“Ko e Hā ʻa e Meʻa ʻOkú Ke Fakakaukau Ki Aí?” Ko e Kaumeʻá, Māʻasi 2024, 38.
Konga maʻá e Fānau Lalahi Angé
Ko e Hā ʻa e Meʻa ʻOkú Ke Fakakaukau Ki Aí?
Ko e hā ʻoku fuʻu mahuʻinga ai ʻa e meʻa ʻoku ou sio pe fanongo ki aí? ʻOku ʻikai ke ne fakamamahiʻi ha taha.
—Ko ha Tokotaha ʻi Helenesikī ʻOku ʻIkai Fakatuʻutāmaki
Tā fakatātā ʻa Shawna J. C. Tenney
Siʻi Tokotaha ʻIkai Fakatuʻutāmaki,
Ko e meʻa kotoa pē ʻokú ke sio pe fanongo ki ai ʻokú ne liliu ʻa e anga hoʻo fakakaukaú, ongó, mo e tōʻongá. Pea ʻokú ne liliu ho kahaʻú.
Ke aʻusia ʻa e tuʻunga lelei taha te ke aʻusiá, mamata mo fanogno ki he ngaahi meʻa lelei tahá. ʻOku akoʻi kitautolu ke tau fekumi ki he ngaahi meʻa ʻoku “māʻoniʻoni, fakaʻofoʻofa, pe ongoongo lelei pe feʻunga mo hono vīkivikiʻí” (Ngaahi Tefito ʻo e Tuí 1:13). Pea te tau lava ʻo ʻiloʻi ʻoku lelei ha meʻa kapau ʻokú ne ngaohi kitautolu ke tau fakahoko ha ngāue lelei pea “ke tui kia Kalaisi” (Molonai 7:16). Ko e meʻa ʻokú ke sio pe fanongo ki aí ʻoku fuʻu mahuʻinga koeʻuhí he ʻokú ke fuʻu mahuʻinga.
ʻOfa atu,
Ko e Kaumeʻá
Lisi Vakaiʻi ʻo e Mītia Leleí
Fakaʻaongaʻi ʻa e lisi vakaiʻi ko ʻení ke fakapapauʻi ʻokú ke ʻave ki ho ʻatamaí ʻa e ngaahi mītia fakaʻofoʻofá pē!
-
ʻOku langaki moʻui mo tokoni ia ke u ongoʻi loto-fiemālie.
-
ʻOkú ne akoʻi mai ʻa e ngaahi meʻa leleí.
-
ʻOkú ne tokoniʻi au ke u fie talangofua ki he ngaahi fekau ʻa e ʻOtuá.
-
ʻOkú ne ueʻi au ke fakahoko ha ngaahi meʻa lelei.
-
ʻOku fakaʻapaʻapa pea tatau mo e ngaahi tuʻunga moʻui hoku fāmilí.