Toom’ ko Tin nib Thothup
Gimed ea gachalpen nib yul’yul’ Rok Yesus Kristus, ma rayog ni ngam thapeg ea tamilang nga laniyaen’med nge yi’iy nib l’eg rogon ko motochiyel rok’ nib fal’eg ni fan ngom.
Nap’an ni kug chuw ko camp nifan ea Young Women ko biney ea summer, ta’ ea ppin ni yangren ke pii’ ngog ba babyor. U lan, ke fitheg, “Uw rogon ni rayog ni ngu nang fan Got ea be gay rogon ni nge yoeg ban’en ngog?” Gu be adag ea duwer rok’. Ya’el rodaed ea be athapeg ea thaa’ ko na’un rodaed nu tharmiy. Gadaed ba’adag ni ngad thamiyed ni gadaed ba t’uf ma bay ea salapdaed. Machane boechngiyal’ ma ba mo’maw ni ngad nanged ea lem rodaed nge fapi thamtham nib munguy ko fare Kan ni Thothup. Pi profet, nib kakrom nge ko daba’, ea ra fil’ed iyaen ni fa’anra be “pining ban’en ni ngan ngongoliy ea mangil, me yib ku Kristus.”1
President Russell M. Nelson ea ke pinning em ni chirogon mab gel: “Piwalageg, gu be ning ngomed ni ngam gaa’ nagmed ea Toom’ ni Tin nib Tothup ni ngam thapeged ea yi’iy. … Mu dugliyed ni ngam uned ea muruwel ko ya’el nib t’uf ni rayog ngomed fare towa’ath ni fare Kan ni Tothu[ ngam rung’eged fare lungun fare Kan ni Thothup ni kuboech ea yay mab chirogon.”2
Adag rog ko kadbul ney ea ngu non ngomed ko gum’ircha’eg ni mornga’agen aninggeg rogon ni ngam gaa’ niged ea Toom’ ko Tin nib Thothup ni fan ea ngam thapeged ea yi’iy.
1. ’Am Gayed Rogon ni Ngam Tayed ea Taym nge Gin ni Ngam Runga’aged Lam Got
Nap’an ni ngam dugliyed ni ngam tayed ngam guyuwoliyed taym ni gubin ea rran ni fan ni ngam chugor gaed ko lam Got, ma arragon u lan fare Babyor ku Mormon, nge yaen ea taym. ma lam ra mang chirogon ngomed ngam naged fan kuboech.
Yug amrogon, tin ni dariy fan nge lamrad ni dariy fan ni ma suguy ea feylang nge tabinaw rodaed nge yafos rodaed ra boecheg ni nge mo’maw ni ngad rung’aged Lungun. Tiney ni dariy fan ra sug ko tafney rodad nge gum’ircha’dad ni dariy e rogon ninge yib e thogthog ku fare Kan Thothup.
Fare Profet i Joseph Smith ke fil ni bo’or ea yay ni Got ea ma dag Ir ”ko gidii’ ni yigo’ yaed, u lane ea single roraed, u wuru’ ea binaw nge gilay, nge dariy ea lingan nib gaa’.”3
Satan ba’adag ni nge ki’i ngodad nge lam Got napan ni dabda pared ulan e pi tafen nibay e gapas. Fa’anra non Got, nib achigchig lam, ma ba t’uf ni ngam chugor ngak’ ni ngam rung’ag Ir. Mu lem nag ko mang nge buch ni fa’anra gadaed ba’adag ni ngad ayuweged ea thaa’ rodaed nge tharmiy ni boed rogon ni gadaed ba’adag ni ngad ayuweged ea thaa’ rodaed ko Wi-Fi! Mu dugliy ea taym nge gin, ni ngam motoyil ko lungun Got ni gubin ea rran. Ngam tay ea re ngiyal’ nib thothup ney nib mat’aw rogon, ya rib gaa’ fan!
2. Mu Rin nib Papay
Ra ngam thapeg ea thamtham ko fare Kan ni Thothup ngam ngongol ma ga ba’adag, ma Somoel ea rayog ni nge use nigem. Fa’an ga ra ngongol ku boech, rib ga’ ni ngam nangfan lam fare Kan ni Thothup. Ga ra nang fan kuboech ea powiy ku Got ma “ba’adag … ni nge dag fiti laniyaen’ ngom.”5 Fa’anra ba tal’eg, ma sana’ ga ra pagtalin fare thamtham fa ga ra siyeg ni ngam ayuweg bee’ ni fan ko Got.
