Tin Tomur e Thin

Keb rok President Russell M. Nelson

Thothup nag ku bee’ t’uf gubin e thil’yeg ko tafney nge gum’ircha’ey ni be ang boed Somoel.

PI walageg nib t’uf rog, nap’an nibe chuchgur ni nge m’ay ere mu’ulung ney, gadaed ma og nag e magaer ngak’ Somol ni fan ko pi mulwol nge musik nike chbiy daed ngalalng. Kad falfalaen’ gaed ko fapi thin ni rib thothup.

Gadaed manang ni fare gospel rok’ Yesus Kristus e ra pi’ e athap nge falfalaen’ ngak’ e gidii’ nira motoyil me matal ko fapi m’ag Rok’. Ma ka gadaed manang ni gubin e tabinaew ma rayag ni nge par ni tigil’ e mich, nbay e gapas riy, tu’ufeg, nge fare Thothup rok’ Somol era par riy.

Arragon, fare fla’ab ko fare Sulyarmen e irraram fare temple nib thothup. Pi m’ag nge motochiyel nib thothup e ma fal’eg rogon e gidii’ ni kar fal’egned rogon raed ni ngar thapeg fare Tathapeg ko fare Bin migid e Wub Rok’. Chiney e bay 166 e temple nikan mu’ i yibliy, ma bo’or e bay’ yib.

Bay e madnom ko nu’un ni yima tay u m’on ko gubin fapi temple nikan toy fa kun fal’ag bayay. Bo’or e pi fagar nge gidii’ ni dani ta’areb e mich rodaed nima yib nge un ni guy fapi temple me fil ban’en ni mornga’agen e tawa’ath u temple. Boech e pi gidii’en e milekag ney e bay ra tham’yed ban’en ma yaed ba’adag ni ngar nanged boech mornga’agen. Boech e bay nra fith ko uw rogon nrayag ngak fapi tawa’ath ko temple.

Gadaed gidii’en e Galas’a, ngaed fal’egned rogondaed ngaed fulwegned fapi duwer roraed. Rayag ni ngaed weliyed ni fapi tawa’ath ko temple e bay ni fan ngak’ gubin e gidii’ nra fal’egned rogon raed. Machane u m’on ni ngar ranod ngalan fare temple nikan mu’ i yibliy, ba tu’uf ni ngan pii motwon raed. Fare Somol e ba’adag ni gubin pi Fak ma nge thapeg fapi tawa’ath nbay ni gubinfen ulan fare temple Rok’. Ke pii kanawo’en rogon ko mang ab tu’uf ni nge rrin’ be’ u m’on ni nge yaen ngalan fare nu’un Rok’ nib thothup.

Bin mangil e tofen ko tabab ni ngan fil mornga’agen ngoraed e fapi yol nbay u downgin gubin fapi temple: “Bthothup ngak’ Somol; fare Nu’un rok’ Somol.” Mulwol rok’ President Henry B. Eyring e dbay nge ku boech e gidii’ e ke thogthog nagdaed ni ngaed mon’og gaed ko thothup. Gubin e temple ma bthothup; gidii’en fapi temple e ma gay rogon ni nge mon’og ko thothup.

Gubin nib tu’uf kanawo’en ni ngan yaen ngalan e temple e be yan u rogon fare thothup rom. Ni ngan guy ni ke fel’ rogon, gubin e gidii’ ni ba’dag ni nge fanay fapi tawa’ath ko temple ab tu’uf ni ngan interview nag: somm’on e fare bisof, counselor ko bisofric, fa branch president; bin migid fare stake fa mission president fa reb fapi counselor rok’. Ko pi interview ney, bay in ni duwer nran fith.

Boech e pi duwer ney e kan fal’eg rogon ni nge mom i nangfan. Gu ba’adag ni ngu wan u dakan ni fan ngom:

Bay e mich rom ni mornga’agen Got, ni Chitamangiy nib Manechubog; Faak, ni Yesus Kristus; nge fare Kan ni Thothup?
Bay e mich rom ni mornga’agen fare Bayul rok Kristus nge murwel Rok’ ni’ir fare Tabiyul rom ma Cha’an nima Tathapegdaed?
Bay e mich rom ni mornga’agen fare gospel nikan Fulweg ko fare gospel rok Yesus Kristus?
Gama tay fare President ko Fare Galasia ku Yesus Kristus ni fan ko gidii’en Got ko tin Tomur e Rran ni’ir fare profet, tathogthog, nge ta yi’iy ni kemus ni’ir e cha’an u dakean e fayleng nibay rok’ mat’won ninge murwel ko gubin fare kiy ko priesthood?

