Ngaahi ʻEkitivitī ʻo e Haʻu, ʻo Muimui ʻIate Aú

Maʻá e efiafi ʻi ʻapí pe ako folofolá—pe ke maʻu pē ha fiefia!

26 Fēpueli–3 Māʻasi

Ngaahi Temipale Pepá

Ki he 2 Nīfai 11–19

alt text

Naʻe akoʻi ʻe ʻĪsaia ko e ngaahi temipalé ko ha ngaahi feituʻu makehe ia ʻoku tau ako ai fekauʻaki mo e Tamai Hēvaní mo Sīsū Kalaisi (vakai, 2 Nīfai 12:3). Faʻu haʻo temipale pē ʻaʻau! Pelu tolu ha laʻipepa. Kosiʻi ʻa e ngataʻanga ʻe taha ki ha foʻi tapatolu. Folahi hake ʻa e laʻipepá pea tā koe ʻi lotomālie.

Maʻá e fānau iiki angé: Sio fakataha ki ha fakatātā ʻo ha temipale. Talanoa fekauʻaki mo e founga te ke lava ai ʻo ongoʻi ʻa e ʻofá ʻi he fale ʻo e ʻOtuá ʻo hangē pē ko ia ʻi homou ʻapí.

4–10 Māʻasi

Hivaʻi ʻo e Ngaahi Fakamoʻoní

Ki he 2 Nīfai 20–25

alt text

Naʻe vahevahe ʻe ʻĪsaia ʻene fakamoʻoni kia Sīsū Kalaisí. Naʻá ne pehē ko Sīsū ʻa hono mālohí mo ʻene hivá (vakai, 2 Nīfai 22:2). Ko e hā ha ngaahi hiva fekauʻaki mo Sīsū ʻokú ke saiʻia ai? Talanoa fekauʻaki mo e ʻuhinga ʻokú ke ʻofa ai ʻiate kinautolú. Hili iá pea hivaʻi fakataha kinautolu!

Maʻá e fānau iiki angé: Hivaʻi fakataha ʻa e “Talamai ʻa e Ngaahi Talanoa ʻo Sīsū” (Tohi Hiva ʻa e Fānaú, 36). ʻAi ke puke hake ʻe hoʻo fānaú ha fakatātā ʻo Sīsū ʻi he taimi kotoa pē ʻokú Ne ʻasi ai ʻi he foʻi hivá.

11–17 Māʻasi

Taimi Talanoa ʻOtu Lea ki he ʻOtu Leá

Ki he 2 Nīfai 26–30

alt text

ʻOku tokoniʻi kitautolu ʻe he Tamai Hēvaní ke tau ako ʻi he “ʻotu lea ki he ʻotu lea,” pe ha meʻa siʻi ʻi he taimi takitaha (2 Nīfai 28:30). Talanoaʻi fakataha ha talanoa manakoa ʻi he folofolá, ʻo fakahoko ʻi ha foʻi laine ʻe taha ʻi he taimi! ʻE taufetongi ʻa e tokotaha kotoa ʻi hono lea ʻaki ha sētesi ʻe taha ʻo e talanoá kae ʻoua kuo ʻosi ʻa e talanoá.

Maʻá e fānau iiki angé: ʻOku tokoniʻi kitautolu ʻe he Tamai Hēvaní ke tau ako fekauʻaki mo Sīsū Kalaisi. ʻAlu ki he peesi 48 pea taufetongi ʻi hono valivali ha konga ʻe taha ʻo e fakatātaá ʻi he taimi ʻe taha.

18–24 Māʻasi

Ngaahi Sitepu ke Muimui ʻia Sīsuú

Ki he 2 Nīfai 31–33

alt text

Naʻe akoʻi ʻe Nīfai ʻoku tau muimui ʻia Sīsū Kalaisi ʻi he taimi ʻoku tau tui ai kiate Iá, fakatomala, papitaiso, maʻu ʻa e meʻafoaki ʻo e Laumālie Māʻoniʻoní, pea kātaki ki he ngataʻangá (vakai, 2 Nīfai 31). Hiki ʻa e sitepu takitaha ʻi ha laʻipepa kehekehe, pea folahi kinautolu ʻi he falikí. ʻE kuikui ha toko taha pea lau ki he 10 kae tuʻu ʻa e tokotaha kotoa pē ʻi ha laʻipepa. ʻE lea ʻaki leva ʻe he tokotaha naʻe laú ha taha ʻo e ngaahi sitepu ke muimui ai kia Sīsuú. Ko e tokotaha ʻi he laʻipepa ko iá ʻe lau hokó.

Maʻá e fānau iiki angé: ʻI he taimi ʻoku tau tui ai kia Sīsū Kalaisí, ʻoku tau muimui ai ki Heʻene folofolá. Faʻu ha laine pea lue takai holo. Ko e tokotaha ʻi muʻá ʻa e takí. ʻE fakatatau ʻa e tokotaha kotoa pē ki he founga lue ʻa e takí. Taufetongi ʻi he hono takí!

25–31 Māʻasi

Ko e Ngaahi Lile ʻo e Toetuʻú

Ki He Toetuʻú

alt text

Koeʻuhí ko Sīsū Kalaisi, te tau toe moʻui hili ʻetau maté (vakai, ʻAlamā 40:22–25). Ngaahi ʻa e fakameaʻa ʻo e ngaahi lile ʻo e Toetuʻú ʻi he peesi 17. Fokotuʻu hoʻo ngaahi matalaʻi lilé ʻi ha feituʻu ʻe lava ke sio ki ai ho fāmilí ke tokoni ke ke manatua ʻa e Fakamoʻuí ʻi he uiké ni.

Maʻá e fānau iiki angé: Laukonga fekauʻaki mo e Toetuʻú ʻi he peesi 46. ʻAi hoʻo fānaú ke nau tuhu ki he fakatātā takitaha ʻo Sīsuú lolotonga hoʻo laukongá.

Talanoa ʻi he PDF

Ngaahi tā fakatātā ʻa Katy Dockrill