« មិត្តវ័យក្មេងជាទីស្រឡាញ់របស់យើងអើយ » ប្រិយមិត្ត ខែ សីហា ឆ្នាំ ២០២៣ ទំព័រ ១ ។
មិត្តវ័យក្មេងជាទីស្រឡាញ់របស់យើងអើយ
យើងសង្ឃឹមថាចៅៗនឹងរីករាយនឹងលេខពិសេសនៃទស្សនាវដ្ដី ប្រិយមិត្ត នេះ ។ ពេញមួយច្បាប់នេះគឺផ្ដោតទៅលើពិធីបុណ្យជ្រមុជទឹក និងពិធីបញ្ជាក់ ។
ប្រសិនបើចៅៗទើបតែបានទទួលបុណ្យជ្រមុជទឹក នោះយើងសូមស្វាគមន៍ចៅៗជាសមាជិកថ្មីនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ !
នៅពេលចៅៗទទួលពិធីបុណ្យជ្រមុជទឹក នោះចៅៗកំពុងធ្វើតាមគំរូនៃព្រះអង្គសង្រ្គោះរបស់យើងគឺព្រះយេស៊ូវគ្រីស្ទ ។ ចៅៗសន្យាថានឹងចងចាំព្រះអង្គសង្រ្គោះ ហើយរក្សាបញ្ញត្តិរបស់ទ្រង់ ។ ការសន្យាទាំងនេះហៅថាសេចក្តីសញ្ញា ។ នៅពេលចៅៗបានទទួលពិធីបញ្ជាក់ នោះគឺចៅៗទទួលអំណោយទាននៃព្រះវិញ្ញាណបរិសុទ្ធ ។ ព្រះវិញ្ញាណបរិសុទ្ធអាចលួងលោម ដឹកនាំ និងបំផុសគំនិតចៅៗពេញមួយជីវិត ។
ប្រសិនបើចៅៗបានទទួលពិធីបុណ្យជ្រមុជទឹករួចហើយ យើងសូមលើកទឹកចិត្តចៅៗឲ្យចងចាំសេចក្ដីសញ្ញាដែលចៅៗបានធ្វើនៅឯពិធីបុណ្យជ្រមុជទឹក ហើយព្យាយាមធ្វើតាមព្រះយេស៊ូវជារៀងរាល់ថ្ងៃ ។
ប្រសិនបើចៅៗមិនទាន់បានទទួលពិធីបុណ្យជ្រមុជទឹកនៅឡើយទេ យើងសង្ឃឹមថាចៅៗនឹងត្រៀមខ្លួនដោយរៀនបន្ថែមទៀតអំពីជំហានដ៏សំខាន់នេះ ។
យើងមានមោទនភាពយ៉ាងខ្លាំងចំពោះចៅម្នាក់ៗ ។ យើងដឹថា ព្រះវរបិតាសួគ៌កំពុងទតមើលចៅៗ ។ ទ្រង់ស្រឡាញ់ចៅៗខ្លាំងណាស់ ហើយពួកយើងក៏ដូច្នោះដែរ ។
គណៈប្រធានទីមួយ