3. Mu Fek ea Muruwel Rom ku Somoel
Fare meybil ni Chitamangiy nu Tharminy ea ba’adag ni nge fulweg ea wenig rodaed ni ngan powiydaed ko bee’ ni be t’ufeg ea ayuw rodaed. President Henry B. Eyring ea ke fil ngodaed ni ngaed gayed ea yi’iy ngad fithed Got ko mini’ ea rayog ni ngad ayuweged ni fan Ngak’. “Fa’an ga ra fith ea duwer ni boedrogon, ma fare Kan ni Thothup ra yib ma ga ra thamiy ni mornga’agen pin’en ni rayog ni ngam rin ni fan ko gidii’. Napan ni ngam rin’ ea pinn’em, ma ga be ’un ko muruwel ku Got, ma ra mu’un ko muruwel ku Got, ma rayog ngem fare towa’ath ko fare kan ni thothup.”5
Rayog ni ngam meybil ngam ning Somoel ko muruwel. Nap’an ni ngam rin’ ea binem, ma rayog ni nge use nag ea salap rom ni ngan mugu’liy ea muruwel Rok’ nib ma’ang’ang.
Chitaman chitinag, Fritz Hjalmar Lundgren, ke yib u Sweden ni ke 19 ea duw yangren. Ke taw nga Merika, nigo’ Ir, ni bay ea suitcase rok’ ma yigo’ nel’ ea duw nap’an ea skuul. Deyog ni nge yoeg ea thin nu Merikan, ke milekag nga Oregon i muruwl ni’ir ea Lumberjack nge tomuren, ma bay rok’ ea chitinan, kar uned ko fare Galasia. De powiy ea ward, machane i par ni’ir ea home teacher nib yul’yul’, me fek boech ko 50 tabinaw ma ra ’uned ko fare Galasia bayay. Uwrogon nike rin’ ea binem?
Tomuren ea yam ko tutuw rog, mug magow u lan ea kahool ko babyor rok’ mug pir’eg ea babyor ni yoloey pumo’on ni ’un ko galasia biyay ni bachan ea t’uf ko tutuw rog. Ke ga’ar fare babyor, “Makaath ko Brother Fritz, gube michaen’, ea ma muruwel ni gubin yay ko Chitimangiy nu Tharmiy.”
Ke baybor nem ea yoloey Brother Wayne Simonis. Tutuw rog ea ke yaen ngak’ me mada’ i nang gubin chongin ea tabinaw rok’. Ke yaen bochi ningyal’, me Tutuw ea ke yoeg ngak’ ni yaed ba t’uf, me piningraed ni ngar ’uned ko misa. Machane Madnom nem, Brother Simonis ke ’od ni yib ea magagawon rok’—dawori mu’ i roof nag ea tafen ma susun ni nge ’aw ea n’uw ko binem ea wik. Ke dugliy ni nge yaen ko misa, nge rurug paa’ Tutuw, me chuw nge sul nge tabinaw nge museg ea chiig ko tafen. Tabinaw rok’ ea rayog ni ngar ’uned ko sacrament ni de ’un ngak’.
Tanam rok’ ea ke mangil madako, ni bay u dakean ea chiig, ke rung’ag bee’ ni ke yaen nga lang u dakean fare tawo’. Ke ga’ar u pi thin rok: “Napan kug sap nga lang, … Brother Fritz ke sakiy u dakean ea tawo’. Me saminmin nib gel ngog. Som’on, ma gu tamraa’ mug thamiy ni gu boed ea bitir nib achichig ni kan pir’eg ni nge siyeg skuul. Ma arame … gu damomuw. [machane Brother Fritz] ea ke chuweg ea suit coat rok’ i tay nga dakean ea tawo’. Nap’an ni ke bichiy ea sleeves ko kengin ea mad nib wechwech rok’, ke chel ngog me yoeg ’Brother Simonis, bay reb ea hamma rom? Re muruwel ney ea ba gaa’ fan ara sana’ dam pag ea tabinaw rom, nge fa’an ra baga’ fan, ma gu ba’adag ni ngu ayuwegem.’ Nap’an nug sap nga owchen, ma kug guy yigo’ gol nge adag ku Kristus. Ke chuw ea damomuw rog. … Kug tay nga but ea talin rog ko Madnom rog mug lek ea fagar rog nga but u dakean ea tawo’ mug sulow ko far chapel.”
Tutuw ea ke thapeg ea muruwel rog ku Somoel, me nang ni nge pir’eg ea saf nib malog. Boed fa aningeg ni fek ea fagar roraed nib mugutgut nga lang nga dakean ea chig mar paged nga but ni nge gol nag Yesus Kristus,6 ku arrogon ni muruwel go tutuw ea ke fek ir nga dakean ea chiig. Fare Somoel ea ma pii’ ea yi’iy ko pi’in ni be gay rogon ni ngar aywueged ea gidii’.