Gama tay chonggin e Bin Somm’on e Presidency nge Ulung ko fare Ragag nge L’agruwi Apostle ni yaed fapi profet, nib tathogthog, mab ta yi’iy?

Gama tayfan fapi General Authorty nge pi tiyugang’ nib local ko Galasia?
Somol e ga’ar gubin ban’en mra buch ni woed “nra buch u fthik e be’ech” u powchen (Doctrine nge Covenants 42:41

Gama gay rogon ni ngam par ni gab be’ech ko pi laem rom nge pi ngonglem?

Gama fol ko fare falan e dowef?
Gama fol ko fapi machib ko fare Galasia rok Yesus Kristus nap’an ni yigogur rom nge nap’an ni gabay u fthik e gidii’ gidii’en e galasia fa chongin e tabinaew rom?
Gama fil fam tayfan mit e machib, un ko boech ban’en, fa machib nag ban’en nib thil ko tin ko Fare Galasia ku Yesus Kristus ni fan ko gidii’en Got rok’ ko Tin tomur e Rran?
Gama gay rogon ngam tay ni fare Madnom ab rran nib thothup, u tabinaew nge u galasia; un ko fapi mu’ulung; fal’eg rogoy min fek fare sacrament; ma par e yafos rom nibe fol ko fapi motochiyel ko gospel?
Gama gay rogon ngam par ni gab yul’yul’ ko gubin e pi n’en ni gama rrin’?
Gama pii’ e miligach rom ni ga’ngin yang?
Gabe nangfan ma gabe fol ko fare Thin ko Gonop?
Bay e malfith rom ngak be’ fa murwel nib t’uf ngak be’ ni ku um la’ngiy fa bitir?

Fa’anra arogon, gabe gay rogon ni ngam fal’eg rogon?
Gama tay fan fapi m’ag ni kam rrin’ u temple, nib mu’un e garment ko temple ni yibe chuw ngay ni woed rogon ni kanog ko endowment?
Bay e denen ni kam rrin’ ulan e yafos rom nib t’uf ni ngan fal’eg rogon nbay gelngin e priesthood ninge mang bang ko fare kalngaen’ rom?
Gabe tem ni gab yul’yul’ ni rayag ni ngam man nga lan e nu’un rok Somoel ni ngam un ko pi gam’ing ko temple?

Gubul, pi duwer ko temple recommend ney ni kan fal’ag rogon biyay a bayni pii ko gubin e tiyugang’ ko Galasia u ga’ngin yang u fayleng.

Kab ul’ul ni tomren ni kam fulweg e pi duwer ney u fthik e yul’yul’, yim nangfan ni gidii’en e temple e nge chuw ko fapi garment nib thothup ko priesthood u tan e mad ni yaed ma chuwngay. Irraray e pow riy ni gadaed be gay rogon ni ngaed boded Somol. Ma kube pug oran ngodaed ni ngaed pered ni gadaed ba yul’yul’ ko fapi motochiyel ni kad michegned ni gubin e rran nge pi nien ni gadaed be rrin’ u dakan fra pii i kanawo’ nibe fekdaed nga tharmiy mab thothup.

Chiney, gube adag ni nggu non ngake pi bee’ nib yang’ren. Thingarda thapeg e limited-use temple recommend. Rangam thapeg kemus e pi duwer nib ga’ fan napan ni ngam ta’ermidly rom ko fare gam’ing nge confermation. Kammagar ngomed nifan e thothup rom nge ba’adag rom ni ngam rrin’ e muruwel’ nib thothup ko fare temple. Gimed ba tu’uf romaed.

Thothup nag rom ni ngam yib ulan fare na’un rok Somoel t’uf e ta’ermadley ko ya’el. Dakaen e ayuw rok Somoel, rangam rrin’ demtrug e ban’en. Boch i rogon, rib moem ni me toy e temple nge rib moem’ow ni ba ta’ermadl’y e gidii’ ni ngar ranoed ulan e temple. Thothup nag ku bee’ t’uf gubin e thil’yeg ko tafney nge gum’ircha’ey ni be ang boed Somoel, me yoeg tin mangil, mang e susun nib fel’, nge thothupnagem.

