Te tua iaon te tua
Kabwianibwai ao Karea riki Tabeua
Ko kan karaoa ae kaokoro nakon te aonaaba ma ko aki ataa te bwai ae ko na karaoia? Kaekaana e kaan n aron am tinaniku ni kabwianibwai. Aio aron taraan te mwane are ko karinna n te tinaniku ae uarereke ni buoka katean abanuean te Uea n te aonaaba ni kabuta—ao n am uoote ke te mwaanga.
Aram
E taraa n ae kai ataaki, ma taraia raoi bwa e na titebo kanoakin te rain aei ni katoa tai. Anne bon ibukin am kiraaka n am uoote ke te mwaanga bwa e na aki kataia ni kakaea bwa K. Anderson ao Kim Anderson bon te aomata ae ti temanna.
Kabwianibwai
10 te katebubua a kanakoaki nakon ana etekuata te Ekaretia i Salt Lake City, Utah, ike a na taraia raoi ao ni baireia taan kairiiri n te Ekaretia bwa e kainnanoaki riki iaa—tao buokan katean te autinibootaki n te tabo teuana n te aonaaba.
Angabwai n aki Mamatam
Ni katoa Taabati n aki mamatam, Aika Itiaki ni Boong Aika Kaitira e reke aia tai n anga nakon te mwane n angabwai n aki mamatam. Te moan bwai, te bitiobi ke te beretitenti n te mwaanga e kabongana te mwane aei ni buokiia aomata n oin ana uoote ke te mwaanga are a kainnanoa te mwane ibukin boon kanaia ke ibukin boon te auti. Ngkanne, ngkana iai te nikira, angabwai n aki mamatam a kanakoaki bwa buokaia aomata aika kainnano n aono riki tabeua.
Mitinare n te Uoote
Anga ikai bwa buokan boutokakia mitinare man oin am uoote ke te mwaanga.
Mitinare ni kabuta
Anga ikai bwa boutokaia mitinare ao te mwakuri ni mitinare n taabo nako n te Ekaretia.
Ana Boki Moomon
Ngkana ko kan buoka boon katooton Ana Boki Moomon, are e na buoka rairakia aomata n te aonaaba, anga ikai.
Te Buoka ibukia Aika Rootaki
Ngkana iai kabuanibwai aika korakora n te aonaaba, e mena iai te Ekaretia, ni ibuobuoki ni karekei bwaai aika kainnanoaki n tain te kangaanga. Te Mwane ni Buoka Ibukiia Aika Rootaki e kanakoi naba amwarake nakoia aomata aika rootaki n te bakitaia, te baki ao bwaai n reirei ibukia ataei aika kainnano. Te katooto, Te Mwane ni Buoka Ibukiia Aika Rootaki n te tai ae aki maan n nako e buoki itinakiia mirion ataein Africa n totokoa te miitira.
Katean tembora
Ngkana ko kan buoka boon katean taian tembora n te aonaaba, anga ika.
Reirei n aki toki
N taabo aika mwaiti n te aonaaba, te reirei imwiin banen kauarinan bon te bwai ae aki kona n reke irouia kairake Aika Itiaki ni Boog Aika Kaitira aika mwaiti. Mwanen Reirei N Aki Toki e anga tangomwane ibukin reirei ni katamaroai boong aika na roko ibukiia ataein te reirei n aaba aika mwaiti.
Tabeua riki
Ko kainnanoa kabwakaan te roo ibukin aia kaembwa Tikauti, aia kaembwa Ataeinaine, ke waaki ni kakukurei riki tabeua aika mwanenaki man te Ekaretia? Korei mwaane aikai iaan te karinan ibukin “Tabeua Riki”. E ngae ngke mwaane aikai tiaki tenaan anganano, te karinan aei e kariaia taan kairiiri n te uoote ke mwaanga bwa a na taui mwiin bwakamwane ao a na anganiko te rititi.
“Te kurubu ni mwaane ae a marooro ma te Burabeti Iotebwa Timiti n te bong teuana ngke e a roko te rongorongo bwa a na auti te tari ae kainnano … e kabuekaki. A bane aomata ni kaota nanokawakia ibukin te bwai are riki. Te Burabeti e kakauongo teutana te tai, ao e ‘karina baina n ana buua, e ana nimaua te taraa ao e taku, “I nanoanga te tari aei n te mwaiti ae nimaua te tara; mwaitira nanoangaana iroumi?”’ … N te ririki ae nako mirion i buakomi a tia ni kaeka nakon nanokawakia tabeman ma ami bwai, nanomi n nanoanga, ao baai ni ibuobuoki. Kam rabwa ibukin ami tituaraoi ae tamaroa.”
Bitiobi H. David Burton, Bitiobi n Tararua, “Naano aika Nanoanga ao Bwaai ni Ibuobuoki,” Riaona, Meei 2006, 8.