දෙවියන්වහන්සේගේ කාර්යයන් ඉටුකිරීමට එක්සත්වී
අපගේ දිව්‍යමය හැකියාවන් සපුරාලීම සඳහා වඩාත් ඵලදායී ක්‍රමය වන්නේ, පූජකත්වයේ බලය හා අධිකාරිය මගින් ආශිර්වාද වී, එකට එක්ව වැඩ කිරීමයි.
ආදරණීය අපූරු සහෝදර සහෝදරියනි, ඔබ සමග සිටීමට ලැබීම සතුටක්. ඔබ සවන්දෙන ඕනෑම තැනකට, මම මගේ සහෝදරියන්ට වැළඳගැනීමකුත්, මගේ සහෝදරයන්ට හෘදයාංගම අතට අත දීමකුත් එවනවා. ස්වාමින්වහන්සේගේ කාර්යයේදී අපි එක්සත්.
අපි ආදම් සහ ඒව ගැන සිතන විට, බොහෝවිට අපගේ පළමු සිතුවිල්ල ඒදන් උයනේ ඔවුන්ගේ අද්විතීය ජීවිතය ගැනයි. මම හිතාගන්න විදියට එහි කාලගුණය සෑමවිටම පරිපූර්ණයි—අධික උණුසුම් හා අධික සීතල නොවේ—සහ බහුල, රසවත් පලතුරු සහ එළවළු ලබාගත හැකි බැවින් ඔවුන්ට කැමති ඕනෑම වේලාවක ආහාර ගත හැකියි. මෙය ඔවුන්ට නව ලෝකයක් බැවින්, සොයාගැනීමට බොහෝ දේ තිබෙනවා, එබැවින් ඔවුන් සත්ව ජීවිතය සමග සැරිසරන විට සහ ඔවුන්ගේ සුන්දර වටපිටාව ගවේෂණය කරන විට සෑම දිනක්ම සිත්ගන්නාසුළු වුණා. ඔවුන්ට කීකරු වීමට ආඥා ලබාදී තිබුණු අතර ආරම්භයේදී යම්කිසි බියක් සහ ව්‍යාකූලත්වයක් ඇති කළ, එම උපදෙස් වෙත එළඹීමට විවිධ ක්‍රම තිබුණා.1 නමුත් ඔවුන් තම ජීවිත සදහටම වෙනස් කරන තීරණ ගන්නා විට, ඔවුන් එකට වැඩ කිරීමට ඉගෙනගත් අතර, දෙවියන්වහන්සේට ඔවුන් උදෙසා සහ—උන්වහන්සේගේ සියලු දරුවන් වෙනුවෙන් තිබූ අරමුණු ඉටුකර ගැනීමට එක්සත් වුණා.
දැන් මේ යුවළම ලෞකික ජීවිතයේ මවාගන්න. ඔවුන්ගේ ආහාර සඳහා වෙහෙස මහන්සිවී වැඩ කිරීමට ඔවුන්ට සිදුවූ අතර, සමහර සතුන් ඔවුන් ආහාර ලෙස සැලකූ අතර, දුෂ්කර අභියෝගයන් ජයගත හැකි වූයේ ඔවුන් එකට උපදෙස් ලබාගැනීමෙන් හා යාච්ඤා කිරීමෙන් පමණයි. එම අභියෝගයන්ට එළඹිය යුතු ආකාරය පිළිබඳ ඔවුන් අවම වශයෙන් කිහිපවතාවක්ම එකිනෙකට වෙනස් මත දැරූ බව මම සිතනවා. කෙසේවෙතත්, වැටීම තුලින්, එකමුතුකමින් හා ප්‍රේමයෙන් ක්‍රියා කිරීම අත්‍යවශ්‍ය බව ඔවුන් ඉගෙනගත්තා. දිව්‍යමය මූලාශ්‍ර වලින් ඔවුන්ට ලැබුණු ඉගැන්වීමේදී, ගැලවීමේ සැලැස්ම සහ එම සැලැස්ම ක්‍රියාත්මක වන යේසුස් ක්‍රිස්තුස්වහන්සේගේ ශුභාරංචියේ මූලධර්ම ඔවුන්ට ඉගැන්වූවා. ඔවුන්ගේ ලෞකික අරමුණ හා සදාකාලික ඉලක්කය එක හා සමාන බව ඔවුන් වටහාගෙන සිටි නිසා, ප්‍රේමයෙන් හා ධර්මිෂ්ඨකමින් එකට වැඩ කිරීමට ඉගෙනගැනීමෙන් ඔවුන් තෘප්තිය හා සාර්ථකත්වය සොයාගත්තා.
