A pwa seni Ewe Manamanen ewe Puken Mormon
Meinisin o kich sipwe kaeo me pwa seni ewe manamanen ewe ennet a nomw ewe Puken Mornon.
Nupwen uwa churir non nenier, ew kapas eis uwa chok mochen eisini minafon chon ei mwichefel ian ir me ar famini ra kaeo me ian usun ei mwichefel me pwata ra papatais. Ese pwan nifinifin ina mwo ika remi chok chiwen fifiti fan ika resen chiwen fifiti fan non chomong ier. Ponuwan mi chok nono: fiti emenimen me ngunur a fokun saramwono, ra poputa ne aporousa porousen ifa usun ar ra kuner. ika fen naponon, porousen ar ra choni ei mwichefel a napengeni nupwen ra kuner.
Jiese Kraist ii ewe Samonun metoch mi poutuno. A ekieki ekewe metoch mi poutuno. Ina pwata a aiti kich usun ekewe unungat kapas mwonomon me sia kuna me non sopun 15 non puken Luke: ewe kapas mwonomwon usun ekewe sipw mi mwanecheno, ekewe kapa mi poutuno, me ewe noun mi mwanecheno. Meinisin ekei porous a wor metoch remi chok nono won: Ese men ika pwata ra fen poutuno. Ese pwan nifinifin Aika mwo pwe ra fen sinei pwe ra poutuno. Ar auchean nemenen a wato memefin pwapwa a apasa, “fiti ei ne pwapwa; pwe uwa kuna ewe a meni a poutuno.” 1 Nge nemwuchunon, ese or met a poutuno seni ii.2
Mwut ngeni ei upwe aporousa ngeni kich non ei nenowasan ew metoch amen auchea ngeni ei—Porousein ifa usun aiwe uwa kuna ei mwichefel.
Mwemwen aiwe upwene 15, tetenin semei Munuel Bustonswe a tingorei upwe fiti ai upwe kukunou ren me an we famini non Merika. Iei ew metoch mi murino pwe upwene tongeni kaeo fosun merika. Tetenin semei we afen choni ei mwichefel chomong ier a no, me achok usun emon misineri. Menip iei popun pwata inei we, use mwo fen sinei, a fen fos ngeni me apasa pwe epwe tipe ew ngeni ewe tingor non ewe napanap: pwe ir rese ouwesiei pwe upwe choni ei mwichefel. Am Catholic, me aiwa choni na mwichefel non fite sokopaten tetenin ier, me ese or wewen am aipwe siwini. Tetenin semei a fen nomw non ew etipe ew me a fori met a apasa mi chok kouk arap ngeni chok an ese mwo nge mochen epwe ponuweni ew mecheresin kapas eis usun ewe Mwichefel.
Ewer, met tetenin semei we me punuwan we, Marjorie, ew met metoch rese tongeni ekesiwini nonomur ika manauer.3
Ra fini ngeni ei ew rum mi wor waten nenien puk. Uwa kuna pwe non ewe rum ina epwe chok 200 kapin ewe Puken Mormon non kapasen sokopaten fonu, 20 me neir iwe kapasen Spanish.
Non ew ran, ren ai chok mochen sinei, uwa angei ew ekewe kapin Puken Mormon non Spanish.
Ew ekewe kapi mi araw motowtow tukutukun, me ewe niosun chonang Moronai mwen ewe puk. Nupwen uwa suki, non ewe aewin peich a mak ekei pwon: “Iwe nupwen oupwe angei ekkei mettoch, ua mochen pesei kemi pwe oupwe tingor ren Kot, ewe Sam Esemuch, non iten Kraist, ika ekkei mettoch ese ennet; iwe ika oupwe tingor ren ew ennetin netip, ren ennetin popun, fiti nuku non Kraist, ii epwe pwarano ennetin ngenikemi, me ren ewe manamanen ewe Ngun mi Fel.”
Me pwan ekkoch: “Iwe ren manamanen ewe Ngun mi Fel oupwe tongeni sinei ennetin mettoch meinisin.”2
A saro weires ai upwe awewei ifa usun an ekei pukefel ra ekesiwini ai ekiek me netipei. Upwe fen kapas wenechar, use kuta “ewe ennet.” Uwa chok emon onuwon, pwapwaiti manawei, me pwapwaiti ei minafon oreni.
Ina mwo, nge ewe pwon uwa ekieki, uwa opa aiwe uwa poputa aneani ewe puk. Nupwen uwa anieani fan chomong, uwa weweiti pwe uwa wesen mochen upwe kaeo eoch metoch seni ei, amen eoch ai uwa poputa ne iotek. Me sia sinei met epwe fis nupwen ka finata ren omw kosap chok anea nge kopwe pwan iotek usun ewe Puken Mormon. Iwe, ina met a fis ngeni ei. A fokun ew metoch mi fokun auchea me sokono—ewer, usun chok pwan met a fisi ngeni ngoroun aramas non unusen fonufan. Uwa sinei pwe ewe Puken Mormon mi ennet seni manamanen ewe ngun mi fel.
Iwe murin uwa etino ren tetenin semei we pwe upwe ereni met a fis me uwa moneta pwe upwene papatais. Tetenin semei we ese chiwen tongeni awesano ewe metoch mi amairu. A tonong non wan we, iwe a sa ngeni ewe airport, me a niwin sefanito fan nei we ticket ai upwe sai sefan ngeni neim, fiti echo toropwe a mak ngeni inei we a apasa “Esap ngang u wisen fori ei!”
