaaba. …
“Teuana te tiententi man ana boki Makuri e taekina ae bati: Iesu are e nakonako ni karaoa ae raoiroi … ba e memena te Atua irouna’ (Makuri 10:38). …
“Ana mition, Ana mwakuri ibuakoia aomata, Ana reirei ibukin te koaua, Ana mwakuri n nanoanga, Ana tangira ae matoatoa ibukira e kaira ara kakaitau ao ni karau nanora. Iesu Kristo, te Tia Kamaiu ibukin te aonaaba—n arona ngkai Natin te Atua—ngaia ngkoa ao ngkai te bwaeoniia ae kakannato, bwa E a tia n rimoara ngkoa, ni kaota te kawai nakoia aomata ni kabane are a na iria. Ti bia teimatoa n Iriria.”5
Mai ieta: kabwarabwara n te korotamnei iroun Matthew Reier, John Luke, ao anganano man te Sandy Utah Willow Creek Titeiki; Waekon aika Rabunaki, iroun Minverva Teichert, anganano man te Miutiam n Rongorongon te Ekaretia ngkoa