“Ikonektar,” Alang sa Kalig-on sa mga Kabatan-onan, Peb. 2024.
Ikonektar
Angel A.
16, Alberta, Canada
Litrato pinaagi ni Amanda Steed
Nagpuyo ko sa Canada (wala damha nga panghitabo: sa tinuod wala kami magpuyo sa mga igloo o mosakay og usa padulong sa eskwelahan). Ang pagkamiyembro sa Simbahan ni Jesukristo sa mga Santos sa Ulahing mga Adlaw dinhi nakahatag nako og hingpit nga kalipay. Apan dihay mga adlaw usab sa kasubo ug oposisyon. Nagdako ko sa usa ka lugar nga wala koy suod nga mga kabanay, apan ang Langitnong Amahan mihatag nako sa akong pamilya sa ward ug mitabang nako pagtukod og mahangtorong mga panaghigalaay uban sa kabatan-onan sa akong stake. Bisan asa pa kamo, kamo adunay pamilya kon kamo aduna sa ebanghelyo.
Subo kaayo ko sa dihang ang akong sabot [appointment] alang sa patriyarkal nga panalangin nagkaduol. Ang kaaway mipahunahuna nako nga ako dili takos nga modawat sa akong panalangin. Dayon nakadungog ko sa hinay ug malumong tingog nga nag-aghat nako sa pagtawag sa mga sister nga mga misyonaryo. Sa pag-abot sa mga sister, gibati nako ang gugma sa Manluluwas nga kusog ug klaro kaayo.
Bisan og dili kita makaduol sa atong Manluluwas sa pisikal nga paagi, importante kaayo nato sa pagpaduol ngadto Kaniya kanunay. Ang akong patriyarkal nga panalangin nakapalig-on nako ug nagpahinumdom nako nga ako usa ka balaan nga anak nga babaye sa Dios.