Achọpụtara site na Ike nke Akwụkwọ nke Mọmọn
Onye nile kwesịrị ị nwete nhụmihe ma bụrụ ndị achọtara site n’ike nke eziokwu nile jupụtara nime Akwụkwọ nke Mọmọn.
Dịka m n’aga n’ebe-obibi ndị nile agbanwere, otu n’ime ajụjụ nile Mụ n’achọ ịjụ ndị-agbanwere mgbe ọbụla bụ otu ha na ndị ezi-na-ụlọ ha nile jiri bụrụ ndị emere baptizim. Ọ dịghị mkpa m’onye ahụ n’oge ahụ ọ bụ onye otù kwụsiri ike m’ọbụkwanụ na ọ bịabeghị nzukọ-nsọ kamgbe ọtụtụ afọ. Aziza n’abụkarị otu ihe ahụ: ha n’eji ihu ọchị na nke n’egbuke-egbuke, ji bido kọwa akụkọ otu ejiri chọta ha. N’ezi ya, ọ na-adị ka akụkọ nke mgbanwe n’abụkarị akụkọ nke otu esi chọta anyị.
Jizọs Kraịst n’Onweya bụ Onye-nwe-anyị nke ihe ndị nile furu-efu. Ọ na-echekasị maka ihe nile furu-efu. Nke a bụrịrị ihe O ji kuzie ilu atọ nke anyị n’ahụ nime isi 15 nke Luk:: ilu ahụ nke atụrụ furu-efu, ego ahụ furu-efu, na, ikpeazụ, nwa-nwoke lara-niyi. Akụkọ nile ndịa nwere otu ịhe jikọrọ ha: ịhe kpatara ha jiri fuo abaghị uru. Ọ dịghịdị mkpa m’ọbụrụ na ha mara na ha bụ ndị furu-efu. Enwere ọñụ nke dị ukwuu nke n’eti n’olu ike, “Soro m ñụrịa; nihi a chọtawom [nke ahu] furu efu.”1 N’ikpeazụ, onweghị n’ezi-okwu ihe furu-efu nye Ya.2
Nye m ohere nehihie nke-a, ịkọrọ unu otu n’ime ihe ndị kachasị ọnụ nye m—akụkọ nke otu esi chọta Mụ onwe m.
Tupu m gba afọ 15, nwanne-nwoke nna m Manuel Bustos kpọrọ m, ịnọnyere ya na ezi-na-ụlọ ya na United States ebe-a. Nke a g’abụ ohere dị ukwuu maka mụ ịmụta ụfọdụ asụsụ Beke. Nwanne-nna m gbanwerela nye Nzukọ-nsọ ọtụtụ afọ gara-aga, ma o nwere mụọ nke ịgbasa ozi-ọma dị ukwuu. Nke a bụ ihe mere nne m, n’ekweghị ka m mata, kwuru ya okwu ma sị na ya ga-ekwe ka m gaa m’ọbụrụ n’emezuo otu ihe: na ọ gaghị anwa ime ka m kwenye ịbụrụ onye-otù nke Nzukọ-nsọ ya. Anyị bụ ndị Catholic, anyị kperela ya ọtụtụ ọgbọ, ma enweghị ihe mere m g’eji achọ igbanwe. Nwanne-nwoke nna m kwere nke-ọma ma dobe okwu ya n’ụdị na ọ chọghị ịza ajụjụ ọbụla gbasara Nzukọ-nsọ ahụ.
Nezi ya, ihe nwanne-nwoke nna m na ezi nwunye ya, Marjorie, enweghị ike izere bụ ịbụ ndị ha bụ.3
Ha nyere m otu ọnụ-ụlọ nke chekwara nnukwu ọba-akwụkwọ nke akwụkwọ nile. Ahụrụ m na n’ime ọba-akwụkwọ a enwere ihe dịka Akwụkwọ nke Mọmọn n’asụsụ nile dị iche-iche ruru 200, ebe edere 20 n’ime ha n’asụsụ Spain.
Otu ụbọchị, site na agụ-mmata, ewedatara m otu Akwụkwọ nke Mọmọn edere n’asụsụ Spain.
