“Giliyokan sa Gugma,” Alang sa Kalig-on sa mga Kabatan-onan, Peb. 2024.
Dali, Sunod Kanako
Giliyokan sa Gugma
Walay ikatandi sa gugma sa atong Manluluwas alang sa matag usa kanato.
Mga paghulagway pinaagi ni Corey Egbert
Mibati na ba kamo sukad nga walay usa nga nakasabot kaninyo sa hingpit? Tingali mobati kamo nga ang inyong mga hagit talagsaon kaninyo—talagsaon kaayo, gani, nga bisan ang uban makasabot kaninyo sa pipila ka paagi, walay usa sa tinuod ug sa hingpit makasabot unsa ang inyong nasinati. Apan ang Manluluwas makasabot.
Ang Manluluwas nga si Jesukristo nahigugma kaninyo pag-ayo nga Siya mipahigayon sa Iyang Pag-ula aron matabangan kamo sa pagbuntog sa mga butang nga inyong nasinati sa mga paagi nga walay usa ang makahimo. Karon anaa ra kaninyo ang pagpangayo og tabang Kaniya, pagsalig Kaniya, pagbati sa Iyang gugma, paghinulsol, paghimo ug pagtuman sa mga pakigsaad, ug paglahutay hangtod sa kataposan.
Si Jesukristo nagbarog nga bukas ang mga bukton sa pagliyok kaninyo uban sa gugma. Kana mao ang nakat-onan ni Lehi, ug kana unsay iyang gusto nga itudlo sa iyang mga anak (tan-awa sa 2 Nephi 1). Usa kini ka bililhon usab nga leksiyon nga atong makat-onan!