KO HONO LAU HOKU NGAAHI TĀPUAKÍ
Kuo taʻu 15 ʻeni ʻeku kau ki he Siasí. Kuo ʻi ai ha ngaahi sivi mo ha ngaahi faingataʻa lolotonga e ngaahi taʻu ko ʻení. Ka ʻoku lahi ange ʻaupito, ʻaupito, e ngaahi ʻuhinga ia ke u tūʻulutui hifo ai ʻo fakamālō ki he ʻOtuá koeʻuhi ko ʻEne ʻofa taʻefakangatangatá.
Hangē ko e lau ʻa e himí:
Tānaki ho ngaahi tāpuakí,
ʻE tokoni ʻe he kau ʻāngeló;
Te nau fakafiemālieʻi koe,
Ki he ngataʻanga ʻo e fonongá.
(“Tānaki Ho Ngaahi Tāpuakí,” Ngaahi Himi, fika 148)
Ko e taimi pē ʻoku ou maʻu ai ha faingamālie, ʻoku ou fakahā ʻe lava ke tau maʻu ʻa e fiefia ʻi he moʻuí ni mo ha fiefia ʻoku kakato ʻi he nofo taʻengatá. ʻOku ou fakamoʻoni naʻe fakahoko ʻe he ʻOtuá ke lava ʻeni, pea ʻoku ou fakamālō ai ki he Fakamoʻuí, ʻe lava ke tau nofo fakataha mo Kinaua ʻo taʻe ngata.