Ọ bụ otu n’ime ndị ahụ nwere akwụkwọ mkpuchi blue, nwere ụdị-mmadụ nke mụọ-ozi Moronaị n’ihu ya. Ka m meghere ya, ebe-ahụ na ihu-akwụkwọ nke-mbụ ka edere nkwa nke a: “Ma mgbe unu ga-anata ihe ndị a, aga m agba unu ume ka unu wee jụọ Chineke, Nna nke Ebighi-ebi, nʼaha nke Kraịst, ma ihe ndị a ha abụghị ezi-okwu; ma ọbụrụ na unu ga-eji ezigbo obi, jiri ezigbo ebum-nʼobi, na-enwe okwukwe nʼime Kraịst, ọ ga-egosipụta ezi-okwu maka ya nye unu, site nʼike nke Mụọ Nsọ.”
Ma mgbe-ahụ ọgbakwụnyere: “ Ma site nʼike nke Mụọ Nsọ unu ga-enwe ike mata ezi-okwu nke ihe nile.”4
O siri-ike ịkọwa ka akwụkwọ-nsọ nile ndị a jiri mmetụta echiche na obi m. Na-ezi-okwu, A naghị m achọ “ezi-okwu ahụ.” A bụrụ m nanị okorobia, nwere ańụrị n’ime ndụ ya, n’enwe ọńụ na omena-ala ọhụrụ nke a.
Agbanyeghị, ka m buru nkwa ahụ n’obi, E bidoro m ịgụ akwụkwọ ahụ na nzuzo. Dịka m n’agụ ya, a ghọtaram na ọ bụrụ na m chọrọ ị nwete ịhe site nime ihe-a, ekwesịrị m ibido kpewe ekpere. Manyị ma ịhe n’eme mgbe ị kpebiri n’ọbụghị nanị ịgụ ya ka ị g’eme kama ị ga ekpekwa ekpere gbasara Akwụkwọ nke Mọmọn. Ya mere, nke ahụ bụ ihe mere m. Ọ bụrụla ihe dị ebube ma gbapụrụ-iche----eh, otu ihe ahụ merela ọtụtụ puku nke ndị-ọzọ n’ime ụwa. A chọpụtara m site na ikike nke Mụọ-Nsọ na Akwụkwọ nke Mọmọn bụ ezi-okwu.
Mgbe ahụ a gakwuru m nwanne-nwoke nna m ịkọwara ya ihe merela ma na m ejikerela ime baptism. Nwanne-nwoke nna m enweghị-ike jikọta ịtụn’anya ya. Ọ banyere n’ime ụgbọ-ala ya, nyara ga ọdụ-ụgbọ-elu, ma jiri akwụkwọ ụgbọ-elu ga-ebula m, tinyere akwụkwọ o dere nne m sịrị,“ E nweghị m aka na nke a!”
N’otu ụzọ o kwuru ezi-okwu. A chọtara m site na ikike nke Akwụkwọ nke Mọmọn.
Enwere ike enwere ọtụtụ ndị achọtara site n’aka ndị mgbasa-oziọma gburugburu ụwa, ụzọ obụla dị ebube na nke ya. Mọbụkwanụ achọtara ha site n’aka ndị enyi Chineke kpachara-anya dobe n’ụzọ ha. Enwere ike ọbụrụ na a chọtara ha site n’aka otu-onye nke ọgbọ a ma-ọbụ site n’aka otu-onye nke ndị-ichie ha nile.5 Ka osina dị, ọ bụrụ na achọrọ ị ga n’ihu ezi mgbanwe nke onye, mgbe adịghị anya, ha nile ga-enwerịrị mmetụta ma bụrụ ndị achọtara site na ikike nke ezi-okwu nile dị n’ime Akwụkwọ nke Mọmọn. Na otu oge ahụ, ha ga-ekpebirịrị n’onwe ha ịkwụsike nye Chineke na ha ga-edobe iwu-nsọ Ya nile.
Ka m lọtara na Buenos Aires, nne m chọpụtara na ezi-okwu na a chọro M ime baptism. Nihi abụm ekwe-ekwe, ọ chọghị i nye m aka mgba, o jiri wayọ kpọta m nakụkụ ya. N’amaghị ama, ọ gbara m ajụjụ nile a n’ajụ onye a chọrọ ị mee baptizim. N’ezi ya, e kwenyere m na ajụjụ ya mmiri-emi karịa ndị nke ndị mgbasa-ozi-ọma anyị n’eme. Ọ gwara m: “Ọbụrụ na ịchọrọ ime baptism, A ga m akwado gị. Kama nke-mbụ a ga m ajụ gị ụfọdụ ajụjụ ma a chọrọ m ka iche-echiche nke-oma ma zaa m n’ezi-okwu. Ikpebiri na ị ga n’aga nzukọ-nsọ Sọnde ọbụla?”
