Te Aonaaba Rongorongona aika Kimototo
Aia Anga Reirei Burabeti Aika Maiu Kabanean rongorongoia aika boou a Kaotinakoaki
Ana Bootaki n Reirei n te Ekaretia e a tia ni kaotinakoa te boki ae boou ae e kara, Aia Anga Reirei Burabeti aika Maiu. Te booki ae boou e katuruturua kakawakiia burabeti n taai aikai, e kabwarabwaraa nakoan te Moan Beretitientii ao te Kooram n Abotoro are Tengaun ma Uoman, ao e kabwarabwaraa aron tein te nakoa n te Moan Beretitentii.
Te boki e kona ni kabooaki n te store.lds.org ke n tienta n tibwatibwa ni kabuta n te United States. Te boki e bon tii tauraoi n te tai aei n te taetae n Imatang ao n Spain ao e tabe ngkai n rairaki nakon taeka tabeua.
Te Ekaretia e Karaoa te Kaotioti imarenaia Aaro
Te kaotioti n te katangitang imarenaia aaro are a kaotii aia anene, te taenti, koroboki aika tabu, ao tataro man katein aaro aika kakaokoro e karaoaki n te Taabati, Beberuare 20, 2011, n te Tabernacle n te Temple Square.
Iai bwaai aika a karaoaki n taabo aika te tinakaoke, umantabu, tembora Hindu, ao tabeua taabo a karaoaki imwain te kaotioti n te Taabati ao ni kaotaki n te aro ae rangi n tamaroa katein te bootaki n aro i Utah.
Te Kaotioti n te Anene i Marenaia Aaro aika Kakaokoro e moan karaoaki inanon te Kaboo n Takakaro n te Orimbiki n 2002 ao e kakaraoaki ni katoa Beberuare.
© 2007 IRI