Nai Otootoga o le Lalolagi

Maua i le Initoneti le Tusi Fusitolu i le gagana Iapani

Ua maua nei i le initoneti i le scriptures.lds.org/jpn le lomiga i le gagana Sapani o le tusi fusitolu, ua tuufaatasi ai i se voluma e tasi le Tusi a Mamona, Mataupu Faavae ma Feagaiga, ma le Penina Tau Tele. O loo maua foi i le saite lava lea le kopi i le leo ma o le a le toe mamao ae maua i le tisiketi. O le saite o tusitusiga paia o loo i ai vaefaamatalaga, faafanua, ma ata, ma e mafai e le au faitau ona faailoga ia mau ma faatino le sueina o upu autu. Ua 19 nei gagana ua aofia ai i le saite o tusitusiga paia.

Fesoasoani Taiala o Punaoa a le Autalavou mo Faiaoga

O taiala fou o punaoa ua faaopoopo atu i tusi lesona a le Perisitua Arona ma Tamaitai Talavou, Perisitua Arona Tusi Lesona 3 ma le Tusi Lesona 3 Tamaitai Talavou, mo le 2011. O le taiala ua tuuina atu ai i faiaoga autu e faatatau i konafesi aoao lata mai nei, fesili e talanoaina, mau faaopoopo, ma manatu mo gaoioiga e faatatau ma faamanatu ai lesona o loo i ai, ia atili ai ona talafeauga ma faafitauli o loo feagai ma le autalavou i aso nei. O loo maua nei taiala i gagana e 27 i faletusi autu a le Ekalesia po o le initoneti foi i le resourceguides.lds.org.

Ua Filifilia Nei e le Ekalesia ni Tagata e Faatinoina le Galuega Faatino o le Feagaiga Fou

I se taumafaiga e faatosina mai tagata auai mai le lalolagi atoa mo le galuega faatino o le ata tifaga a le LDS Motion Picture Studio’s New Testament, ua fatuina ai e le Ekalesia se Uepi saite, casting.lds.org, lea e mafai ai e tagata o le Ekalesia e fia auai ona talosaga e fai ma tagata faatino po o le faia o vaega laiti i le gaosiga o ata tifaga ma vitio uma a le Ekalesia, e aofia ai le galuega faatino o le Feagaiga Fou. O le a amata pueina le ata tifaga i le amataga o le tautotogo o le 2011 i le Aai o Sate Leki, Iuta, ISA, ma o le a faaauau atu i le taumafanafana.

Maua DVD Fou mo le Suesueina o le MFF

O se seti fou o DVD e fa e fesoasoani i suesuega o le Mataupu Faavae ma Feagaiga ma le talafaasolopito o le Ekalesia. O le seti o loo aofia ai nei siata fesootai, upusii mai perofeta ma aposetolo o aso e gata ai, ata vali, ma gaoioiga e aoao ai. O loo i ai foi vitio e pei o le Measina, Mauga o le Alii, ma le Iosefa Samita: O Le Perofeta o le Toefuataiga, lea sa faaali i le Maota Faamanatu o Iosefa Samita talu mai Tesema 2005. E maua foi DVD o le Mataupu Faavae ma Feagaiga ma Punaoa Vaaia o le Talafaasolopito o le Ekalesia i le gagana Peretania, Potukale, ma le Sipaniolo. Oka i luga o le Initoneti i le store.lds.org pe telefoni i le 1-800-537-5971. Siaki i faletusi i le lotoifale pe ua maua ai.