“Kadaogan sa Igpapahulay,” Alang sa Kalig-on sa mga Kabatan-onan, Peb. 2024.
Kadaogan sa Igpapahulay
Parker J. gikan sa Oregon, USA, wala na mobati nga duol sa Dios. Apan ang iyang desisyon sa pagbalaan sa adlaw nga Igpapahulay nakatabang kaniya nga makapaduol pag-usab.
Litrato pinaagi ni Christina Smith
Sa dihang ang 17 anyos nga si Parker J. nag-andam alang sa iyang senior wrestling championship, nagbansay siya sa bisan unsa nga maniobra nga mahimong gamiton sa iyang kaatbang kaniya. Apan bisan og siya nagpalig-on sa iyang kusog sa wrestling, football, shot put, ug bisan sa accordion sulod sa daghang tuig, ang labing importante nga pagpangandam ni Parker walay labot sa pisikal nga pagpaugnat. Nagkinahanglan kini og espirituhanon nga kalig-on aron sa paghimo niini nga torneyo nga magmadaogon sa mga mata sa Dios.
Naglisod sa Paghimo og Desisyon
“Ang pagbati sa gugma sa Dios nakapadasig nako kanunay,” miingon si Parker. Apan sa pipila ka rason, wala siya mobati nga duol kaayo sa Dios sa mga semana nga padulong sa torneyo. Kaniadto, miingon siya, “ang pagpasalamat sa Dios nakatabang gayod nako nga malig-on ang akong pagpamatuod, mao nga wala ko masayod kon ako ba ang dili na mapasalamaton o kon ang Dios mibawi sa Iyang impluwensya.”
Ang plano sa semana sa torneyo yano ra. Ang team ni Parker mosakay og bus inig Huwebes aron makigsangka sa torneyo sa Biyernes ug Sabado. Walay suwerte, ang dili maayong unos sa yelo nakakomplikar sa mga butang. Ang torneyo nalangay og usa ka adlaw, nagpasabot nga ang mga wrestler nga nakadaog sa ilang mga sangka sa Sabado mosangka inig ka Dominggo. Ug ang kahanas ug kusog ni Parker nakahatag niya og dakong kahigayonan nga moabot nianang puntoha.
Naglingkod diha sa bus uban sa iyang mga kauban sa team, nasayod si Parker nga siya adunay pagpili nga himoon: makig-wrestle sa Dominggo o motahod sa Igpapahulay. Ug tungod kay mogradwar na siya human niining tuiga, kini ang iyang kataposan nga higayon sa pagpakig-wrestle uban sa iyang team.
“Lisod gayod kaayo kadto nga higayon alang kanako sa paghimo niana nga desisyon. Wala nako mabati ang impluwensya sa Dios niadtong mga semanaha sa wala pa ang torneyo,” miingon siya.
Apan ang paghinumdom sa miaging mga kasinatian uban sa Dios nakahatag ni Parker sa kalig-on nga iyang gikinahanglan sa paghukom. “Bisan og wala nako batia ang Iyang impluwensya karong bag-o, nasayod ko nga akong gibati ang Iyang impluwensya kaniadto. Mosaad ko matag semana sa higayon nga moambit ko sa sakramento sa paghinumdom Kaniya, kanunay dili lang nga kon ako mobati niini. Mao nga ako nakahukom nga dili makig-wrestle sa Dominggo.”
Tinuod nga Kadaogan
Si Parker nagpakita sa Sabado sa buntag nasayod nga siya dili mo-wrestle sa final sa Dominggo, bisan kon siya modaog sa matag sangka sa Sabado. Apan makapatingala, wala na siya mobati nga nahigawad. “Kalma ra ko sa akong desisyon,” miingon siya. “Makapaikag kini, tungod kay sa tibuok panahon mibati ko og hilabihan nga panginahanglan nga modaog gayod. Apan sa sangka, nalipay ra ko nga makig-uban sa mga tawo nga akong gimahal. Gusto lang nako nga buhaton ang akong labing maayo.”
Ug nahimo niya. Ang pagbansay ni Parker miresulta, ug siya nakadaog sa matag sangka sa Sabado. Apan samtang siya napildi sa sangka sa Dominggo, gibati ni Parker nga siya midaog og mas bililhon pa. “Kanang medalya sa unang ganti maabogan lang sa akong estante,” miingon siya. “Apan ang kaklaro ug kalinaw nga akong naangkon tungod sa pagpili sa Dios ug sa pagkaila sa Iyang impluwensya bililhon kaayo.”
Ang tinuod nga kadaogan ni Parker wala sa bisan unsa nga medalya o tropeyo. Anaa kini sa pagpili sa Dios ug pagkaila sa Iyang impluwensya.
Miingon si Parker, “Kini nga kasinatian nakapaamgo nako unsa ang akong mahimo. Daghan nga kabatan-onan wala motuo sa ilang abilidad sa paghimo og malisod nga mga pagpili. Miagi nako diha. Apan kamo makapili kanunay sa pagbuhat sa matarong nga butang, bisan og kamo nasayop kaniadto. Ang Dios nakaila ninyo ug nagtuo kaninyo. Siya nasayod nga kamo adunay abilidad sa pagbuhat niini.”
Mga Panalangin gikan sa Sakripisyo
Sa wala madugay human sa espirituhanon nga kadaogan ni Parker, nadawat niya ang iyang tawag sa misyon ngadto sa Romania. Siya nasayod nga ang pagpili sa pagtuman sa mga sugo sa Dios adunay positibo nga impluwensya sa iyang misyon ug sa nahibilin sa iyang kinabuhi. Siya miingon, “Karon ako nasayod nga ang paggahin og usa ka adlaw sa semana alang sa Dios ang imong panalangin mahimong katuloon, kaupaton pa. Dili ‘Nan, ako napildi niining kataposan nga torneyo, mao nga moadto ko sa langit.’ Ang akong abilidad sa pagserbisyo, pagsakripisyo, ug pagduol ngadto sa Dios ang milambo.”
Si Parker naghinahinam nga moserbisyo sa Ginoo isip usa ka full-time nga misyonaryo sa Romania.
Sa sunod higayon nga si Parker maglisod sa usa ka importante nga desisyon, mas andam na siya kay sa masukad. “Dili daghang tawo ang adunay kahigayonan nga mapildi sa kataposan nga sangka sa pagkakampeyon sa wrestling sa estado” giangkon ni Parker. “Ang importante nga bahin mao ang sakripisyo. Nga makahimo sa pagbaliwala sa mga butang alang sa Dios ug ipahinungod kini ngadto Kaniya nakahatag nako og pagbati sa gahom nga wala sukad nako maangkon. Ang Dios mas nakaila nimo kay sa imong pagkaila sa imong kaugalingon.” Miingon siya, “ang Dios motugot nga ikaw makasinati og mga sitwasyon nga malisod apan dili gayod imposible nga mabuntog uban sa Iyang tabang.”