Direkta sa Punto

Unsa ang panapi sa pari? Butang ba kini nga kinahanglan nakong kabalak-an?

Pariseo

Detalye sa Pariseo gikan sa Mga Sambingay [Parables], ni James C. Christensen

Si Nephi nagsulti nato nga ang Ginoo mimando kanato sa paglikay sa “panapi sa mga pari,” ug dayon gipasabot niya kini:

“Ang panapi sa mga pari mao nga ang mga tawo mowali ug mopahiluna sa ilang mga kaugalingon ingon og usa ka kahayag ngadto sa kalibotan, nga sila makaangkon og bahandi ug pagdayeg sa kalibotan; apan sila wala magtinguha sa kaayohan sa Zion” (2 Nephi 26:29).

Si Nephi mihatag nato og lima ka importante nga kinaiya sa panapi sa pari. Mao kana nga mga tawo:

Nagsangyaw. Sila nagsulti sa mga tawo unsa ang tuohan ug unsaon sa pagpuyo sa ilang mga kinabuhi.

Gipahimutang nila ang ilang mga kaugalingon nga kahayag ngadto sa kalibotan. Sila nagsulti sa mga tawo sa pagtan-aw ngadto kanila (dili ni Jesukristo) alang sa mga pagtulon-an ug ehemplo nga sundon.

Gusto nga makaangkon og bahandi. Nagsangyaw sila aron makakwarta.

Gusto nga makaangkon og pagdayeg sa kalibotan. Nagsangyaw sila aron nga ang mga tawo mosulti kanila kon unsa sila ka bantogan kaysa pagpahimuot sa Dios.

Wala magtinguha sa kaayohan sa Zion. Dili sila gusto nga ang gingharian sa Dios sa yuta (gitawag usab nga Zion o ang Simbahan ni Jesukristo) nga mouswag. Gani, tingali sila gusto sa kapakyasan niini.

Pag mabinantayon sa mga tawo nga nagbuhat niining mga butanga. Sunda ang Ginoo ug ang Iyang mga propeta. Ang Espiritu Santo motabang kanimo.