Nge mi fen pung ren. Uwa pwa seni emwenien ewe manamanen ewe Puken Mormon.
A fen chomong ekewe aramas ra fen pwan seni ekewe misineri ra kuner non unusen fonufan, non sokopaten anen ar kunar. ika fen pwan ekoch ra pwa seni chiener kot a fori anen ar repwe kuner. Ina repwe fen pwa ren emon seni ekei minafon tapin aramas ika emon seni mwirimwir kewe.5 Met sokopaten wewe, nge ren an epwe kineta ngeni an ennetin pungun ekesiwin, epwe fen kanoto nap seni towawono, repwe pusin kuna me mefi ewe manamanen ewe ennet a nomw non ewe Puken Mormon. Non chok na otun, repwe pusin fini me fori ennetin ar pwon ngeni kot pwe repwe achocho ne aneasosichi an kewe annuk.
Iwe nupwen uwa niwin ngeni Buenos Aires, inei we a sinei sinei pwe uwa mochen papatais. Pokiten ngang mi saro ekis ungeni, ese fen epeti ei, nge a fen chok fori netipei. me ese mwo fen sinei, a fori ai we interfiun ai we papatais. Ewer, uwa nuku pwe an we fen interfieu a fokun anonon nap seni an ekewe misineri we fen wisen mina. A ereni ei, “Ika ka mochen papatais, upwe fokun anisuk. Nge akom upwe eisunuk ekoch kapas eis, me uwa mochen kopwe ekieki fichi me ponuweni non wenechar. Ka pwon pwe kopwe fiti fan iteiten Raninfel?”
Uwa ereni, “ewer mi fokun pung upwe fokun fori ena.”
“En mi sinei fite tamen fan?”
“Uwa ponuweni,” ewer, ngang mi sinei.
A apasa, “Iwe, ika pwe kopwene papatais, iwe upwe achocho ngeni omw kopwe chok fifiti fan.” Murin apwan eisinei ika ngang mi ennetin mochen usap chiwen ukun sakaw me supwa.
Uwa ponuweni, “Ewer, upwe chok fokun pwan fori ena.”
Iwe apwan apachata, “ika pwe kopwene papatais, iwe epwene fokkun chok ina.” Iwe ina chok usun pwan met a era usun chok pwan meinisin ekewe annuk.
Tetenin semei we a kokori inei we me a ereni pwe esap pwan noninen, pwe non kan ran mwach epwene wesino. Ruwanu ier murin, uwa koko ngeni ai upwe angang non ewe Uruguay Montevideo Misin, inei we a kokori tetenin semei we a eisini ika inet chok otun ekei metoch meinisin upwene wes seni. Mi pung non ewe fansoun uwa papatais, inei we a fokun ennetin emon iin mi nuno an pwapwa.
Uwa nuku pwe ewe Puken Mormon ew metoch mi fokun auchea non ai we uwa ekesiwini manawei me uwa mefi ewe pwon a era “emon aramas ese tongeni kane ngeni kot ika pwe ese aneasosichi an kewe annuk.”6
Nifai a apasa pwe ewe menapen ewe Puken Mormon iwe iei:
“Pun am aua nikitu ne mak, pwe am aupwe pesei nöum kewe, me pwan pwium kewe, pwe repwe nuku non Kraist, me repwe siwini nonnomur ngeni Kot. …
“Iwe [am] aua kapas usun Kraist, aua pwapwa non Kraist, aua afanafan usun Kraist, aua osini usun Kraist, … pwe noum kewe repwe sinei ngeni ian repwe apinukunuk won ren omusomusen ar kewe tipis.”4
Unusen ewe Puken Mormon a urono ren ewe chok auchean wewen.
Ren ei wewe, ion a anea me pwon pwe epwe ennetin kaeo, fiti ngunun iotek, esap chok kaeo usun Kraist nge epwe pwan kaeo seni Kraist—akaewin ika pwe ra finata pwe repwene “sotuni ewe feiochun ekewe kapas”8 me ita ar resap etiwa fan iten ar esita me rese nuku9 seni met ekoch ra fen kapas usun ren ekei metoch ra fen aneani.
President Russell M. Nelson a achema: “Nupwen uwa ekieki usun ewe Puken Mormon, uwa ekieki usun ewe kapas manaman. Ewe ennet non ewe Puken Mormon a wor ewe manaman echikarata, opochokuna, awora sefani, aninisich, me apwapwai ngunuch.”10
Ai tingor ngeni kich meinisin non ei neanoasan, ika mwo pwe safen nomotam non ei Mwichefel, nge sipwe mwut ngeni ewe ennet seni ewe Puken Mormon epwe etiwachu kich sefan me ew me ew ran nupwen sia kuta ach pusin pwarata. Epwe fisioch ika pwe sia anganga.
Uwa ennetin pwarata pwe ewe Puken Mormon a onomu ewe unusochun ewe kapas allimen Jises Kraist me ewe Ngun mi Fel epwe pwar ngonuk ewe kapas mi ennet ngeni ion, mi netip eoch, ne kukuta an epwe weweiti ewe manawen ngunun.11 Non iten Jises Kraist, amen.