A gwara m ya, “Eh, n’ezi ya, A ga m eme nke ahụ.”
“Ị mara ka nzukọ-nsọ siri tee aka?”
“Eh a ma M,” ka M kwuru.
Ọ zara, “ Ọ dị nma, ọbụrụ na ime baptism, a ga m ahụ na ị gara.” Mgbe ahụ ọ jụrụ m ma ndị njikere ịkwụsị ịńụ manya na anwụrụ.
A gwara m ya, “Eh, n’ezi ya, A ga m emekwa nke ahụ.”
Nke o jiri gbakwụnye, “ Ọbụrụ na ime baptism, a ga m ahụ na nke ahụ dị otu ahụ.” Ma o siri otu ahụ n’aga n’ihu na iwu-nsọ ọbụla.
Nwanne-nwoke nna m akpọwo nne m ịgwa ya ka onwela nsogbu, na m ga-echefu ihe ndị a. Mgbe afọ anọ gara, mgbe M natara ọkpụkpọ-oku m ije-ozi n’ime Mishịọn Uruguay Montevideo, nne m kpọrọ nwanne-nwoke nna m ịjụ ya mgbe m ga-echefu ihe ndị a. Nke bụ ezi-okwu bụ na site na oge m mere baptism, ọ bụrụla nne nwere ańụrị karịa.
A biara m mata na Akwụkwọ nke Mọmọn bara uru nime usoro mgbanwe site na ịmata na onwe m nkwa na “ na mmadụ ga-abịa Chineke nso site na ịnọgide n’usoro iwu ya nile.”6
Nifaị kọwara nzube nke Akwụkwọ nke Mọmọn n’ụzọ a:
“N’ihi na anyị na-arụsi ọrụ ike idepụta, ikuziri ụmụ anyị, na kwa ụmụnne anyị, ka ha kwere na Kraịst, na ime udo n’ebe Chineke nọ. …
“Ma [Dịka] anyị na-ekwu maka Kraịst, anyị na-an̄ụrị-ọn̄ụ n’ime Kraịst, anyị na-ekwusa maka Kraịst,[ma] anyị na-ebu amụma maka Kraịst, … ka ụmụ anyị wee mata ebe ha ga-esi wee lee anya maka nsachapụ nke mmehie ha nile.”7
Akwụkwọ nke Mọmọn nile nwejuru otu nzube ahụ dị-nsọ.
Ya mere, onye ọgụụ ọbụla kpebiri ezi obi ị mụ ya, jiri mụọ ekpere, agaghị amụta nanị maka Kraịst ma g’amụtakwa sita n’aka Kraịst—tụmadị m’ọbụrụ na ha nwe mkpebi obi ị “nwale ezigbo omume nke okwu ahụ”8 ma ghara ị jụụ ya ọsịsọ-ọsịsọ n’ihi nkwenye ndị nwere ntukpọ9 si n’aka ndị ọzọ n’ihi ịhe ha kwuru maka ịhe ndị ha n’agụbeghi mọlị.
Onye-isi Russeii M.Nelson kwuru:“ Mgbe ọbụla m chere-echiche maka Akwụkwọ nke Mọmọn, a na M eche maka mkpụrụ-okwu ahụ ike. Ezi-okwu nile nke Akwụkwọ nke Mọmọn nwere ikike ịgwọ-ọrịa, nkasi-obi, weghachi, enyem-aka, gbaa-ume, inye-ańụrị, na ịbuli mkpụrụ-obi anyị nile elu.”10
Oku m n’akpọ n’ehihie a nye onye-ọbụla n’ime anyị, agbanyeghị mgbe anyị jiri bụrụ onye-otù nke Nzukọ-nsọ, bụ ka anyị nye ikike nke ezi-okwu nile nke Akwụkwọ nke Mọmọn ohere ịchọta anyị ma makụọ anyị ọzọ kwa, ma kwa ụbọchị dịka anyị n’achọ mkpughe nke onwe. Ọ ga-eme otu ahụ ọbụrụ na anyị nye ya ohere.
E ji m nwayọ agba-ama na Akwụkwọ nke Mọmọn nwere uju nke ozi-ọma nke Jizọs Kraịst ma na Mụọ-Nsọ ga-egosi ezi-okwu nke ahụ ugboro ugboro nye onye-ọbụla nke, jiri ezigbo obi, chọọ ọmụma-ihe n’ime nzọpụta nke mkpụrụ-obi ha.11 Site na aha nke Jizọs Kraịst, amen.