Autalavou
O Faifeautalai e Toatele i Lo’u Olaga
O le Aso Sa muamua na matou o ai i le lotu ma faifeautalai, na ou iloa ai ni tagata na matou ola ae faatasi ma masani ai mai le alalafaga. Na ou vaaia se tasi o au uo mamae mai le aoga, o failautusi o le aoga maualalo ma le aoga maualuga, se tamaitai sa ou matua agaleaga i ai i taimi ua tuanai, e oo lava i se alii talavou sa ou faateine lava i ai i se taimi.
O nei tagata uma lava na i ai se aafiaga tumau ia te au. O la’u uo mamae o se tamaitai talavou e faamaoni aiai, ma o ia le mafuaaga na ou filifili ai e faaauau ona sailiili i le Ekalesia. Na fesoasoani mai failautusi ia te au, o e na manatuaina a’u mai le aoga, ina ia ou iloa lo’u taua. Na ou aoao e uiga i le alofa faaleatua ma le alofa mama mai le tamaitai talavou lea na taliaina au e ui lava i ou uiga le lelei ia te ia i taimi ua tuanai. O le alii lea na ou faateine i ai a o ou talavou lava, na ia faia se faataitaiga lelei, ma na ou iloaina lona malamalama susulu ma ou manao ai ina ia ou latalata pea ia te ia.
O nei aafiaga na fesoasoani ia te au e iloa ai, ae lei taitai ona ou feiloai atu i faifeautalai, na saunia au e le Tama Faalelagi ina ia maua le talalelei e ala mai i tagata na Ia tuu e siosiomia au. Na ou aoao mai ia i latou o mea laiti tatou te faia e mafai ona oo ai i se taunuuga maoae. O le mea e sili ona taua, na ou iloa ai o le galuega faafaifeautalai e amata ia te au.