Fare Mulwol, fare Fan, nge fare Ulung
U fithik gubin e pinʼen ni baʼ ko fayleng dabaʼ, gayed rogon ngaed piriʼeg Kristus ulan e yafos rodaed, mich rodaed, nge pi pigpig rodaed.
Pi walageg, Ireray Sammy Ho Ching, medlip e pul rok, nibe yaliy ya’an e general conference u tabinaw rok ko bin tomur e April.
Nap’ani ni taw ko ngiyal’ ni ngan sustain nag President Russell M. Nelson nge ku boech fapi General Authority, ba sug pa’ Sammy nibe kol fare malor rok’. Ere rin’ e bin th’abi fel’ e migid.
Sammy e tabab nag reb e ban’en ni ngan vote nga tuguni’ey.
Kammagaer ni kam bad ko re ulung ney ko Fare Galasia ku Yesus Kristus ni Fan ko Gidii’en Got Rok ko Tin Tomur e Rran. Nggu weliy ni mang fan ba’ l’agruw e mo’olung ney urngin e duw, bay gu non boech e thin ku babyor ku Luke ko bin Bi’ech e M’ag:1
“Nap’an nike chugur [Yesus] ko binaw nu Jeriko, ma bay be’ nib mo’on nib malmit nike par nga but’ u to’oben e kanawo’ be man ban’en:
“… ni rung’ag laman [e] girdi’ ni pire’ ni yad be yan u to’oben, me fith be mang e ren’ey.
“… Me rogned ngak ni lungurad, I Jesus nu Nazareth e be yib.
“Me tolul ni ga’ar, Yesus, ni Fak David gur, mu runguyeg.”
Ke gin’ e gidii’, ere kar gayed ngar th’abed e laman, machane “fin aram e tolul ni kari ga’nag laman.” ke ga’ar. Ni bachan e ul’ul’ nibe tay, kan fek ngak Yesus, ni’ir ke rung’ag e wenig nib michaen’ rok ni nge sul rogon ni ngan guy ban’en bayay me gol nag ir.2
Ke murnguy nigeg re fanathin ney gubin yay ni guma bi’eg. Rayog ni ngad thamiyed fare kirebaen’ ko fare mo’on. Ma chugur ni ngad rug’aged laman nibe gay e ayuw rok Somoel. Gadad ma sminmin gad ni tolul ni kari ga’nag laman—riyul, fare yul’yul’ ni ngan ga’ nag laman napani yoeg e gidii’ ngak ni nge achig nag laman. Ir’eram, ni yigo’ ir, e runguy ko michaen’ nib gel. Ma woed rogon urngin e thin thothup ngay, fini aram ngad bi’eged bayay, ra fil yug boech bayay.
Reb e n’en keb u lanin’ug de’ n’uw napan e ke gonop fare pum’on ni ke paer u to’oben e gidii’ nib thothup u wun’raed. Re fanithin nib gubin yang riy ma ba’ ni bachan bay boech e ppin nge pum’on, ni fini ke ning tafagaer roraed, “Be mang e ren’ey?” kar nanged fan ni Kristus e mang fan e ren’em; I’ir fare Fan nib Ir. Mrayog gadad gubin nggad filed ban’en riy. Nrogon e tin ko mich nge yul’yul’ ngay, ma ayuwegem ni ngan ning pi duwer rom ngak picha’an nib michaen’ mab yul’yul’! “Be’ nib malmit e dabiyag ni nge powi’iy reb e malmit?” Ke yoeg Yesus faram. “[Ya fa’anra rin’], ma yow l’agruw ni yow ra mul ngalan wol’ e ran?”3
Ni rayog rom e michaen’ nge yul’yul’ ni aram rogon e fan rodad ko pin’ey e mo’olung, ma bachan kam un ngomad e daba’ ram nang fan ni kanawo’ey e kan toey bo’or e gidii’. Musap u charem. Aray ko re tafen ney ram guy pi tabinaw nib ga’ mab chig ni yad be yib u bang. Tafagaer nib elal ma oge mogethin nib falfalan’, e choir nib fel’ e yon’ e tang, nge pi to’ogor ma tolul ko pi madar’dar’ rorad. Picha’ ni kar serve nag e mission roarad faram ma guy pi companion rorad faram, nge picha’an ni mu’ de’ n’uw napan ko mission rorad ma guy pi companion rorad nib be’ech (kam nang fan!). Nge sasing? Aye bo’or! Ba’ pi cell phone u gubin e pa’, ya ke thiliyeg re thin “gubin e chongin ni’ir e missionary” ni fan ko “gubin e chongin ni’ir e photographer.” U fithik gubin e ren’ey nib falfalan’ mab yo’or, rayog bee’ ninge fith, “Mang fan e ren’ey?”