Gube micheg ni gubin fapi murwel ni yibe fal’ag rogoy e ra pi’ e tawa’ath ulan e biney e yafos nge ku boech e tawa’ath ko bin migid e yafos nbay’ yib, nib mu’un fare fal’ag rogoy ulan e tabinaew rom ko fare yafos ni gubinfen ni “falfaen’ ni dariy n’umng’n i nap’an.”¹

Chiney e gu ba’dag ni ngu weliy ban’en nib thil: tonon ko tin nga m’on ban’en. Nap’an nra spring ko 2020, ma aram ni ke gaman 200 e duw nap’an ni thapeg Joseph Smith fare Bin Somm’on e Yi’iy. Got ni fare Chitamangiy nge fare Fak, Yesus Kristus, e yib’ m’ug ngak Joseph, nap’an ni 14-e-duw rok’. Ra n’em nike buch e aram fare tabab ko fare Sulyarmen ko fare gospel rok’ Yesus Kristus nib polo’, ni woed rogon nikan wel’y ulan fare Bible nib Thothup.²

Nike yib e gidii’ nibe thapeg e mulwol u tharmiy, nib mu’un Moroni, John nima Tawfe, Apostle Peter, James, nge John. Ma ki yib boech, nib mu’un Moses, Elias, nge Elijah. Yaed gubin nbay gelngin nikan pii ngoraed ni ngar tawa’ath niged pi fak Got u dakan e fayleng bayay.

Ke buch e ma’ang’ang, kan pii ngodaed fare Babyor ku Mormon: Kureb e M’ag rok’ Yesus Kristus, kureb e thin nib thothup ko fare Bible nib Thothup. Yi’iy nbay ulan fare Doctrine nge Covenants nge fare Pearl of Great Price e ke ayuwgdaed kad nangfaned nib bo’or fapi motochiyel rok’ Got nge tin nib riyul’ ni manemus.

Fapi kiy nge fapi office ko priesthood e kan sulweg yarmen, nib mu’un fare office ko fapi Apostle, Medlipi Ragag, patriarch, high priest, elder, bisof, priest, teacher, nge deacon. Nge pi ppin nib tu’uf Somol roraed e yaed be pigpig ulan fare Relief Society, Primary, Young Women, Sunday School, nge ku buch e pigpig ulan e Galasia—ni urngin fare gospel nike Sulyarmen rok Yesus Kristus e kan fulweg ni ga’ngin yang.

Ere, re duw ni 2020 e aram ba duw nib madnom. Mu’ulung ko general conference ko bin migid e April era thil ko tin ntomur e mu’ulung. Ulan bin magid nel’ e pul, Gube athap urngin e chon nge tabinaw ra ta’ermadliy nifan e conference ni ra puguran e daaf ko fare sulyarmin ko fare gospel.

Sana gaba athap ni ngam tabab e ta’ermadliy romed napan ni ngam bi’eg e thin rok Joseph Smith marungaiagen e bin sommon e lik’ay ulan fare Pearl of Great Price. Bin magid e dew t’uf ni ngad fil marunga’agen fare Babyor ku Mormon ulan Moy, mu lekeg. Rangam lemnag marunga’agen fapi duwer nib ga’fan woed, “Urogon e yafos rog ra thilyeg fa’an dariy e Babyor ko Mormon?“ fa “Urogon e tin ke buch tomuren Bin Sommon e Lik’ay ke yib’ly nag nigeg nge tabinaw rog?“ Nge, chiney bay fapi kacheedo marunga’agen fare Babyor ku Mormon, ra ngam use nag raed ulan e fil rom nge fil roraed e tabinaw.

Mel’ig e duwer rom. Fal’ig e kanawo’ rom. Fekem nga fthik fare fla’ab nge tomilang ko fare gospel nike Sulyarmen. Nap’an ni garam rrin’, mu’ulung ko bin migid e April era par ko tafney rom, ma dabyag ni ngam pagtalin.

Chiney nike m’ay e thin rog, gube pagmed ko tu’ufeg nge tawa’ath rog, ni ngam falfalaen’ gaed mag pared ni gamed bthothup ko pi rran romed. Ma chiney, mu tay u wun’un ni fare thogthog ko fare Galasia e kube ul’ul’ ma ku bay’ ul’ul’ u tan pa’ Somol nge mada’ ko ngayal’ “ni gubin fapi murwel rok’ Got e bay ni mu’ nag, ma fare Jehovah e rayog ni fare murwel e ke m’ay.”³

Gube yibliyem, gube micheg fare tu’ufeg rog ngom, nge mich rog ni Got ab fos! Yesus ir fare Kristus! Ir e Galasia Rok ma gadaed e gidii’ Rok. U dakean fithngan Yesus Kristus nib thothup, amen.