ඔවුන්ට දරුවන් ඉපදුණු විට, ආදම් සහ ඒව තම දරුවන්ට ස්වර්ගීය පණිවිඩකරුවන්ගෙන් ඔවුන් ඉගෙනගත් දේ ඉගැන්වූවා. ඔවුන් අවධානය යොමුකළේ තම දරුවන්ට මේ ජීවිතයේ සතුට ගෙනදෙන මූලධර්ම තේරුම්ගැනීමට හා වැලඳගැනීමට උපකාර කිරීමට මෙන්ම, ඔවුන්ගේ හැකියාවන් වැඩිකර දෙවියන්වහන්සේට කීකරු බව ඔප්පු කිරීමෙන් පසු ඔවුන්ගේ ස්වර්ගික දෙමාපියන් වෙත ආපසු යාමට සූදානම් කරවීමටයි. මෙම ක්‍රියාවලියේදී, ආදම් සහ ඒව ඔවුන්ගේ වෙනස් ශක්තීන් අගය කිරීමට ඉගෙනගත් අතර ඔවුන්ගේ සදාකාලික වැදගත් කාර්යයන් සඳහා එකිනෙකාට සහයෝගය දැක්වූවා.2
ශතවර්ෂ ගණනාවක් සහ පසුව සහස්‍ර ගණනක් ගෙවීයත්ම, පිරිමින්ගේ හා කාන්තාවන්ගේ දේවානුභාවයෙන් හා එකිනෙකට පරායත්ත වූ දායකත්වයන්හි පැහැදිලිකම වැරදි තොරතුරු සහ වැරදි වැටහීම් වලින් වැසීගියා. ඒදන් උයනේ ආරම්භ වූ මේ පුදුමාකාර ආරම්භය හා දැන් කාලය තුළ, සතුරා අපගේ ආත්මයන් යටත් කරගැනීමේ උත්සාහයන් තුළ ස්ත්‍රීන් හා පුරුෂයන් අතර බෙදීමේ ඉලක්කය සපුරාගෙන තිබෙනවා. ස්ත්‍රීන්ට හා පුරුෂයින්ට දැනෙන එක්සත්කමට හානි කළ හැකි බව ලුසිෆර් දන්නවා, අපගේ දිව්‍යමය වටිනාකම සහ ගිවිසුම් වගකීම් පිළිබඳව අපව ව්‍යාකූල කිරීමට ඔහුට හැකිනම්, සදාකාලික අත්‍යවශ්‍ය ඒකක වන පවුල් විනාශ කිරීමට ඔහු සමත් වෙනවා.
සාතන් සංසන්දනය උසස් හෝ පහත් යැයි හැඟීම ඇති කිරීමේ මෙවලමක් ලෙස පොළඹවන අතර, පුරුෂයින්ගේ සහ කාන්තාවන්ගේ සහජ වෙනස්කම් දෙවියන්වහන්සේ විසින් දෙන ලද්දක් බව හා සමානව අගය කරන දෙයක් යන සදාකාලික සත්‍යය සඟවනවා. පවුලට සහ සිවිල් සමාජයට කාන්තාවන්ගේ දායකත්වය ඔහු පහත්කොට සැලකීමට උත්සාහ කර ඇති අතර එමගින් යහපත සඳහා ඔවුන්ගේ නගාසිටුවීමේ බලපෑම අඩුකරනවා. ඔහුගේ පරමාර්ථය වී ඇත්තේ එකිනෙකාට අනුපූරකව හා එකමුතුකමට දායක වන ස්ත්‍රීන් හා පුරුෂයින්ගේ සුවිශේෂී දායකත්වයන් සැමරීමට වඩා බල අරගලයක් පෝෂණය කිරීමයි.
