Kan Ngongliy ninge Gelnag e Bitir nge Fal’yangren

Rok Elder Quentin L. Cook

Ko fare Ulung ko fare Ragag nge L’agruwi Apostle

Mich u wun’mad ni bo’or e fal’ yangren ni pumo’on nge ppin ni ra sak’iy ngalang nge un ko fara pi i kanawo’ ko motochiyel ko pinn’ey ni yibe sap ngay ni fan e fal’ yangren.

Kamagar, President Nelson, ko falfalaen’ nibe yib ko pi thog’thog’ nibe powi’iy fapi tamicheg ko tawfe nge tin ni kam fith ngomed ni ngu weliyed ni mornga’agen ngan ayuweg e fal’yangren ni ngar thapeged fal’nginraed nib thothup.

U m’on ni ngu weliy mornga’agen e pinn’ey nikan ngongliy, gamaed be pining e magar ngak’ gidii’en e galasia ko pinn’ey ni yaed be fol riy ko fare gospel nike sulyarmen. Woed rogon ni yog President Nelson ko fare duw nike thumur, kam kay fare falay rom!¹

Kam filed fare Come, Follow Me u tabinaew.² Ma kam rrin’ed ni woed rogon e tin ni kan fal’eg rogon u galasia. Gathon fare elders quorum nge pi sisters ko Relief Society e kar ta’areb gaed yaed be rrin’ fare murwel ko thapeg.²

Gamaed be og nag e magar nib gel.³ Ma rib falfalaen’ u wun’maed ni kube ul’ul’ fapi fal’ yangren ni nge par nib gel e mich roraed ma yaed ba gel.

Pi fal’ yangren rodaed e yaed be par ko ba ngiyal’ nib gel e falfalaen’ riy machane kab gel e momaw’ riy. Tin nbay ni ngan mel’eg e ba yo’or mit. Ni woed: fapi smartphone nrayag ni ngan guy boech ban’en riy nib mangil, nib mu’un e tha’ ko tabinaew riy nge fapi thin nib thothup. Machane, ke bay e tin nib togan riy, tin nnu fayleng ban’en, nge kireb ni de i moy kafram.

siasing/Llecheklel

Home-centered curriculum

siasing/Llecheklel

Tin ba rrin’ pi yangren

Ngan ayuweg fapi fal’yangren ko pinn’ey nib bo’or ni ngan mel’eg, fare Galasia e ke ngongliy dalip ban’en nib gel nrayag ni nge pi’ e ayuw ko biney. Bin somm’on, kan mu’ i pi’ kanawo’en ni nge gel min rin’ ulan e tabinaew. Bin migid, pi bitir nge pi fal’ yangren e kan fal’eg reb e babyor nbay ni bo’or talne fafal riy nge tin nrayag ni ngar filed nikan pi’ ko fare Madnom ni ba’aray nike thimur nike yib rok’ President Nelson, President Ballard, nge fapi General Officers. Bin dalip e kan ngongliy ni fapi fal’ yangren a ba ga’ fan rad ni ba tu’uf ni nge ayuweg raed fapi bisof nge fapi tiyugang’. Tiney ni yibe sap ngay e thingar ri buch u gelngin e thothup min ayuweg fapi fal’ yangren ngar manged fapi salthaw nike yog President Nelson ngoraed ni ngar manged.

Ta’areb nag Wo’en

Tiney ni ngan rrin’, nge fa tin ni kan nog l’agruw e duw kafram, e yaed be ta’areb. Gubin e pinn’ey ni kan ngongliy e ke bayang ni fan ko fare ta’arebnag wo’en ni nge tawa’ath nag fapi gidii’en Kristus min fal’eg rogon raed ni ngar mada’ niged Got.

