Falfalen’ ni Yibe Pir’eg ko Gospel ni Yibe Weliy
Gube pii’ e m’ag fapi thin ney e ba riyul’ ma bay e Chitamangdaed nu Tharmiy, nibe soen ningad chelgaed Ngak ninge taw’athnog e yafas rodad nge yafas e gidii’ u to’obdaed.
Bin ni rugu ba’adag e tang ko Primary e tabab ko pi thin ney:
Gag e chonggin Fare Galasia ku Yesus Kristus ni fan ko Gidii’ ko Tin Tomur e Rran
Gu manang ko gag mini’.
Gumanang kanawo’en Got.
Gura fol Rok ufithik e mich.
Mich u wan’ug ngak Tathapeg, ni Yesus Kristus.1
Ba thin nib moem nib fel’rogon ni mornga’agen e tin nib riyul’ nib mich u wan’ daed’!
Gadad ni chonggin Fare Galasia ku Yesus Kristus ni Fan ko Gidii’en Got ko Tin Tomur e Rran, e gadad manang ko gadaed mini’. Gadad manang ni “Got e ir e Chitamangin e ya’el rodad. Gadad … e bitir rok, ma gadaed ba tu’uf Rok. Ku ud pired … [Rok u tharmiy] um’on nikad [baed] nga fayleng.”
Gadaed manang fare tunom rok Got. Gadaed bay u rom Rok napan ni weliy. Chitamangdaed nu Tharmiy e “urngin e fan rok—muruwel Rok nge Fel’ngin—ninge yoeg ningad thapeged urngin e taw’ath Rok. Ni ke fal’eg e tonom nib fel’ngin ni nge fulweg e fan Rok. Gadadma nang fan ngad thapeged e kanawo’ ney … ko falflaen’ … thap, nge … thapeg” ou’moon kad baed nga fayleng.
“Yesus Kristus nibe kenginn e kanawo’ rok Got. Udakaen e Bayul Rok, Yesus Kristus ke muguil’iy e muruwel ko Chitamangin ma ke bing e wo’en ngodaed ningad thapeged e yafas ko manemus nge tayfan ngalang. Satan, fa fare mo’oniyaen’, i’ir e to’ogor ko kanawo’en Got” nge ke buch mada’ ko somm’on.
”Gilngin ko me’leg, fa rayog rodad ningad me’elged, i’ir e tawa’th nib thabi’ fel’ rok Got ni fan e bitir Rok. Thingarda me’leged fa’an ngad folgaed ngak Yesus Kristus fa Satan.”2
Pinn’ney nib riyul’ nib moem ningad fil’ed ngak reb e gidii’.
Gura non marunga’agen e ningyal’ e nina rok ke weliy’ marunga’agen e tin moem’ nib riyul’ ninge tabab e welthin ngad nanged fan e wo’en.
Bo’or e duw u faram, nina rog be sul ko Argentina ninge guy walageg nib mo’on. Bachan ni ke dabun ni nge waen nga skuki, ke fith reb e fakag ninge pii’ e taw’ath ngak ko murnguy nge matangiy. Ke thamiy ninge taw’athnag e titaw rok ninge yoeg e fanow nge ayuw ko fare Kan Thothup ngak ninge gay gaa’ gelngin nge matheg e gum’racha’ e gidii’ ni ba’adag ningar filed fare gospel.
Ulan fare Salt Lake Airport, nina rog nge walageg kar mada’gow reb e ppin nib rugod ni 7-e-duw rok ir ba milekag ko tabinew ko skii. Nap’an pi glabthir rok kar guyed e sabethin ko nina rog nge walageg, kar uned e bitir rorow. Kar pii’ed fithinganraed i Eduardo, Maria Susan nge Giada Pol. Kanoeg e thamtham nib fel’ rogon ngoraed.
Fapi tabinaew kar falflaendaed ningar milekag uta’abang ko ta’areb e flight nga Buenos Aires, Argentina. Nap’an esabethinrad ke ul’ul’, nina rog ke fil ni dawur runga’ged marunga’ged e sulweg ko fare Galasia ku Yesus Kristus.
Bin somm’on e question Susana ke fith ngorow ni ”Rayog ningam weliy’ boech marunga’gen fare museum nib fel’ ni bay e statue nib gol nga dakaen?”
