E TANGIRIRA IESU
N te bong teuana I tekateka i aon te kaintekateka ae abwabwaki n ongora nakon te katangitangi n te CD. Ngke e a nako te anene n taromauri ae “Reireiai Bwa N na Toua Te Ota” (Anene n Taromauri ma Aia Anene Ataei, iteraniba 63), I iangoa ana karea Iesu Kristo ibukira n tatabemaniira nako. I uringa Ana tangira, Ana nanorinano, ao Ana nanoanga, ao I namakina nanou bwa e onrake n te kakaitau. E kakoaua nakoiu Tamnein te Uea bwa e tangiriira te Tia Kamaiu.
Natiu te mwaane ae uoua ana ririki e tekateka irarikiu, ni mamataku n tamnein Iesu Kristo. E bae n namakina naba te bwai teuana ibukina bwa e tararake n taraai ma n taku, “Tinau, E tangiriko Iesu!”
Iesu Kristo bon mwakoron maeu ao maeuiia au utu. E mena inanon au iango ao i nanou. E a tia ni bita maeu Ana euangkerio.