ඉතින්, වසර ගණනාවක් පුරා සහ ලොව පුරා, කාන්තාවන්ගේ හා පිරිමින්ගේ දිව්‍යමය වශයෙන් එකිනෙකට පරායත්ත වූ නමුත් වෙනස් වූ දායකත්වයන් සහ වගකීම් පිළිබඳ පූර්ණ අවබෝධයක් බොහෝදුරට අතුරුදහන් වී තිබෙනවා. බොහෝ සමාජ වල කාන්තාවන් එකට වැඩ කරන හවුල්කරුවන්ට වඩා පිරිමින්ට යටත්වී ඇති අතර ඔවුන්ගේ ක්‍රියාකාරකම් පටු විෂය පථයකට සීමාවෙලා තිබෙනවා. එම අඳුරු කාල වලදී උපක්‍රම නිසා අධ්‍යාත්මික දියුණුව අඩුවුණා; ඇත්තවශයෙන්ම, ආධිපත්‍යයේ සම්ප්‍රදායන් තුළ ගිලී ඇති මනස හා හදවත් විනිවිද යාමට කුඩා ආත්මික ආලෝකයට හැකි වුණා.
1820 වසන්තයේ මුල් භාගයේ නිව්යෝක් නුවර උඩ පෙදෙසේ පිහිටි එම පූජනීය වනාන්තරයේදී පියාණන් වන දෙවියන්වහන්සේ සහ උන්වහන්සේගේ පුත් යේසුස් ක්‍රිස්තුස්වහන්සේ ජෝසෆ් ස්මිත් පිරිමි ළමයාට දර්ශනය වූ විට නැවත පිහිටවූ ශුභාරංචියේ ආලෝකය “හිරුගේ දීප්තියටත් ඉහළින්”3 බැබළුණා. එම සිදුවීම ස්වර්ගයෙන් එළිදරව් කිරීමේ නවීන ගලායාමක් ආරම්භ කළා. ක්‍රිස්තුස්වහන්සේගේ මුල් සභාවේ නැවත පිහිටුවනු ලද පළමු අංගයන්ගෙන් එකක් නම් දෙවියන්වහන්සේගේ පූජකත්ව බලයයි. නැවත පිහිටුවීම දිගින් දිගටම දිගහැරෙත්ම, උන්වහන්සේ විසින් මෙම පරිශුද්ධ ශ්‍රමය සඳහා බලය පවරනු ලැබ සහ මගපෙන්වා, පුරුෂයින් සහ ස්ත්‍රීන් හවුල්කරුවන් ලෙස වැඩකිරීමේ වැදගත්කම හා හැකියාවන් නැවත අවබෝධ කරගැනීමට පටන්ගත්තා.
1842 දී, සභාවේ කාන්තාවන්ට මෙම කාර්යයට උදව් වීම සඳහා නිල කණ්ඩායමක් පිහිටුවීමට අවශ්‍ය වූ විට, “පූජකත්වයේ රටාව අනුව පූජකත්වය යටතේ” ඔවුන්ව සංවිධානය කිරීමට සභාපති ජෝසෆ් ස්මිත්ට පෙළඹවීමක් දැණුනා.4 ඔහු මෙසේ කිව්වා: “මම දැන් මෙම යතුර දෙවියන්වහන්සේගේ නාමයෙන් ඔබ වෙත හරවන්නෙමි … මෙය වඩා හොඳ දවස්වල ආරම්භයයි.”5 එම යතුර හැරවූ දා සිට කාන්තාවන්ට අධ්‍යාපනික, දේශපාලන හා ආර්ථික අවස්ථා ක්‍රමයෙන් ලෝකය පුරා ව්‍යාප්ත වීමට පටන්ගෙන තිබෙනවා.6
සභාවේ ව්‍යුහය තුළින් පිට නොව, එය තුළ කාන්තාවන්ට බලය, පරිශුද්ධ වගකීම් සහ නිල තනතුරු ලබාදීම සඳහා පූජකත්ව අධිකාරිය සමග කටයුතු කළ අනාගතවක්තෘවරයෙකු විසින් එය පිහිටුවන ලද බැවින්, සහන සමිතිය ලෙස නම් කරන ලද, මෙම නව සභාවේ සංවිධානය එවකට පැවති අනෙකුත් කාන්තා සමාජ වලට වඩා වෙනස් වුණා.7