Nina rog ke weliy’ fare na’un nib fel’ gathi e museum i’ir e temple ko Somoel ningad fi’leged e michmicheg ngak Got ulangin ninge yoeg nignad sulgaed ma paered Ngak u boron. Susana ke yoeg ngak e nina rog ni ou’moon e milekag roared nga Salt Lake ke meybil ninge piry’eg e ban’en nira gelong e ya’el rok.
Nap’an fare changar ko skuki, nina rog ke pii’ e michaen’ ko fare gospel ma pinning Susana ninge piry’eg pi missionary u binaw rok. Susana ke fith nga nina rog, ”Urrogon ningu piry’egrow?”
NIna rog ke fulweg, ”Rayog ningam nangraed: yow e mo’on nib fel’ yangren nibe chuw e kenginn nib wechwech fa la’agruwi pinn nib fel’ yangren nib chuw e skirt, ma bay e tag nibe dag e fithingan raed nge ”Fare Galasia ku Yesus Kristu ni fan ko Gidii’en Got ko Tin Tomur e Rran.’”
Fapi tabinaew kar pii’ed e phone numba roared ma oeged e kefel’ ulan fare airport u Buenos Aires. Susana, chiney i’ir e bin fel’ e fagar rog, ke weliy’ ngog bo’or e yay ni ke kirebaen’ nap’an kar chuwgaed ko nina rog u airport. Ke yoeg, ”Nina rom ke yib a magal ngay. Dabiyoeg ningu weliy’, machane keyib e tamilang rok ni Dabun ningu chuwgaed u to’oben.”
Nap’an Susana ke sulweg nga binaw rok, Ir nge fak nib ppin, Giada, kar ranow ningar weliy’ e chepin row nga Chitangin Susana, ni kar paer boech e block nga orel ko tabinaew rorow. Nap’an kar ranow u karo, Susana ke guy la’agruwi pou’moon nibe yaen u but ma kar chuwgow e kenginn woed rogon ke weliy’ e nina rog. Ke tal e karo u lukngun e kanawo’, ke yaen, me fith ngak gali pu’moon nem, ”Gamew ba yib ko fare Galasia ku Yesus Kristus?”
Kar fulwegew, ”Arragon.”
”Pi Missionary?” ke fith.
Ke fulweg, ”Arragon!”
Ke yoeg ngorow, ”Mu bow nga karo rog, gamew ba yib nga tabinaew rog ningam filew ngog.”
Tomuren la’agruw e pul, ke tawfe Maria Susana. Bitir rok, Giada kan tawfe nap’an bayi mereb e duw rok. Ka gamaed be ayuweg Eduardo, ni demtrug rogon ma ba tu’uf romad.
Mada’ ko e ningyal’ nem, Susana ke mang e bin fel’ e missionary ni Gumanang. I’ir ni woed rogon fapi fak ku Mosiah, ba pinning bo’or e ya’el ngak Kristus.
Nap’an reb e sabethin mow, Kug fith ngak, “Mang e fla’ab rom? Uw rogon ni ngam weliy fare gospel ngak boech e gidii’?”
Ke ga’ar ngog, “Rib moem’. Urngin e blayal’ um’on ni gura chuw ko tabinaew rog, Gube meybil ngak Chitamangdaed nu Tharmiy, mug fith ninge pii’eg nga bee’ nibe t’uf e gospel u yafas roared. Boech a ningyal’ gube fek e Babyor ku Mormon ningu pii’ ngoraed fa boech e pass-along card ko fapi missionary—ma nap’an Gube non ngak bee’, Gube fith fa’an kar rung’ag marunga’agen fare Galasia.”
Susana ke yoeg, ”Reb e ningyal’ Gube sminmin nap’an Gube soen ko train. Reb e rran e pu’moon ke sap ngog me fith, ‘Mange gabe sminmin ngay?’ Ke gin’ nigeg.
“Mug fulweg ni ga’ar, ‘Gube sminmin ya ku falflaen’!’
“Me fith, ‘Ma mang e ri gab falfalen’ ngay?’
“Mug fulweg nu ga’ar, ‘I gag e chonggin Fare Galasia ku Yesus Kristus ni fan e Gidii’en Got ko Tin Tomur e Rran, aram fan gube falflaen’. Kam rungan’ marunga’agen?’”
