Disipulo ngadto sa Disipulo

Ang pagkahimong usa ka disipulo ni Kristo dili ingon ka komplikado sama sa imong gihunahuna.

Susiha kini nga ehemplo nga gipakigbahin sa usa ka batan-ong lalaki mahitungod sa usa ka disipulo ni Kristo sa iyang kinabuhi.

Si Jack (sa wala) ug si Braiden (sa tuo)

Braiden K., edad 12

Taga-Northern Territory, Australia. Gusto nga magdula og rugby ug molikay sa mga buaya.

Pipila ka tuig ang milabay, ang akong higala nga si Jack magsige og pamalikas. Nasayod ko nga si Jesus ug ang Dios dili gusto niana. Mihangyo ko niya kong mahimo ba nga mohunong siya sa pagpamalikas kon naa ko, ug tungod kay dako ang iyang respeto mihunong siya. Suod na kami nga managhigala karon.

Karon kon makadungog siya nga adunay mamalikas kon naa ko, mangayo siya og pasensya nako ug mohangyo nila nga mohunong. Sa akong hunahuna nindot kaayo kana. Nakaadto na siya sa simbahan sa pipila ka higayon ug gani nakaampo na. Nangayo ko sa mga misyonaryo og Basahon ni Mormon ug gihatag ngadto niya.

Sa akong hunahuna nindot nga adunay usa ka tawo nga kaedad nako nga mobarog alang sa unsay husto. Labi na usa ka tawo nga kaila nako.

Nasayod ko nga si Jesus buhi. Siya mao ang Alpha ug ang Omega (sama sa gisulti sa Greek nga higala sa akong papa), ang sinugdanan ug ang kataposan. Siya ang akong Manluluwas ug akong Manunubos. Siya namatay alang nako aron ako mabuhi pag-usab. Tungod Kaniya, ako nasayod nga posible alang kanako nga makasulod sa celestial nga gingharian. Nasayod ko nga gimahal ko Niya.