Tauan Mwiin te Aki Mamatam

Renee Harding, North Carolina, USA

Te aki mamatam bon te bwai ae kanganga irou—ni karokoa te tai are I a moana iai tauan mwiin au aki mamatam. Ngkai, imwaain ae I moana au aki mamatam, I korea bukin au aki mamatam. Te katotoo, I kona ni korea, “Bukina bwa e rangin n nako nanou ibukin nakoau ae boou bwa te atuwaitia nakoia Biiaiwe, I aki mamatam ao I tataro bwa e na kakabwaiai te Uea bwa n na rau, ni koaua raoi, ao ni bebete ningabong ngkana I anga reirei iaon au moan n reirei.”

Rinanon au aki mamatam, I koroi bwaai aika riai are e na kaota te; iango, te namakin, ao te iango are e roko n au iango ao n nanou; ao kiibu man koroboki aika tabu ake a kaineti ma te kantaninga ibukin au aki mamatam.

Ngke I tibwaua nanou ma Tamara are i Karawa, E aki toki ni kakabwaiaai n aanga aika I aki kaantaningai. Tera bwaai ae a na kona n riki inanon maiu a bane n iai rekerekeia ngke I koroi ao n taraia bwa a na kanga ni karekea rikirakeu. Man 1996, ngke I moanna ni kawakina mwiin te aki mamatam, I a tia n nooria bwa e kanga Tamara are i Karawa ni kakabwaia maiu. I kakoaua te mwaaka n tamnei ae korakora ibukin te aki mamatam ao te tataro ao n iangoa te aki mamatam bwa te tai ibukin te kimwareirei ao te tataro (taraa D&C 59:14).