“Gikinahanglan ang mga Tigpasiugda og Kalinaw,” Alang sa Kalig-on sa mga Kabatan-onan, Peb. 2024.
Mga Pulong nga Naggiya og Maayong Kinabuhi
Gikinahanglan ang mga Tigpasiugda og Kalinaw
Gipahiangay gikan sa usa ka pakigpulong sa Abril 2023 nga kinatibuk-ang komperensiya.
Mga paghulagway pinaagi ni Emily Davis
Sa mga sitwasyon nga emosyonal kaayo ug napuno sa panagbingkil, ako modapit kaninyo sa paghinumdom ni Jesukristo. Pag-ampo aron makabaton og kaisog ug kaalam sa pagsulti o pagbuhat unsa ang Iyang gusto. Kon kita mosunod sa Prinsipe sa Kalinaw, kita mahimong Iyang mga tigpasiugda og kalinaw.
Usa ka Dosis sa Gugmang Putli
Ang gugma nga putli mao ang tambal sa panagbingkil. Naghulagway kini sa usa ka tigpasiugda og kalinaw.
Busa unsaon man nga ang Dios makatabang nato nga makabaton og gugmang putli?
-
Pagkamapainubsanon sa atubangan sa Dios
-
+
-
Pag-ampo sa tibuok nimong kasingkasing
-
=
-
Ang Dios mohatag kanato og gugmang putli.
Pangutan-a ang Imong Kaugalingon:
Unsaon nimo pagpakigsulti sa uban ug paghisgot mahitungod sa uban …
-
Sa panimalay?
-
Sa simbahan?
-
Sa trabaho?
-
Online?
Kon giunsa nato pagtagad ang usag usa importante kaayo! Naghisgot ka ba sa mga butang nga “mahiyason, matahum, o maayo og dungog o dalaygon” (Mga Artikulo sa Hugot nga Pagtuo 1:13)?
Mga Pagpili nga Himoon
Ang panagbingkil usa ka pagpili. Ang pagpasiugda og kalinaw usa ka pagpili. Pagpili nga mahimong tigpasiugda og kalinaw, karon ug sa kanunay!
-
Naghukom sa uban?
-
Ipakita ang Kristohanon nga gugma pinaagi sa imong mga pulong ug mga binuhatan.
-
Nagsulat og masuk-anon nga tubag sa online?
-
Pagtukod og taytayan sa pagsinabtanay.
Nakaila og usa ka Tawo nga Nagkinahanglan nga Makadungog Niini?
Maayo. Apan ayaw kalimot nga maayo usab kini nga tambag alang nimo! Tan-awa og maayo ang inyong mga pagbati kon kini aduna bay ginagmay nga garbo o kasina nga makapugong ninyo sa pagkahimong tigpasiugda og kalinaw.