Rongorongo ni Kakawaki n Reirei

Riiki bwa te Bwai ni mwakuri Ni Bain te Atua Ibukin Tabeakinakiia Aomata Aika Aki Kaubwai ao Ake a Kainnano

Tataromwaaka n rinei ao ni wareware man te rongorongo aei ao reirei ake a na buoki kainnanoia titita ake ko kawariia. Tibwaua am atatai ao am koaua. Kaoia naake ko reireiniia bwa ana karaoa ae ti tebo ma aei.

Tera te bwai ae Taekinna te Uea Ibukin Tararuakiia Aomata Aika Aki Kaubwai ao Ake a Kainano?

Unimwaane Russell M. Nelson kaain te Kooram n te Tengaun ma Uoman n Abotoro: “E tabetabe Tamara are i Karawa ibukiia [aki kaubwai ake a kainano]. Bon natina ni kabane… . Aomata aika aki kaubwai—riki nakoia aomata aika raure ma buuia, ataei ake akea aia karo, ao iruwa—a tia n riki bwa tabetaben te Atua ao naake a kororaoi… . Nakoia naake a tararuaia aomata aika aki kaubwai, a kaman baireaki kakabwaia bwa kanoan te berita nakoia” (“In the Lord’s Own Way,” Ensign, Meei 1986, 25).

Mataio 25:37–40: “Ao ane a na kaeka ake a raoiroi ni kangai, te Uea, ti nooriko n ningai ngke Ko baki, ao ti kaamwarakeko? Ao ngke Ko kanimooi, ao ti kamoiko?

“Ao ti noriko n ningai ngke Ko iruwa, ao ti akoiko? Ao akea kunnikaim, ao ti kunnikaiko?

“Ao ti noriko n ningai ngke Ko aoraki, ke Ko mena inanon te auti ni kaikain, ao ti kawariko?

“Ao te Uea e na kaeka man kangai nakoia, E koaua ae I tuangkkami bwa ngke kam karaoi baikai nakon temanna ae moan te mangori ibuakoia tariu aikai, ao kam karaoia naba ibukiu.”

N na Kanga n Riki Bwa te Bwai ni Mwakuri Ibukiia Tabeman?

Motiaea 4:26: “I tangiri ngkami bwa kam na anganako ami bwai nakoia aika kainnano, aomata ni kabane n aron are iai irouia, n aron kamwarakeaia aika baki, kakunikaiakiia aika akea karabaia, kawaraia aoraki ao buoakia ni kainnanoia, n tamnei ao n rabwata.”

Unimwaane Henry B. Eyring kaain te Kooram n te Tengaun ma Uoman n Abotoro: “N na bon aki manga noora te reirei n te mweenga ke te kakawari n reirei n te mweenga bwa ti te burokuraem… . Te mwakuri aei bon reken te tai, tiaki te bwai ni karawawata… . Kaain te ekaretia ni kabane a tia ni karaoi aia berita bwa ana karaoi mwakuri n tangira nakon are e na karaoia te Tia Kamaiu. Ngaia ngkana iai te wewete bwa ko na kaota am koaua ao tabeakinakiia tabeman tiaki ibukin karaoan ae raka riki nakon are ko a tia n tuanagaki, bon te kakabwaia ae a tia ni karaoaki iroun Tamara are i Karawa ma Natina, Iesu Kristo… . Te wewete ibukin am koaua n tabeakinakiia aomata tabeman bon te tai ae kakawaki ni koaua bwa tera taian kakabwaia aika roko ngkana ko riki bwa ana aomata ni berita ao bon te tai naba ae tamaroa bwa ko kukurei ni bukinaki iai” (“Witnesses for God,” Ensign, Nobembwa 1996, 31).

Bitiobi H. David Burton, Te Bitiobi n Tararua: “Te Burabeti Joseph Smith e reireiniira bwa tabera bon ‘ti kamwarakeaia ake a baki, kunnikainiia ake akea karabakiia, buokiia aine ake akea buuia, ni buoka te ataei ae akea ana karo, karaunanoia ake a karawawataaki, n te ekaretia aei ke n ake tabeua, ke irouia naake akea aia aroo, n te tabo are e kuneia iai’ (Times and Seasons, 15 Maati 1842, 732). Ti na tituaraoi ma ara tai ao n akoi n ara angabwai ibukiia naake a rootaki” (“Go, and Do Thou Likewise,” Ensign, Meei 1997, 77).

Bonnie D. Parkin, Te Beretitenti ni Kabuta n te Bootaki n Aine: “Ana Auti ni Bwai te Uea—are iai inanona ‘bwaai aika tau ao ni kona ni kabonganaaki’ —bon [kanikinaean] te bwai ae a tia te Uea ni katikua iroura n tatabemaniira nako (tara D&C 104:17). Bon te aine temanna ae karaoa te kaokoro ibukin are temanna. Bon temanna te aine ae a tia n anga nanona bwa e na ongora ke n taetae ma aine ake a maroa. Bon te aine ae karikirakea te iraorao ae kaan ma aine ake e reirei ma ngaiia. Boni ngkoe ao ngai ae ti kakorakora, rabakaura, ao ara tarena ni kakabwaiai maiuia tabeman”(“Welfare, the Crowning Principle of a Christian Life,” BYU Women’s Conference, Meei 1, 2003, 3).