ජෝසෆ් ස්මිත් අනාගතවක්තෘවරයාගේ කාලයේ සිට අපේ කාලය දක්වා, සෑම දෙයක්ම අඛණ්ඩව නැවත පිහිටුවීම, පුරුෂයින්ට හා කාන්තාවන්ට දිව්‍යමය වශයෙන් පත්කරන ලද වගකීම් ඉටුකිරීමට උපකාර කිරීමේදී පූජකත්ව අධිකාරියේ සහ බලයේ අවශ්‍යතාවය පිළිබඳ අවබෝධයක් ලබාදී තිබෙනවා. පූජකවරය දරන්නෙකුගේ මගපෙන්වීම යටතේ වෙන්කර ඇති කාන්තාවන්, ඔවුන්ගේ කැඳවීම් වලදී පූජක අධිකාරිය සමග ක්‍රියාත්මක වන බව, මෑතකදී අපට උගන්වා තිබෙනවා.8
2019 ඔක්තෝම්බර් මාසයේදී සභාපති රසල් එම්. නෙල්සන් ඉගැන්වූයේ දේවමාළිගාවේ බලයෙන් සැරසුණු කාන්තාවන්ට දෙවියන්වහන්සේ සමග ඇතිකරගත් එම පරිශුද්ධ ගිවිසුම් පිළිපැදීමෙන් ඔවුන්ගේ ජීවිත වල සහ නිවෙස් වල පූජකත්වයේ බලය ඇති බවයි.9 ඔහු මෙසේද පැහැදිලි කළා “පූජකත්වය දරන පිරිමින්ට මෙන්ම ඔවුන්ගෙන් ලැබෙන පූජකත්වය තුළින් දෙවියන්වහන්සේගේ බලය සමග බලයෙන් සැරසී ඇති කාන්තාවන්ටද ස්වර්ග විවෘතව පවතී.” තවද ඔහු සෑම සහෝදරියකටම දිරිගැන්වූයේ “ඔබගේ පවුලට සහ ඔබ ආදරය කරන අන් අයට උපකාර කිරීමට ගැලවුම්කරුවාණන්ගේ බලය නිදහසේ ඇදගන්නා ලෙසයි.”10
ඉතින් ඔබටත් මටත් එයින් අදහස් කරන්නේ කුමක්ද? පූජකත්වයේ අධිකාරිය සහ බලය අවබෝධ කරගැනීම අපගේ ජීවිත වෙනස් කරන්නේ කෙසේද? එක් යතුරක් නම්, කාන්තාවන් සහ පිරිමින් එකට වැඩ කරන විට අප වෙන වෙනම වැඩ කරනවාට වඩා බොහෝ දේ ඉටුකරන බව තේරුම්ගැනීමයි.11 අපගේ භූමිකාවන් තරඟකාරීත්වයට වඩා අනුපූරක වෙනවා. කාන්තාවන්ව පූජකත්ව තත්වයකට පත්කර නොතිබුණද, කලින් සඳහන් කළ පරිදි, කාන්තාවන් තම ගිවිසුම් පවත්වාගෙන යනවිට පූජකත්ව බලයෙන් ආශිර්වාද ලබන අතර, ඔවුන් කැඳවීමකට වෙන්වූ විට ඔවුන් පූජක අධිකාරියෙන් ක්‍රියාත්මක වෙනවා.
සුන්දර අගෝස්තු දිනයක, මෙම අවසාන දිනවල ආරෝනික පූජකත්වය නැවත පිහිටුවන ලද ස්ථානයට ආසන්නයේ, පෙන්සිල්වේනියාවේ හාර්මනි හි ප්‍රතිසංස්කරණය කරන ලද ජෝසෆ් සහ එමාගේ නිවසේ සභාපති රසල් එම්. නෙල්සන් සමග වාඩිවී සිටීම මට භාග්‍යයක් වුණා. අපගේ සංවාදයේදී, සභාපති නෙල්සන් නැවත පිහිටුවීම සඳහා කාන්තාවන් ඉටුකළ වැදගත් කාර්යභාරය ගැන කතාකළා.
සභාපති නෙල්සන්: “පූජකත්වය නැවත පිහිටුවීමේ පෙදෙසට මා පැමිණි විට මට මතක් වන වැදගත්ම අංගයකින් එකක් වන්නේ නැවත පිහිටුවීම සඳහා කාන්තාවන් ඉටුකළ වැදගත් කාර්යභාරයයි.
“ජෝසෆ් මුලින්ම මෝර්මොන්ගේ පොත පරිවර්තනය කිරීමට පටන් ගත්විට, එහි ලිවීම කළේ කවුද? හොඳයි, ඔහු ටිකක් කළා, නමුත් බොහෝ නොවේ. එමා ඒ සඳහා පියවර තැබුවා.