Woed rogon be’ ulan e Bin Bi’ech e M’ag, picha’an yul’yul’ mra nanged fan ni, mus ni bay yo’or e ban’en nibe pii’ pi conference ney, re dariy fan riy fa’anre gadadma piri’eg Yesus nib kenginn riy. Ni ngad nanged fan re gol nag nibe micheg nag Ir, fare pin’en thothup ni ba’adag dad aray, ngariy kayoeg e n’en ni dabi mil fan—nibe un ngay boech e tin falfalan’ riy—nge tiyaen’ dad ngak Ir. Re meybil ko gum’ir’cha’ey ko picha’an nibe non, nibe yon’ed e tang, re liyor ko enre baed ngay—gubin ma gay rogon ni ngan fekey e Kan Thothup Rok Facha’ nibe powi’iy re Galasia ney—Kristus nib Fos, fare Saaf ku Got, fare Pilung ko Gapas.
Machane de t’uf ni ngad paer u conference center ni ngad pirieg’ned Ir. Napani bi’eg e bitir fare Babyor ku Mormon bin som’on e yay ma ke gin’ ngay ko re madang’dang ku Abinadi, fa re milikag ko fare 2,000 salthaw nig fel’ yangrad, mrayog ni ngad oge ni Yesus e facha’ nib kenggin riy’ ko re bayor, ni’ir woed e gak’iy nib n’uw ko urngin e page riy nibe peth ko urngin e nii’ nibe ga’ nag e mich rodad ngay.
Ma amrogon, napan e tafagaer rodad ma fil rogon e mich rodad, mrayog ni nge gin’ gad ngay ko pin’en nge thin nibe thil thil rodad—n’en ni dabi ka’ gad, nrogon e fal’eg rogoy ko diruu’, chepin e pioneer, nge chepin e tabinaw rodad ni ba ko computer, ma bo’or e stake center nga’ ni’ir tafen ni boech e gidii’ ma lemnag nra pii’ ngorad e thum kan lum nib fel’ rogon. Ere, napan pi tafagaer rodad ma guy min rung’ag e pin’ey nib yo’or, ngariy yip nag i yaen ko gubin nge tay pi laniyaen’dad ko mang fan e ren’ey, nga dakaen e gum’ircha’ey fare gospel—fare t’ufeg ko Gallibthir nu Tharimy, fare tawath nib bayul ku Fak nib Got, fare murnguy nibe powi’iyaen rok Kan Thothup, fare sulweg nib chilan rogon ko gubin e ren’ey nib riyul’ mab boech.
Napani yaen bee’ ngak temple nib thothup som’on i yay, sana ra gin’ facha ko ren’em. Muruwel rodad e ngad ayuweg dad ni pi pow nge m’ag, maed nibe chuw gad ngay nge pi saseng riy’, ma dani fek loleg’dad i yaen rok Somoel, ya ngani fek dad i yaen ngak Somoel, ni’ir facha’ ni gadad ma liyoer gad ngay. Fare temple e na’un Rok, ma Ir e ngaiy paer nib mil fan nga lan pi lolegdad nge gum’ircha’dad—fare machib nibe pii’ Kristus nibe suguy nagdad woed rogon nibe suguy pi m’ag roadad—chingyal’ ni gadadma bi’eg pi thin ni ba’ ko bin som’on e mab mada’ ko ngiyal’ ni gadadma yaen i yaen. Ufithik gubin e pin’en ni gadadma guy, ngariy sap gad nib ga fan riy’, mang fan Yesus ko temple.
