“Ko e Muimui ʻia Sīsū ʻi Pāpua Niu Kiní,” Ko e Kaumeʻá, Māʻasi 2024, 6–7.
Ko e Muimui ʻia Sīsū ʻi Pāpua Niu Kiní
Fekauʻaki mo ʻEuiní
Taʻu: 7
Mei he: Vahefonua Lotolotó, Pāpua Niu Kini
Ngaahi lea fakafonuá: Faka-Pilitānia mo e Faka-Tōki Pisini
Ngaahi Taumuʻá: 1) Pailate ʻi ha vakapuna. 2) Hoko ko ha faifekau.
Ngaahi Meʻa ʻOkú ne Manako Aí: Hulohulá mo e taumātaʻú
Fāmilí: Mami, Teti, mo ha taʻokete ʻe toko tolu, mo ha tuofefine ʻe toko taha
Ko e Anga ʻo e Muimui ʻa ʻEuini kia Sīsuú
ʻOku muimui ʻa ʻEiuini kia Sīsū ʻaki ʻene tokoni ki he kakai toulekeleka ʻi hono koló. ʻOkú ne tokoni ke fakamaʻa honau lotoʻataʻataá pea ʻave mo ʻenau meʻakai. ʻOkú ne pehē, “ʻOku ou fiefia ʻi he taimi ʻoku ou tokoni ai kiate kinautolú. ʻOku ou fie tokoni lahi ange.”
ʻOku muimui foki ʻa ʻEuini kia Sīsū ʻaki ʻene lotu ki he Tamai Hēvaní. ʻOkú ne pehē, “ʻI he taimi ʻoku ou lotu aí, ʻoku ou ongoʻi hangē ʻoku kau mo au ʻa e ʻOtuá.”
Naʻe lotu ʻa ʻEuini ʻo kole ki he Tamai Hēvaní ke tokoniʻi hono fāmilí ke nau fakataha ʻo taʻengata. Naʻe ʻalu ʻa ʻEuini mo hono fāmilí ki he temipale ʻi Tongá ke nau sila ko ha fāmili. ʻOkú ne pehē, “Naʻá ku ongoʻi ʻa e Laumālié ʻi loto ʻi he temipalé. Naʻe mātuʻaki nonga mo lōngonoa ʻaupito.”
Ngaahi Meʻa ʻOku Manako Taha ai ʻa ʻEuiní
Talanoa ʻo e Tohi ʻa Molomoná: Ko e taimi naʻe foʻu ai ʻe Nīfai ha vaká (vakai, 1 Nīfai 17–18)
Tukufakaholo fakafāmilí: Ko hono tānaki fakataha kotoa ʻa e fāmilí ʻi he koló ke nau kai fakataha
Fuaʻiʻakaú: ʻĀpele
Lanú: Kulokula
Hiva Palaimelí: “Fānau Au ʻa e ʻOtuá” (Tohi Hiva ʻa e Fānaú, 193)
Ko ʻEuini mo hono fāmilí ʻi he Temipale Nukuʻalofa Tongá.
Ngaahi tā fakatātā ʻa Mina Price