“ඊටපස්සේ මම හිතන්නේ ජෝසෆ් නිව්යෝර්ක් පැල්මයිරාහි ඔවුන්ගේ නිවස අසල යාච්ඤා කරන්නට කැලෑවට ගියා. ඔහු කොහෙද ගියේ? ඔහු ගියෙ පූජනීය වනයට. ඔහු එහි ගියේ ඇයි? අම්මා ඇයට යාච්ඤා කරන්නට අවශ්‍ය වූ විට ගියේ එතනට.
“ඒ, පූජකත්වය නැවත පිහිටුවීමේදී සහ සභාව නැවත පිහිටුවීමේදී ප්‍රධාන භූමිකාවන් ඉටු කළ කාන්තාවන් දෙදෙනෙකු පමණයි. අපේ භාර්යාවන් එදා මෙන් අදත් වැදගත් යැයි අපට කිව හැකි බවට සැකයක් නෑ. ඇත්තෙන්ම ඔවුන් එසේමයි.”
එමා, ලුසී සහ ජෝසෆ් මෙන් අපිත් එකිනෙකාගෙන් ඉගෙනගැනීමට කැමැත්තෙන් සිටින විටත්, යේසුස් ක්‍රිස්තුස්වහන්සේගේ ගෝලයන් බවට පත්වීමටත් එම මාර්ගයේ අන් අයට උපකාර කිරීමටත් අපගේ ඉලක්කය තුළ එක්සත්වී සිටින විටත් අපි වඩාත් ඵලදායී වෙනවා.
“පූජකත්වය දෙවියන්වහන්සේගේ දරුවන්ගේ ජීවිත වලට ගණන් කළ නොහැකි ආකාරයෙන් ආශිර්වාද කරන බව” අපට උගන්වා තියෙනවා. … [සහාවේ] කැඳවීම්, දේවමාළිගා වත්පිළිවෙත්, පවුල් සබඳතා සහ නිහඬ, පුද්ගලික දේවසේවයේදී, පසු-දවස්වල ශුද්ධවන්ත කාන්තාවන් සහ පිරිමින් පූජකත්වයේ බලය හා අධිකාරය සමග ඉදිරියටම යනවා. දෙවියන්වහන්සේගේ බලය තුළින් දෙවියන්වහන්සේගේ කාර්යයන් ඉටුකිරීමේදී පුරුෂයින් හා ස්ත්‍රීන් අතර මේ අන්තර් රඳාපැවැත්ම, ජෝසෆ් ස්මිත් විසින් නැවත පිහිටවූ යේසුස් ක්‍රිස්තුස්වහන්සේගේ ශුභාරංචියට කේන්ද්‍රීය වෙනවා.”12
අපට වරප්‍රසාද ලත් හා කිරීමට කැඳවනු ලබන දිව්‍යමය කාර්යයට එක්සත්කම අත්‍යවශ්‍යයි, නමුත් එය එකවරම සිදුවන්නේ නෑ. එකිනෙකාට උපදෙස් දීමට—එකිනෙකාට ඇහුම්කන්දීමට, අනෙකාගේ අදහස් තේරුම්ගැනීමට, සහ අත්දැකීම් බෙදාගැනීමට උත්සාහය හා කාලය අවශ්‍ය වෙනවා—නමුත් ක්‍රියාවලිය වඩාත් ආනුභාව ලත් තීරණ වලට හේතුවෙනවා. නිවසේ වේවා, අපගේ සභාවේ වගකීම් වේවා, එකිනෙකට වෙනස් නමුත් අනුපූරක භූමිකාවන්හි පූජකත්වයේ බලය හා අධිකාරිය මගින් ආශිර්වාද ලබා එකට වැඩ කිරීම අපගේ දිව්‍යමය හැකියාවන් සපුරාලීම සඳහා වඩාත් ඵලදායී ක්‍රමයයි.
අද වන විට ගිවිසුම්ගත කාන්තාවන්ගේ ජීවිත තුළ එම හවුල්කාරිත්වය කොයි වගේද? මට උදාහරණයක් බෙදාගැනීමට ඉඩදෙන්න.
