Faasino Upu o Sauniga o Loo Maua i Luga o le Initoneti

Ua i ai nei se faafouga o le Faasino Upu o Sauniga i le FamilySearch™ mo se taimi muamua i le tuatusi faavaomalo o le www.family search.org. O lenei faamatalaga o loo i ai se faamaumauga o sauniga faalemalumalusa ua maea ona faia galuega mo tagata ua maliliu. E mafai e tagata o le au paia ona maua nei faamatalaga e faamaonia ai pe ua faia galuega mo sauniga faalemalumalusa mo e ua maliliu a o lei auina atu igoa i le malumalu. O le a fesoasoani lenei faaamaoniga e faaitiitia ai le toe faia o galuega mo sauniga ua uma ona fai.

E faitau miliona igoa ua faaopoopo talu ai nei i le Faasino Upu o Sauniga, ma o le a faafouina i vaiaso taitasi ina ia mautinoa ai ua maua e le au paia faamatalaga lata mai e uiga i o latou augatuaa.

Ina ia mafai ona lesitala ma maua faamatalaga e faatatau i sauniga i le laina o le Initoneti o le Faasino Upu o Sauniga, e tatau i tagata o le Ekalesia ona i ai a latou numera o pepa faamaumau ma aso o faamauga. E mafai e failautusi o uarota ma paranesi ona saunia nei faamatalaga.

O tagata e maua le Initoneti i le fale po o le nofoaga tutotonu foi o talafaasolopito o aiga i o latou uarota po o siteki, e mafai ona latou faaaogaina le tuatusi faavaomalo i le Initoneti mo le Faasino Upu o Sauniga. O nofoaga tutotonu o talafaasolopito o aiga e leai ni Initoneti o i ai, e mafai ona latou faafesootaia le Matagaluega o Talafaasolopito o Aiga ma le Ekalesia ina ia faafesootai atu i latou i le Initoneti pe a maua mai se faatagaga mai taitai perisitua o le lotoifale.