“Ko hai ʻa ʻĪsaia?” Ko e Kaumeʻá, Māʻasi 2024, 24–25.
Ako fekauʻaki mo e Tohi ʻa Molomoná
Ko Hai ʻa ʻĪsaia?
ʻOku tau lau ʻi he Tohi ʻa Molomoná ʻa e ngaahi lea ʻa ha tangata ko ʻĪsaia hono hingoá. Ko ʻĪsaiá ko ha palōfita ia ʻi he Fuakava Motuʻá. Naʻá ne moʻui kimuʻa pea ʻaloʻi mai ʻa Sīsū Kalaisí.
Naʻe akonaki ʻa ʻĪsaia kau ki he moʻui ʻa Sīsū Kalaisí. Naʻá ne pehē ʻe ʻomi ʻe Sīsū ʻa e melinó ki he māmaní. Naʻá ne akoʻi ʻe pekia ʻa Sīsū, toetuʻu, pea liuaki mai ki he māmaní ʻi ha ʻaho.
Hili ha ngaahi taʻu ʻe laungeau mei ai, naʻe tohi ʻe Nīfai ʻa e ngaahi lea ʻa ʻĪsaia ʻi he Tohi ʻa Molomoná ke akoʻi kitautolu fekauʻaki mo Sīsū Kalaisi. ʻI he ʻaʻahi ʻa Sīsū ki he kau Nīfaí, naʻá Ne vahevahe ʻa e ngaahi lea ʻa ʻĪsaiá. Naʻá Ne kole mai ke tau ako kinautolu. ʻI heʻetau ako ʻa e ngaahi lea ʻa ʻĪsaiá, te tau lava ʻo ongoʻi ʻa e ʻofa ʻa e Fakamoʻuí pea tau ofi ange ai kiate Ia.
Tukupā ʻo e Folofolá
-
Lau ʻa e 2 Nīfai 19:6. Ko e ngaahi huafa ʻe fiha kia Sīsū ʻoku ʻi he veesi ko ʻení?
-
Ko e hā ʻa e monumanu naʻe hā mai ke fakahaaʻi naʻe ʻi he papitaiso ʻo e Fakamoʻuí ʻa e Laumālie Māʻoniʻoní? Tokoni: 2 Nīfai 31:8
-
Ko hai ʻe toetuʻú? Tokoni: ʻAlamā 11:44
ʻOku Ou Lava ʻo Lau ʻa e Tohi ʻa Molomoná!
Hili hoʻo laú, valivali ha konga ʻo e fakatātaá. Te ke lava ʻo lau ʻa e ngaahi potufolofola ko ʻeni ʻoku fekauʻaki mo e laukonga ʻo e uike takitaha mei he Haʻu, ʻo Muimui ʻIate Au:
-
Uike 1: 2 Nīfai 11:2
-
Uike 2: 2 Nīfai 24:3
-
Uike 3: 2 Nīfai 26:23–24
-
Uike 4: 2 Nīfai 32:5
-
Uike 5: 2 Nīfai 9:13
Ngaahi tā fakatātā ʻa Ben Simonsen