ඇලිසන් සහ ජෝන් අතර අද්විතීය හවුල්කාරිත්වයක් තිබුණා. ඔවුන් කෙටි හා දිගු ධාවන තරඟ වලදී ටැන්ඩම් බයිසිකලයක් පැදවූවා. එම වාහනය මත සාර්ථකව තරඟ කිරීමට නම්, යතුරුපැදි කරුවන් දෙදෙනා සමගියෙන් සිටිය යුතුයි. ඔවුන් නියම වේලාවට එකම දිශාවකට නැඹුරු විය යුතුයි. කෙනෙකුට අනෙකා කෙරෙහි ආධිපත්‍යය දැරීමට නොහැකියි, නමුත් ඔවුන් පැහැදිලිව සන්නිවේදනය කළ යුතු අතර දෙදෙනාම තම කොටස ඉටුකරනවා. කපිතාන්වරයා ඉදිරියෙන්, තිරිංග දැමිය යුත්තේ සහ නැගීසිටිය යුත්තේ කොයි වේලාවේද යන්න පාලනය කරනවා. පිටුපස සිටින ස්ටෝකර් සිදුවන්නේ කුමක්ද යන්න පිළිබඳව අවධානය යොමුකළ යුතු අතර ඔවුන් ටිකක් පසුගාමී වුවහොත් හෝ වෙනත් පාපැදි කරුවන්ට වඩා සමීප වුවහොත් පහසු කිරීම සඳහා අමතර බලයක් ලබාදීමට සූදානම් විය යුතුයි. ප්‍රගතියක් ලබාගැනීමට සහ ඔවුන්ගේ ඉලක්කය සපුරාගැනීමට ඔවුන් එකිනෙකාට සහාය විය යුතුයි.
ඇලිසන් මෙසේ පැහැදිලි කළා: “පළමු ටික වේලාව තුළ, කපිතාන් තනතුරේ සිටින පුද්ගලයා අපට නැගී සිටීමට අවශ්‍ය වූ විට ‘නැගී සිටින්න’ සහ අපට පෙඩල් කිරීම නැවැත්වීමට අවශ්‍ය වූ විට ‘තිරිංග’ ලෙස කියනවා. ටික වේලාවකට පසු, කපිතාන්වරයා නැගී සිටීමට හෝ තිරිංග දැමීමට සූදානම් වන විට ස්ටෝකර් වූ පුද්ගලයා තේරුම්ගැනීමට ඉගෙනගත් අතර වචන කීමට අවශ්‍ය වුණේ නෑ. එකිනෙකා ක්‍රියා කරන ආකාරය සමග එකඟව කටයුතු කිරීමට අපි ඉගෙනගත් අතර, එක් අයෙක් අරගලයක යෙදෙන විට පැවසිය හැකිවූ අතර අනෙක් කෙනා මන්දගාමී බව ඉහළට ගැනීමට උත්සාහ කළා. එය සැබවින්ම විශ්වාසය හා එකට වැඩ කිරීමයි.”13
ජෝන් සහ ඇලිසන් ඔවුන්ගේ බයිසිකලය පදවාගෙන යද්දී පමණක් නොව ඔවුන්ගේ විවාහය තුළද එක්සත් වුණා. දෙදෙනාම තමාගේ හෝ ඇයට වඩා අනෙකාගේ සතුටට කැමති වුණා; දෙදෙනාම එකිනෙකා තුළ යහපත සොයන අතර ඔහු තුළ හෝ ඇය තුළ ඇති එතරම් ශ්‍රේෂ්ඨ නොවන දේ ජයගැනීමට කටයුතු කළා. ඔවුන් නායකත්වය මාරුවෙන් මාරුවට ගත් අතර එක් හවුල්කරුවෙකු අරගල කරන විට වැඩි යමක් ලබාදෙන්නට පෙරමුණ ගත්තා. දෙදෙනාම අනෙකාගේ දායකත්වය අගය කළ අතර ඔවුන්ගේ හැකියාවන් සහ සම්පත් ඒකාබද්ධ කරන විට ඔවුන්ගේ අභියෝගයන්ට වඩා හොඳ පිළිතුරු සොයාගත්තා. ක්‍රිස්තුස්වහන්සේගේ ප්‍රේමය තුළින් ඔවුන් සැබවින්ම එකිනෙකා සමග බැඳී සිටියා.
