Aia Iteraniba Ataei
Marcia V., ana ririki 5, mai Peru, e uota kimwareireia ao kakatongaia ana karo, Patricia ao Raul. E mena n te kiraati ae RTE n te Buraimwari, ao iai ana mwamwa ae RTE. E tangiria ni karani taian tamnei n te Riaona, ao mamaten nanona ni kunan te aro bon “Ngai Natin te Atua.”
E tangiria n ibuobuoki man tararuakiia ataei aika uarereke, ao e buoka ana tia reirei ni kamauna te burakibooti. E katanga te waeoriin. Marcia e tangira te bootaki n utu n te tairiki ao ni kukurei n nako n taromauri. E tangira Tamara are i karawa ao e ataia bwa E tangira naba neiene.
Guillermo T., ana ririki 8, Venezuela
Sarah D., ana ririki 6, Brazil
Jair O., ana ririki 10, Peru
Te Utu ae Akea Tokina
Inanon Aokati 23, 2008, e kabaeaki au utu n te Salt Lake Tembora i Utah. Bon te mii ae koaua ibukira. Ti mwananga rinanon te aonaaba—e bon abwabwaki, te mwananga ae kakua, ma e bon uaana. Ngke ti nako i Utah, bon te tairiki, ao te moan bwai ae ti karaoia bon te nako n noora te tembora. E bon rangin tamaroa n te tairiki ma taura ni kabane aika raneanea iaona. Uoua te bong imwiina ao tia kabaeaki. Titita ake a tararuaia ataei inanon te tembora a buoka tariu te aine ao ngai ni karinii kunnikaira aika mainaina. Ngkanne tia nako bwa ti na mena irarikiia ara karo. I namakinna ae titebo ma I a kaitibo ma Iesu. Ti boni kukurei ngke ti nang kabaeaki! Ngkai I ataia bwa I kona ni maeka ma au utu n aki toki.
Dean F., ana ririki 5, Sri Lanka
Kabwarabwara n te korotamnei n anganano ibukin te waekon man aia korotamnei ataei aika kaotaki n 2010