Bayang ko pinn’ey ni kan ngongliy ab ul’ul’ ko fare mfen ninge sak’iy u but’ ngalang. Pi fal’ yangren rodaed e kan fith ngoraed ni ngar athamgil gaed nap’an ni ki yaed bbitir—ndariy e galibthir riy fa tiyugang’ nibe yog ko mang e ngar rrin’ed.⁴

Mulwol

Dabay ma kan thapeg e mulwol ko rogon fapi n’en nikan thilyeg ni fan ngak’ e pi fal’ yangren ko ward nge stake. Woed rogon ni weliy President Nelson, Sister Bonnie H. Cordon e bayi weliy fapi n’en ni kan ngongliy rogon nfan fapi Young Women ko re balayal’ ney. Fan e pinn’ey nikan ngongliy rogon ni bay gu weliy e chiney e nge ayuweg fapi gidii’ nbay fare Aaronic Priesthood roraed, quorums, nge quorum presidencies. Tiney ni kan fal’eg rogon ab ta’ab rogon ko tin ni gadaed ma rrin’ ko Doctrine nge Covenants 107:15, nibe ga’ar, “Fare bisofric e i’ir fare presidency ko fare [Aaronic] priesthood, ma bay fare kiy rok fa gelngin nib ta’ab rogon.”

Reb e murwel nib thothup ko bisof e ngar pared ni yaed baga’ ko fapi priests mar uned ko fapi mo’olung, nibe machib nag ngoraed fapi yalen e murwel roraed.⁵ Nib mu’un, ni fare bin somm’on e counselor ko fare bisofric e bay e murwel rok’ ni nge mang teachers ma fare bin l’agruw e counselor e nge mang deacons.

Ni woed rogon, ni nge ta’areb rogon ko yi’iy nbay ulan fare Doctrine nge Covenants, fapi Young Men presidencies ko fapi ward e bayni talag. Pi pumo’on ney nib yul’yul’ e kar rrin’ed bo’or ban’en nib mangil, ma gamaed be pinning e magar ngoraed.

Gamaed be athapeg ni fapi bisofric era pi’ e ayuw nib gel me ayuweg fapi murwel ko priesthood nfan ko young men nge tin ni murwel roraed ko fare quorum. Pi Young Men advisers nrayag roraed e bay nran pining ni nge pi’ e ayuw ko fare Aaronic Priesthood quorum presidencies nge fapi murwel ko bisofric.⁶ Mich u wun’mad ni bo’or e fal’ yangren ni pumo’on nge ppin ni ra sak’iy ngalang nge un ko fara pi i kanawo’ ko motochiyel ko pinn’ey ni yibe sap ngay ni fan e fal’ yangren.

Fare Somol ni ta’areb nag wo’en, fare bisof e bay e murwel ni fan ngak’ gubin e gidii’ ulan fare ward. Ra yibliy fapi galibthir rok’ fapi fal’ yangren ni ku woed fapi fal’ yangren. Reb e bisof e piri’eg reb e pagal nib fal’ yangren ni be gafgow i guy e pornography, kemus nrayag ni nge ayuweg fare pagal ko fare wo’en e kalngaen’ ma kemus nrayag ni nge pi’ e athamgil ko galibthir rok’ ni ngar dagew e tu’ufeg nge nangfan. Gol ni tay fare pagal ab gol ni fan ngak’ e tabinaew rok’ ma rayag ni bachan nibe pi’ fare bisof e ayuw ngak’ gathon fare tabinaew ni ga’angin. Re pagal ney e ke mang reb e Melchizedek Priesthood nge reb e missionary nibe pig’pig’ ni gubin ngiyal’.

Woed rogon ni kanog, ku woed rogon e tiney nikan ngongliy:

Ayuweg fapi bisof nge fapi counselors ko pi murwel roraed ni th’abi ga’ fan ngak’ fapi fal’ yangren nge fapi bitir ko Primary.
Mu tay fare gelngin nge murwel ko fare Aaronic Priesthood nbay u lukungun ko fapi pagal nib fal’ yangrad nge lane yafos roraed.

Ni ku woed rogon nra buch:

Ayuweg fapi murwel rok’ fapi Aaronic Priesthood quorum presidencies nge fare murwel roraed ni ngar fulwegned e thing ngak’ fapi bisofric.
Pi’ e athamgil ngak’ e tiyugang’ nib ilal ni ngar ayuwegned fapi Aaronic Priesthood quorum presidencies ni ngar ga’ niged fare gelngin ko fare office roraed.