මේ කාලයේදී අප වටා ඇති “මට-පළමුවෙන්” යන පණිවුඩ නිසා, එකමුතුව එකට වැඩ කිරීමේ දිව්‍ය රටාව සමග වඩාත් ගැලපීම ඉතා අමාරුයි. කාන්තාවන්ට සුවිශේෂී, දිව්‍යමය ත්‍යාග14 ඇති අතර ඒවාට සුවිශේෂී වගකීම් ලබාදී තිබෙනවා, නමුත් ඒවා පිරිමින්ගේ තෑගි සහ වගකීම් වලට වඩා වැඩි හෝ අඩු වැදගත්කමක් ගන්නේ නෑ. සියල්ල සැලසුම් කර ඇති අතර අවශ්‍ය වන්නේ ස්වර්ගික පියාණන්ගේ දිව්‍යමය සැලැස්ම තුළින් උන්වහන්සේගේ සෑම දරුවෙකුටම ඔහුගේ හෝ ඇයගේ දිව්‍යමය හැකියාවන් සපුරාලීම සඳහා හොඳම අවස්ථාව ලබාදීමයි.
අද, ක්‍රිස්තුස්වහන්සේ වෙතට ප්‍රාණයන් ගෙන ඒමේදී ඔවුන්ගේ සහෝදරයන් සමග එක්වීමට, “අපගේ ඒව මවගේ ධෛර්යය හා දැක්ම ඇති කාන්තාවන් අපට අවශ්‍යයි.”15 16 පිරිමින් තනිකරම වගකිව යුතු යැයි උපකල්පනය කිරීම හෝ කාන්තාවන් බොහෝ වැඩ කටයුතු කරගෙන යන අතරතුර “මවාපෑමේ” හවුල්කරුවන් ලෙස ක්‍රියා නොකිරීමෙන්, ඔවුන් සැබෑ හවුල්කරුවන් බවට පත්විය යුතුයි. කාන්තාවන් තමන් විසින්ම කළ යුතු යැයි සිතනවාට වඩා හෝ කළ යුතු දේ පැවසීමට බලාසිටීම වෙනුවට හවුල්කරුවන් ලෙස “ඉදිරියට යාමට [ඔවුන්ගේ] නියම සහ අවශ්‍ය ස්ථානයට”17 යාමට කැමැත්තෙන් සිටිය යුතුයි.18
කාන්තාවන් වැදගත් සහභාගීවන්නන් ලෙස දැකීම යනු සමානාත්මතාවය ඇති කිරීම නොව මූලධර්මීය සත්‍යය අවබෝධ කරගැනීමයි. එය ගෙන ඒම සඳහා වැඩපිළිවෙළක් ස්ථාපිත කරනවා වෙනුවට, ගැලවීමේ හා උසස් කිරීමේ කාර්යයේ අත්‍යවශ්‍ය හවුල්කරුවන් ලෙස, දෙවියන්වහන්සේ මෙන් ස්ත්‍රීන් අගය කිරීමට අපට ක්‍රියාශීලීව ක්‍රියා කළ හැකියි.
අපි සූදානම්ද? සංස්කෘතික නැඹුරුව මගහරවා ගැනීමටත්, පදනම් මූලධර්ම මත පදනම් වූ දිව්‍යමය රටාවන් හා භාවිතයන් වැලඳගැනීමටත් අපි උත්සාහ කරමුද? “ස්වාමින්වහන්සේගේ දෙවන පැමිණීම සඳහා ලෝකය සූදානම් … කිරීමට [මෙම] පරිශුද්ධ කාර්යයේ අත්වැල් බැඳගෙන ඇවිද යන්නට” සභාපති රසල් එම්. නෙල්සන් අපට ආරාධනා කරනවා.19 අප එසේ කරන විට, අපි එක් එක් පුද්ගලයාගේ දායකත්වය අගය කිරීමට සහ අපගේ දිව්‍යමය කාර්යභාරයන් ඉටුකරන ඵලදායීතාවය වැඩි කිරීමට ඉගෙනගනී. අප මෙතෙක් අත්විඳින ලද සතුටට වඩා වැඩි සතුටක් අපට දැනෙනු ඇත.
ස්වාමින්වහන්සේගේ දේවානුභාවයෙන් ඉදිරියට යාමට උපකාර කිරීම සඳහා අප සෑම කෙනෙකුම එක්සත් වීමට තෝරාගනිමු. අපගේ ආදරණීය ගැලවුම්කරුවාණන් වන, යේසුස් ක්‍රිස්තුස්වහන්සේගේ නාමයෙන්, ආමෙන්.