E Na Anganiko Te Motirawa
Nanou e maraki ma nanona. I rangi n tangiria ni buokia bukina I namakina ana namakin n nanokawaki ao nano ni ingainga ni karaoa ae raoiroi ae riai.
I bon mwakuri bwa te mitinare ngke I kaitibo ma Susie (e bitaki arana). Ngaia ma ana utu a tia n reiakinaki te Euangkerio irouia uoman mitinare ake a mwakuri n aobitin te mition ma ngai. A karekei reirei ni kabanea ni kariaia te kakao nakon te bwabetito ao te kamatoaki. Bon te kakatonga irou n intawiu ma te utu ae moan te tamaroa aika aman: te tama, te nati, mwanena ae uarereke, ao Susie.
I kabanea te intawiu ibukin te bwabetito ibukia kaain te utu ake teniman ao ni kuneia bwa a rangi n tauraoi ao ni kan riki bwa kaain abanuean te Uea. Ma ngke e roko Susie, e tara n aki karongoa ao n tara n aki kan kaitibo ma ngai.
I moanna n titiraki bwa tera ae e atia n reireinaki. E ata karakin te Burabeti Iotebwa Timiti ao ni kakoaua; e a tia ni wareka Ana Boki Moomon ao n ataia ae e koaua; ao e kariai bwa bon ti te Ekaretia ae koaua ao e maiu iaon te aonaaba ao n tangiria ni kan riki bwa kaaina. I titirakina Susie ibukin kukureina ni maiuakina tuan te kabwianibwai, Tuan te Mauri, ao tabeua riki tuua. E taku bwa e atai aikai ao ni kukurei ni maiuakini ni karokoa tokin maiuna. Ni koauana, t intawiu bon ti tabo naba ake I karaoi ma kaain ni kabane te utu.
Imwina ao I titirakinna, “Ko kona n tuangai tuan te itiaki bwa tera?” E waekoa ni bitaki taraana. I waekoa n ataia bwa aio bukina are e tara n rawa iai ni kaitibo ma ngai. Imwain ae I kona n taekina te bwai teuana, e rabuna matana ni baina ni kauoua, kamena ubuna inanon baina ao iaoni waena ao ni waakina tangina ni kabaibati.
Ti tekateka n aki kakarabakau inanon tabeua miniti. I aki ata te bwai ae N na taekinna, ao Susie e bon kona ni katoka tangina. I tataro nakon te Uea ibukin ana ibuobuoki ao n titirakina Susie bwa tera ae riki. E karaurau n tabeka matana ao n tuangai bwa tabeua wiiki imwain kaitiboona ma mitinare e a tia ma raona te mwaane ni karaoi mwakuri ake a bure nakon ana tua te Atua. E a bon tia n tuanga raoraona te mwaane bwa tera ae e a tia n reiakinna ao n tia n tuangnga bwa e aki kani manga iai irekerekena ma ngaia. E a tia ni kaota ana iango nakoina bwa e riai ni kaitibo ma mitinare ao n ongora are e a tia n ataia bwa e koaua. Ngkanne, te kairua ibukin karaoan mwakuri aikai a bon karawawataa tamneina.
Nanou e maraki ma nanona. I rangi n tangiria ni buokia bukina I namakina ana namakin n nanokawaki ao nano ni ingainga ni karaoa ae raoiroi ae riai. N te tai anne te kaeka nakon au tataro e roko n rangin ota. I titirakina, “Susie, ko tangiria ni kan kainaomataki man am kairua ao marakim n te bure aei?” E a manga rabuna matana ni baina, ao ni baraaki. E kaotinakoa te taeka ae ti teuana: “Eng.” Ranin matana a manga waanako riki, ao I kabebetea man taekina rongorongon te Mwakuri ni Kamaiu ao arona ni kona ni kamwakuria nakon maiuna. I kabwarabwara bwa teuana bukina te bwabetito ao te kamatoaki bon kamaiuan tamneia ake a rairinanoia, ao n akea te titiraki I kunea bwa e na bon koaua.
Ti katiaa te intawiu ma te tataro. Tamnein te Atua e mataata kaotina, n rangin korakora nakon ae I a tia n namakinna imwaina n tain te intawiu.
Toau ma Ngai ti roko n te umwantabu tabeua te tai imwin te bwabetito. E aki reke te tai n taetae ma Susie ke ana utu imwin te tataro. Imwin te anene ao te taetae, a bwabetitoaki—te moan tinana, imwina tamana, imwina mwanena, ao kabaneana Susie. E ruo nako nanon te tabo ni bwabetito, ao e matangare taekina te karaki—te mwakuri ni kamaiu mairoun te Mwatita e bon mwakuri inanona. Ngke e otinako man te ran, a waanako ran matana ao ngai. Matangarena e a rangi ni bubura riki nakon are mai mwaina, ao tarana e raneanea. I ataia n te tai anne bukin ana reirei te Tia Kamaiu are e reirei, “Bane mai nakoiu, ngkami … akana kam rawawata, N na motiki rawami” (Mataio 11:28).
Ti marooro teutana te tai imwin te tataro. I butimwaea te utu bwa membwa aika boou n abanuean te Uea. Ngke I taua bain Susie, I tangiria n tuangnga aron korakoran te namakin nakoiu. I atia n rairananou inanon maiu ao namakina korakoran te Mwakuri ni Kamaiu, ma I rangi ni kukurei ni kona n namakina riki ni korakorana riki nakon mai imwaina ibukin reitakiu ma ngaia.
Kaainakin te Ekaretia bon te kakaewenako bon inanona. Kaainakina iaan bon oin korakoram e na bon riki bwa te kakaewenako ae korakora ibukin Susie, n aiaroia naba membwa aika a mwaiti. Ma Ana Mwakuri Ni Kamaiu Iesu Kristo e kariki te kakaewenako ma ni kaira ana nati te aine te Atua ae moan te kamimi ni bitia ao man kamaiua tamneina. E bon reireina naba te mitinare ae ataei ni kai rootaki ni kakawaakin te reirei ibukin kamwakuran te Mwakuri ni Kamaiu inanon maiuna.