O Le a Matou Fafaina Oe!

Saunia e Peresitene Thomas S. Monson

Mai se lauga o le konafesi aoao ia Oketopa 2006.

Ata

President Thomas S. Monson

A o ou sau i la’u taavale i le ofisa i se tasi taeao, sa ou pasia se faailoilo. E faitauina, “O Le Galuega e Taulia.” Sa le mafai ona alu ese ma lo’u mafaufau lena savali. O le mea moni lava o le galuega e taulia—o le galuega a le Alii.

I le tele o tausaga ua mavae sa ou maua ai le avanoa e tuu atu ai se faamanuiaga i se tamaitai talavou lalelei e 12 tausaga le matua, o Jami Palmer. E lei leva ona maua o ia i le kanesa. Sa ia iloaina ai o lona vae sa i ai le kanesa o le a moomia ni taotoga se tele. O se savaliga sopo ua leva ona fuafuaina faatasi ma lana vasega a Tamaitai Talavou i luga o le auala gaoa sa le fesiligia, o lona mafaufau lea.

Sa ta’u atu e Jami i ana uo o le a alu le latou sopo e aunoa ma ia. Ou te mautinoa sa pei e gau lona leo ma sa faanoanoa lona loto.

Ae peitai sa tali faamalosi atu isi tamaitai talavou, “E leai, Jami, tatou te o ma oe!”

“Ae le mafai ona ou savali,” o lana tali atu lea.

“O lona uiga la o le a matou fafaina oe i luga!” Ma sa latou faia lava.

E leai se tasi o na tamaitai talavou peleina o le a faagaloina lena aso galo gata ina ua silasila ifo ai se Tama Faalelagi alofa ma soisoi ifo ma le fiafia ma le faamalieina o lona finagalo i lena mea.

I le Tusi a Mamona tatou te faitau ai i le tupu mamalu o Peniamina. Na ia folafola atu, “Faauta foi, ou te fai atu nei mea ia te outou ina ia outou a’oa’o i le poto; ina ia outou iloa lenei mea, pe a i ai outou i le galuega a o outou uso ua na ona i ai outou i le galuega a le Atua” (Mosaea 2:17).

O le galuega lenei e taulia, le galuega ua valaauina ai i tatou uma: le galuega a le Alii o Iesu Keriso.

Tatou Te Auauna Atu Foi

Tagai i le auala na filifili ai e nei fanau e auauna atu ai i isi.

Auauna atu i le Su’isu’i

Ina ua faalogo Sara, e 9 tausaga, mai Oklahoma, ISA, e uiga i le mafuie i Haiti i le tausaga lea ua te’a, sa ia mafaufau i teneiti na leai ni o latou fale. E le’i leva ona maua sana laau suisui i lona aso fanau, ma sa ia fuafua loa e fai ni sakete faigofie mo nai teneiti. Sa manaomia le onosa’i a o toe talaina e Sara mea na suiina ina ia faasa’o mea na sese. Peitai e lei umi ae ua ia suiina sakete fou e 18. Na ia auina atu [sakete] i le Nofoaga Autu mo Fesoasoaniga Alofa a le Ekalesia mo teneiti i Haiti.

Auaunaga i Ato Faafafa

Na tuufaatasi e Alesi, e 9 tausaga, ma Noa, e 6 tausaga , mai Oregon, ISA, ni ato faafafa se 15 e tumu i mea e faaaoga i le aoga mo tamaiti na manaomiaina. Na la aoina mai ni foai mai uo ma tagata o aiga o e na mananao e fesoasoani. “O le tuufaatasia o ato faafafa na ou maua ai se lagona lelei i totonu,” o le tala lea a Alesi.

Lima Naunautai

Na manaomia e le paranesi a Rikki i Kalefonia, ISA, se tasi e na te taina le piano. Sa na o le iva o ona tausaga, ae na ia Rikki ni lima fesoasoani. E lima tausaga na a’o ai lana ta piano, ae na i ai nisi o viiga na faigata ona taina. O le taimi nei e na te filifilia ma taina viiga mo le sauniga faamanatuga i vaiaso taitasi. “E ui lava ina sa ou fefe, ae na ou iloa e taua le auauna atu i la’u paranesi,” o lana tala lea. “Ou te lagonaina le toafilemu pe a ou taina viiga.”

Keke mo Fasimoli

O Eliana, e 7 tausaga, na faalogo o loo manaomia e lana siteki i Iuta, ISA, le 300 fasimoli mo tamai ato e tuu ai mea mo le tumama mo tagata na aafia i le mafuie. Sa la fuafua ma lona tina e taoina ni kuki se tele ma fesuiai pe faatau atu mo fasimoli. E le itiiti ifo ma le ta’i tasene na okaina e o latou tuaoi uma. Sa mafai ona faatau mai fasimoli e 172, i le faaaogaina o se pepa talaoloa. “Ou te iloa ua faamanuiaina a’u ma lo’u aiga e le Tama Faalelagi ona o le faia o la matou vaega,” o le tala lea a Eliana.

Ata na tusia e Taia Morley

Taalo i se Taaloga Faatusatusa

Vase se laina i le va o le ata a le tamaitiiti po o tamaiti ma se aitema o i lalo o loo talanoaina i le tala. O nisi o tala o le a sili atu ma le tasi se aitema.