4. Mu Michaen’ mag Pagaen’
Gathi n’uw nap’an faram, ku bi’egulan fare pi scripture mornga’agen kureb ea missionary ni rib mangil ni thapeg ea muruwel rok’ ku Somoel. Aaron ea fil iyaen ko fare pilung ko fapi Lamanites, ni’ir ea ke fith ko mang fan ni walagen Aaron i Ammon ea de yib nge fil iyaen ngak’. “Me gaʼar Aaron ngakʼ fare pilung: Musap, fare Kan ni Thothup ku Somoel e ku bay bang niki pining ni ngki yaen ngay;”7
Ke non ko gum’ircha’eg fare Kan ni Thothup: gadaed gubin bay ea muruwel nib thil ni ngad ngongoliyed, ma boechngiyal ma fare Kan ni Thothup sana’ ra piningdaed nib ”thilrogon.” Bay bo’or ea rogon ni ngan fal’eg fare gil’ilungun Got ni gadaed ea gachalpen Yesus Kristus ni be fal’eg ea m’ag mab kol chilen ea m’ag. Gimed ea gachalpen nib yul’yul’, ma rayog ni ngam thapeg ea tamilang nga laniyaen’med nge yi’iy nib l’eg rogon, ko motochiyel rok’ nib fal’eg ni fan ngom. Bay ea pi muruwel rom ni ngam ngongoliy u lane yafos ma bay ni pii’ ngom ea powiy ni ngam mugu’uliy.
Nephi, fare walagen Jared, nge ku Moses ea yaed gubin ma yaed bay ea day nib gaa’ nib t’uf ni ngar th’aeb gaed nga yug barba’—mar rin’ed ea binem nib thil rograed. Nephi ke ”th’aeb e rean ngug ngongoliyed ni rib fel’ i ngongoliy.”8 Fare walagen Jared ea ke toey ea barkow ni “rib macheʼcheʼ ni boed rogon fini pachingʼ barbaʼ i pilet,”9 Ma Moses nge gidii’ rok’ “ranoed u dakean ea but’ nib malik u fithik ea day.”10
Yaed gubin ma yaed thapeged ea fanow, nib thil rograed, ma yaed gubin mar pagaen’ gaed ra rin’ed. Somoel ea ma nang pi’in ni fol ma, dakean ea thin ku Nephi, ra “bing woʼen [ngodaed ni rayog ni ngad] muguʼuliyed e pinʼen ni ke motochiyel nag ngoraed.”12 Mu lem nag ni be yoeg Nephi “ba wo’en”— gathi ”fare wo’en.”
Gadaed be chalafeag fa dariy fan nag muruwel ku Somoel ni bachan ea ke fal’eg “ba rogon” nib thil ko reb ni kug lem nag?
Tutuw rog ea kan powiy nga gin nib thil—ni be chuw ko ba suit, ma bay dakean ea chiig, ko Madnom. Mu pagaen’ gaed ko Got ni nge powiy ngom, ni yug arame rogon ba thil rogon ni kam lem nag ara ba thil ko gidii’.
Gidii’en Got ko Tin Tomur ea Rran ea yaed bo’or ea mmit ea rrogon nge ga’angin, machane “gubin ea gidii’ ea boed Got”—“ba wechwech ea doew nge talumar, bay u kalubus nge ba puf-rogon, pumo’on nge ppin,” dariy ea mabgol nge bay ea mabgol, bo’or ea salpiy nge gafgow, bitir nge ilal, bee’ ni chon ni polo’ i yafos nge chon nib ngochngoch nap’an.12 Demotrug ko gur mini’ ara mange be buch u yafos rom, yibe pining ko tabel ku Somoel.13
Nap’an ni ga be gay gabe rin fiti laniyan ea Chitamangiy ea ra mang rogon ea yafos rom ni gubin ea rran, yira, arrogon, powiyem ngam thil ngam kalngaen.
Program nib bi’ech ko fare Galasia ni fan ko bitir nge fel’ yangren ea kan yarmiy u dakean ea kengin ni ngan fil ni ngan gay ea yi’iy, ngan pir’eg ko mang ea ba’adag Somoel ni ngan rin’, ma ngan ngongol ko fonow nem. Gadaed gubin, demotrug ko yangren fa rogon ea yafos ea rayog ni ngad gay rogon ni ngad gayed, ngad thapeged, ma ngad ngolngol gaed. Nap’an ni ngam fol gaed ko re rogon ni dabimus ney ni kan dugliy ko rran rodaed, ga ra chugur ku Yesus Kristus—T’uf rok’, tamilang Rok’, fonow Rok’, gapas Rok’, nge gol Rok’ nge gelngin ni yog nag. Ma bay mu ga’ nag ea toom’ ko Tin nib Thothup ni ngad manged ea talin u Paa’ ni gubin ea rran ni ngan mugu’uliy ea Muruwel Rok’. U dakean fithngan Yesus Kristus, amen.