MAIUAKINAN ANA TUA
Iesu Kristo bon te kawai ni koaua, te Berena ni Kamaiu. Bon Ngaia are e karekea katamaroan te Karikibwai ni kabane ao ibukin kabwaiaia ao boutokaan maiuia te botanaomata. Bon Ngaia te kabanea ni kakannato mai buakon nako ana Karikibwai te Atua, te Nati te Mwaane ae te Rikitemanna n te rabwata ao te Moan Bungiaki n te tamnei. N rinanona Ngaia, e a tia te Tama ni kaota Ana tangira ae korakora ibukia ni kabane.
Rinanon maiu I a tia ni karekei kakabwaia aika moan te mwaiti, rinanon au onimaki iroun Iesu Kristo ao moaraara riki n te Mwakuri ni Kamaiu ae tabu—ana boraraoi te Uea ae moan baan te tamaroa. I kataia ni kaota te tangira ae I namakinna Ibukina man maiuakinan Ana tua nako.
N te tai aio ao ngai ma buu te aine bon taan tei ibukin Iesu Kristo, ni beku inanon te tai ae bwanin-taina Ibukina. Bon te kimwareirei ae kamiimi tataekinan ana euangkerio Iesu Kristo ao ni kaoaia aomata Nakoina ao ni butimwaia bwa aia Tia Kamaiu.