Woed ni kan nog, tiniy nikan ngongliy e dar buch’uw nag fapi murwel rok’ fare bisof ngak’ fapi young women. Woed rogon ni fil President Nelson, “[Fare bissof] bin th’abi somm’on mab ga’ ko fare murwel rok’ e nge ayuweg fapi young men nge young women ulan fare ward rok’.”⁸

Uw rogon ni fare bisof nib tu’uf rodaed e nge rrin’ e tiney ni muruwel rok’? Woed ni ka gamnang, nap’an e 2018, Melchizedek Priesthood quorums e kan fal’eg rogon ni nge murwel nib chuchgur ngak fapi Relief Society ni ngayag rok’ pi elders quorum nge Relief Society, u tan pa’ fare bisof, ni nge ayuweg ni ngayag ni ngki rrin’ boech ban’en. Tiney e murwel ab mu’un fapi murwel ko missionaries ngay nge temple nge mornga’gen e mfen u tabinaew ulan fare ward⁸ni ku woed rogon fapi michib ngak’ gidii’en fapi ward.

siasing/Llecheklel

Muruwel ko bishop

Fare bisof e dabyag ni nge pag fapi murwel rok’, ni woed fapi fal’ yangren, ni’ir fare tapufthin, ayuweg e gidii’ nibe gafgow, me gagyeg nag fapi salpiy ko tin nib tu’uf ban’en. Tiney, e machane, ni buch’uw ni kad nanged fan ko tomur. Woed rogon ni weliy Elder Jeffrey R. Holland ko bin ba’aray e duw nike thumur nap’an ni kan annouce nag fare Melchizedek Priesthood quorums: “Kbay fapi bisof, arragon, ni’ir fare presiding high priest ko fare ward. Biney nib be’ech nikan ngongliy [ko fare elders quorum nge pi Relief Society] e bay ni pag ni nge duwgiliy fare murwel ko Melchizedek Priesthood nge fare Relief Society ndabi rrin’ reb e gali murwel ney.⁹

Ni woed, fare Relief Society president nge fare elders quorum president, murwel rorow, e ngar fanow nigew fapi gidii’ nib ilal—ni woed nrayag ko fare Young Women president nibe fanow nag fapi ppin ni fal’ yangren. Kemus ni fare bisof e i’ir fare tapufthin, tin ba’aray e tiyugang’ e kbay gelngin raed nibe yib u tharmiy ni nge pi’ e ayuw ndariy fare tapufthin riy fa boech ban’en nibe buch’buch’ ni demturug ko mang.¹⁰

Biney e dar yip’ fan ni fare ppin nib fal’ yangren e dabyag ni nge non ngak’ fare bisof fa ngak’ fare galibthir rok’. Murwel roraed e fan ngak’ fapi fal’ yangren! Machane fare tiyugang’ ko fare Young Women e thingari ayuweg gubin fapi ppin nib fal’ yangren u gelngin nrayag rok’. Fare bisofric e nge ayuweg fapi ppin nib fal’ yangren ni ku woed rogon fapi pagal nib fal’ yangren, ma kug guyed gelngiy nib gel, u ta’abang, nge pi tiyugang’ ko Young Women nibe tu’ufeg ma be fanow nag, ni gathi kemus ni yaed be rrin’ e murwel roraed ko presidencies, machane yaed be ayuweg fapi fal’yangren ni ngar mon’og gaed ko fapi murwel roraed.