Mu sulaen’ ko pin’en nib yo’or nibe yoeg fare Galasia u pi pul nike thimur de’ n’uw nap’an. Napan gadadma machib bagdad rok bagdad, fa thiliyeg yalen rodad ko Rran ni Madnom, fa un e program nib bi’ech ko pifak dad, ra mul ko mang fan e pin’en nib thil riy fa’anre dabda guy rogon nibe ayuweg dad riy’, ni ngad toyed e dayif rodad nga dakaen fare Malang ko Thap rodad.4 Riyul, riyul, ireram fa n’en ni ba’adag President Russell M. Nelson nap’an ke ning ni ngad use niged fare fithingan nib riyul’ ko fare Galasia.5 Fa’anre Yesus—Fithingan, machib Rok, rungin ni Ke dag, machalbog Rok—mrayog ni nge paer nib kenggin e liyor rodad, ra m’ug nib ga’ nib riyul’ pi thin nibe yoeg Alma faram: “Bayoʼor bogi banʼen ni bay yib; [machane], bay taʼareb niʼir e thʼabi gaʼfan u fithikʼ ni gubin— … fare Tabiyul [nib fos] e bay yib nga fithikʼ e gidiiʼ rokʼ.”6
Joseph Smith ke paer u 19th-century u wuruʼ e binaw nge bay yoʼor e gidiiʼ nib thil rad nib Kristiano ngayʼ.7 Machane gubin e nʼen kar yarimy gad, pi chaʼ ney nib gel mab fel rogoy riy, ke miith niged fachaʼ nib Tabiyul ni ke gay nib mil fan Joseph. N ke upnguy ko pinʼen ke tunguy e “milmor nge talimar,”8 ke yaen i maen ngak bukun e gakʼiy ni chirofen ni ke guy ma rungʼag e nʼen nib flaʼab ko gubin kug weliy fan dabaʼ ni Tabiyul e kenggin e gospel riyʼ. Nu dakaen e tawath ni dabi lemnag nra yib ngak ara ke gay ni nge thapeg riyʼ, ke guy u thogʼthogʼ Joseph en Chitimangiy nu Tharimy, fare Got nib Gaʼ ko gubin, nge Yesus Kristus, Fak nib Machalbog Rok. Ere en Chitimangiy e dag e rungiin ni gadad ma liyor nag dabaʼ: Ke yip paʼay ngak Yesus, ni gaʼar, “Ireray Fak nib Tʼuf Rog. Motoyil Ngak!”9 Dariy reb e thin ko pi meruk e thin ney nrayog ni nge weliy fan ni Yesus e got, Niʼir e kenggin e tunom ko thap, nge Ir u pʼowchen en Chitimangiy.
Tin maʼathuk mab ginʼngodad? Bukun e gidiiʼ nge toʼogor? Bay yoʼor e renʼir nga dakaen e fayleng rodad. Riyulʼ, pichaʼ nib waer nge pichaʼ nib michaenʼ ma cham gad ko re likʼay nge gubin ni kug weliy fan dabaʼ. Faʼanre gur ma gay rogon ni ngam guy nib tamilang rogon nge nang mang fan riyʼ u fithik pinʼen maʼathuk nge pi toʼogor, gube yip i yaen ngak facha Yesus min piiʼ e thin rog ni ke riyulʼ fare nʼen nike buch ngak Joseph Smith, nike buch ngak bukun 1,800 e duw tomuren fachaʼ nib malmit ke guy banʼen bayay nga dakaen fare kanawoʼ nibe soer ngay nga Jericho. Gube micheg ko pi thin rorow nge ko pi thin rok boʼor e gidiiʼ kakrom madaʼ ko chiney ni bin thʼabi felʼ e nʼen ni nggan guy u yafos ney e gathi kemus nibe yaen Yesus nib chugur10 machane nibe yaen Ir ngodad nibe tal u toʼoben gadad, ma nibe paer riy ngodad.11
Pi walag nib ppin nge pumʼon, u fithik gubin e pinʼen ni baʼ ko fayleng dabaʼ, aygi gay rogon nggu piriʼeg Kristus nib kenggin e yafos, mich, nge muruwel rodad. Aram rogon e chirofen ni baʼ mang fan riy. Nge faʼanre boech e rran gadad ma malmit, fa ke mul e athamgil rodad, fa ke sikʼeng nag min gel nag e mich rodad riy—ma riyulʼ mrayog pi chirofen ney—aygi tolul nib gaʼ laman, “Yesus, ni Fak David gur! Mu runguyeg”12 Gube micheg ngom nu dakaen e liw rog nib apostle ni Ir ra rungʼag lamam mra yoeg, chiney fa taʼaboech riy, “Mu guy ban’en: ya michan’ rom ngak Got e ke gol nigem.”13 Kammagar ni kam un’ed ko general conference. U dakean fithngan Yesus Kristus, amen.