“Mālō e Lelei mei Pāpua Niu Kini!” Ko e Kaumeʻá, Māʻasi 2024, 8–9.
Mālō e Lelei mei Pāpua Niu Kini!
Ako fekauʻaki mo e fānau ʻa e Tamai Hēvaní ʻi he funga ʻo e māmaní.
Ko Pāpua Niu Kiní ko ha motu ia ʻi he Tahi Pasifikí. ʻOkú ne kāpui ʻa e vaheua ʻe taha ʻo e motu ko Niu Kiní. ʻOku laka hake ʻi he kakai ʻe 8 milioná ʻoku nofo ʻi aí!
Ngaahi Lea Fakafonuá
ʻOku lahi ange ʻa e ngaahi lea fakafonua ʻoku maʻu ʻe Pāpua Niu Kiní ʻi ha toe fonua ʻi he māmaní—ʻoku fakafuofua ki ha lea fakafonua nai ʻe 840!
Ngaahi falelotú
ʻOku faʻa hoko ha ngaahi tāfea ʻi Pāpua Niu Kini. ʻOku langa leva ʻa e ngaahi fale ʻo e siasí ʻo fakapou ki ʻolunga. ʻI he hoko mai ʻa e tāfeá, ʻe lava ʻa e kāingalotú ʻo ʻaʻalo honau ngaahi pōpaó ʻo aʻu ki he matapaá!
Fanga Manupuna ʻi he Vaotaá
Ko e fanga manupuna ʻo palataisí ko ha fanga manupuna vaotā mā kinautolu. ʻOku maʻu ʻe he fanga manupuna tangatá ha kapakau fakaʻofoʻofa mo lanu kehekehe. ʻOku ʻi he fuka ʻo e fonuá ha foʻi manupuna Lākaiana ʻo palataisí.
Sing-Sings (Singi-singi)
ʻOku fakataha ʻa e ngaahi haʻa ʻi Pāpua Niu Kiní ke hiva, hulohula, vahevahe ʻa e ngaahi tukufakaholó, mo fakakaungāmeʻa. ʻOku laka hake ʻi he haʻa ʻe 100 ʻoku nau kau ʻi he polokalama singi-singi lahi tahá ʻi he taʻu kotoa pē!
Ngaahi tā fakatātā ‘a Zhen Liu