Nap’an ke fulweg danga’, ke pii’ e pass-along card ngak me pinning ir ninge yib bin magd e Madnom. Me migid e Madnom, me mada’ nag u langan e maab.
President Dallin H. Oaks e fil ni ga’ar:
“Bay delip ban’en ninge rrin’ pi chongin ningar pii’ed fare gospel. …
“Bin somm’on, rayog ningad meybilgaed ningad thapeged e laniyaen’daed ningad ayuweged ko muruwel nib t’uf ko thapeg.
“Bin la’agruw, rayog ningad folgaed fapi motochiyel. … Chonggin e galasia nib yul’yul’ e gubin ngiyal’ ma ba’ e Kan Nthothup rok fare Tathapeg … roraed napan ni yaed ra gay rogon ni ngan un ko fare murwel ni ngan weliy fare gospel rok Yesus Kristus nikan fulweg.
Bin dalip, rayog ni ngad meybil gaed ko n’en ni rayog ni ngad rrin’ed … ningan weliy fare gospel ngak e gidii’ … [man] meybil nikan dugliy ni ngan fol ko n’en ni kam thapeg u tharmiy.”3
Pi walageg nib mo’on, ppin, pi’in bitir, rayog ningad rrin’ed woed rogon Susana ni fagar rog ningad weliyed fare gospel ngak e gidii’? Rayog ningad pinninged e fagar dawuiry chongin e mich rodad ninge yib nga galasia ngodad nap’an e Madnom? Fa rayog ngad pii’ed e Babyor ku Mormon nga reb e tha’ fa fagar? Rayog ninge ayuweged reb e gidii’ nigar piry’eg e gidii’ nib m’aed ko FamilySearch fa weliy’ed e ban’en kug filed nap’an e biy’eg rodad ko Come, Follow Me? Rayog ni ngad boeded Taathapeg rodad, Yesus Kristus, nge share nag ngak boech gidii’ e tin ni falfalan’ rodad? Fulweg ko pi duwer e arrogon! Rayog rodaed!
Ulan fapi Scripture gadadba biy’eg marunga’gen fare “chonggin ko Galasia ku Yesus Kristus ni ke pii’ nga ‘tamuruwel ko milay’ rok ningar thapeged e ya’ale ko gidii’’(Doctrine and Covenants 138:56). Re muruwel ney ko thapeg ba un e muruwel ko missionary, convert retention, activation ko less-active chonggin, muruwel ko temple nge chepin e tabinaew, nge fil ko gospel.”4
Pi fagar rog, fare Somoel ba t’uf ngodad ni kunuy Israel. Ke micheg ngodaed ulan fare Doctrine nge Covenants, “Damu taermedliyed u somm’on e tin ningam oeg; machane mu tayfan u laniyaen’um fapi thin nib fas, nira pii’ ngom nap’an urngin e awa nib t’uf fatin ningam oeg nga urngin e mo’on.”5
Arragon, Ke micheg nag ngodaed ni:
”Ma fa’an ningam muruwel urngin e rran rom ningam tolul e kalngaen’ ngak e gidii’ ney, mu fek, kemus ta’areb e ya’el ngog, ma yoeg gaa’ e falflaen’um ulan fare gil’lungung e Chitamag!
“Ere chiney, fa’anre ba ga’ e fal’flan’ rom fa’anre mu fek i yaen ta’reb e ya’el ngog ko re gil’ilingun ko Chitimag, mrib ga’ e fal’flan’ rom fa’anre mu fek i yaen bo’or e ya’el ngog!”6
Fare tang ko Primary kug tabab u somm’on ba tungun ko pi thin ney:
Mich u wun’ug ngak fare Tathapeg, ni Yesus Kristus.
Gura tay fan fithingan.
Gura rrin’ pin’en nib mata’aw;
Gura fol ko tamilang rok.
Fatin riyul’ rok, ma gura yoeg.7
Gube pii’ e m’ag fapi thin ney e ba riyul’ ma bay e Chitamangdaed nu Tharmiy, nibe soen ningad chelgaed Ngak ninge taw’athnog e yafas rodad nge yafas e gidii’ u to’obdaed. Aygun adaged ni ngad ayuweged pi walagdaed ngan nib ngak Kristus e meybil rog u dakean fithngan Yesus Kristus, amen.