Ana Ribooti te Aobiti n Oteta ibukin te Ekaretia, 2023
Nakon te Moan Beretitentii n Ana Ekaretia Iesu Kristo ibukiia Aika Itiaki ni Boong aika Kaitira
Nakoia Taari: N aron ae e kairaki man te kaotioti, n aron ae koreaki ni mwakoro 120 n Reirei ao Berita aika Tabu, te Kauntira i aon bebwan tauan mwiin Kabwianibwai—ae e kaainaki irouia kaain te Moan Beretitentii, te Kooram n Abotoro n te Tengaun ma Uoman, ao te Bitiobiriki n Tararua—a anga te kariaia ibukin kabanemwane n te Ekaretia. Ana rabwata te Ekaretia e tibwatibwai mwaane ni kaeti ma kataumwane, tuua, ao aron kabonganakiia aika a tia ni kariaiakaki.
Te Oteta n Tararua ibukin te Ekaretia, are e kaainaki irouia ake a mwaatai ake a beeba ao ake aki irekereke ma ana bootaki ao ana rabwata riki tabeua te Ekaretia, iai tabeia ni karaoi oteta ibukin katauraoan baika iai bukiia ni kaineti ma angamwane aika a reke, kabane mwane ake a karaoaki, ao kamanoan ana bwai te Ekaretia.
Ni boboto i aon mwakuri ake e karaoi te oteta, te Oteta n Tararua ibukin te Ekaretia e kantaningaia bwa, man ana bwai ni kabane aika a kakaawaki, angamwane aika a reke, kabanemwane ake a karaoaki, ao ana bwai te Ekaretia ibukin te ririki 2023 a tia n tauaki mwiia ao ni mwakuriaki ni kaeineti ma kabonganakin ana kataumwane te Ekaretia, kawain aron kabonganakiia, ao tuua aika a tia ni kariaiakaki. Te Ekaretia e irii mwakuri ake e a tia n reireiniia iai kain te aro ni maiuakinan te kataumwane, totokoa te taarau, ao ni karinimwane ibukin kaitaraan taai ake a kainanoaki iai.
E uotakirakeaki ma te karinerine,
Oteta n Tararua ibukin te Ekaretia
Jared B. Larson
Manatia n Tararua