Roronrikirake
Bwaai Aika I Kona n Anga
I moanna n nanonibwi bwa N na kanga ni kabooi bwaai aika I tangiri ni karaoi n tain te tiamwa: kiraati, reirei, tiamwa kaembwa, ao a mwaiti riki. I taku bwa N nang tang. Ngkanne I uring bwaai ni kabane ake I a tia n reireinaki iai ibukin karekean te koaua ao te onimaki iroun te Uea. I iangoia bwa n na katikui bwaai ni kabane inanon bain te Uea ao n onimakinna bwa bon Ana babaire, E na katauraoa te kawai.
E aki maan imwiina ngke, e kunea te tieke tinau ae tuai anaaki mwanena man te mwakuri are I karekea imwaain te ririki anne, ao te bong naba are imwiina ao I karekea te kaniwanga te mwane ae uarereke n te meeri ibukin karekean te kauoman n te kaboo. Aio bon te kakoaua ae korakora nakoiu bwa e maiu te Atua, bwa E tangira ao E tabe ibukiu ao e na bon karekea.
I onrake n te kukurei ao te tangira ibukin Tamau are i Karawa ao te Tia Kamaiu. I namakinna ae kanga N na rebwetaua! I rangin n tangiria ni kan kaota au kakaitau, ni kamoamoa te Atua te kabanea n tamaroa are I kona, ao n tibwaua te namakin anne. Tabeman a tia ni karaoa aei man otean te anene, korean te boem, ke ni beniia te tamnei, ma I namakina ae iaki tau ni karaoa teuana maibuakon bwaai aikanne. I kunea te bwai ae i ti kona n anga are e na tau ibukin au kamoamoa bon maiu—n riki bwa “aia tia kakairi aomata aika onimaki” (1 Timoteo 4:12), n anga maiu nakon Kristo. Anne ni kabane ae E titiraki, ao ti akanne bwaai aika I kona n anga.