Sister Cordon e bayi weliy boech ban’en ni rib mangil nikan ngongliy rogon ni fan ngak’ fapi ppin ta’aboch. I gag, e bay gu, annouce nag ni fapi presidents ko Young Women e bayi’i fulweg e thin ngak fapi bisof ko fapi ward. Ko tomur, biney e murwel e rayag ni nge rrin’ fare counselor, ma chiney ni gadaed be yaen nga m’on, murwel ko fapi ppin nib fal’ yangren e bay ni pi’ ngak’ bee’ nbay fapi presiding kiy rok’ ko fare ward. Fare president ko Relief Society e bay ki ul’ul’ nge fulweg e thin ngak’ fare bisof.¹¹

Ko level ko general nge fare stake, gadaed ra ul’ul’ ni ke bay fare presidencies ko fare Young Men. Ko fare level ko stake, fare high councilor e bayi par ni’ir fare president ko fare Young Men¹² ma fare, high councilor nibe ayuweg fare Young Women nge Primary, nge mang bang ko fare stake Aaronic Priesthood–Young Women Committee. Pi pumo’on ney e yadra murwel u ta’abang ngak’ fapi stake Young Women presidency u lan ere committee ney. Fare counselor nge fare stake president ni yow e ga’, biney e committee e ra mon’og ni bachan fapi program nge activities ni bay ni kan ngongliy ni fan ngak’ e Bitir nge Fal’ yangren e bay ko level ko stake.

Pi councilors ney, u tan pa’ e stake presidency, e rayog ni nge pig’pig’ ni nge ayuweg fare bisof nge fare Aaronic Priesthood quorum ni woed nib chuch’ugur rogon ko fapi high councilors ko fapi ward elders qourums.

Ni woed rogon, ni reb fare high councilor e bayi pigpig ni’ir fare stake president ko Sunday School, ma fa’an nrib tu’uf, ma krayag ni ra pigpig ko fare stake Aaronic Priesthood–Young Women committee.¹³

Ku boech ni kan ngongliy ni nge thil e bay ni weliy ni kan pi’ ngak’ fapi tiyugang’. Tiney nikan ngongliy rogon ab mu’un:

Fare mu’ulung ko fare bisofric youth committee e bay ni yon’ luwan ko fare ward youth council.
Fare thin ni “Mutual” e bay ni talag min nog e “Young Women activities,” “Aaronic Priesthood quorum activities,” fa “youth activities” ma bay ni tay ni gubin e wik ko ngayal’ ni rayog.
Fare salpiy ni fan e youth activities e bay ni fo’od nag u dakan e young men nge young women ko urngin fapi fal’ yangren nbay ulan fare ulung. Ma bay kun pi’ boech nimfen fapi acitivities ko Primary.
Ko level ko stake—ward, stake, nge general—ngaed doged e “organization” ma gathi “auxiliary.” Pi cha’ ni yaed be gagyeg nag fare General Relief Society, Young Women, Young Men, Primary, nge fare ulung ko Sunday School e bay nog e “General Officers” ngay. Pi cha’ ni yaed be gagyeg nag fare ulung ko fare ward nge level ko stake e bay ni piningraed ni fare “ward officers” nge fare “stake officers.”¹⁴

Tin ni kan ngongliy nikan annouce nag e dabay era tabab nap’an ni ke fal’ rogon fapi branches, ward, fapi districts, nge stake, machane thingar ni rrin’ u’mon ko January 1, 2020. Tiney nikan ngongliy rogon, nran athukuy ko tin somm’on, e bayi yip’ fan e ulung nib thothup nge athamgil nibe dag fare m’ag ni nge tawa’ath nag me gel nag gubin fapi pumo’on, ppin, fal’ yangren, nge bitir, nibe ayuweg raed ni gubin ni ngar leked wo’en fare Tathapeg, Yesus Kristus, ni gadaed be mon’og i yaen ko fare pi’ i kanawo’en e motochiyel.

Pi walageg, gube micheg ni pinn’ey ni kan ngongliy rogon, nikan thogthog nag ngak’ fare president nge profet, Russell M. Nelson, e ra pi’ gelngin gubin gidii’en fare Galasia. Fapi fal’ yangren rodaed e ra gel e mich roraed ngak’ fare Tathapeg, ma rran ayuweg raed ko fapi lumel nibe yib rok’ mo’oniyan’, mi yaed par nib fel’ rogon raed ko tin ni bayi yib ulan e yafos roraed. U dakean fithngan Yesus Kristus nib thothup, amen.