« ចូរមកតាមខ្ញុំ សកម្មភាពនានា » ប្រិយមិត្ត ខែ ឧសភា ឆ្នាំ ២០២៣ ទំព័រ ១០–១១ ។
សកម្មភាព ចូរមកតាមខ្ញុំ
សម្រាប់រាត្រីជួបជុំក្រុមគ្រួសារ ការសិក្សាព្រះគម្ពីរ ឬគ្រាន់តែសម្រាប់ភាពរីករាយ !
ការបង្ហាញអំណរគុណ
រចនារូបភាពដោយ ខាធី ដុកគ្រីល
សម្រាប់ លូកា ១២–១៧; យ៉ូហាន ១១
ដំណើររឿង ៖ សូមអានដំណើររឿង « បុរសចេះដឹងគុណម្នាក់ » នៅលើទំព័រ ៤៦ ។ តើអ្នកអាចបង្ហាញការដឹងគុណដោយរបៀបណា ?
ចម្រៀង ៖ « អរគុណព្រះបិតា » ( សៀវភៅចម្រៀងកុមារ ទំព័រ ១៥ )
សកម្មភាព ៖ កាត់ក្រដាស ១០ កង់ ។ នៅលើកង់នីមួយៗ សូមសរសេររឿងមួយដែលអ្នកមានអំណរគុណចំពោះ ។ ចងកង់ជាប់គ្នា និងបិទកាវ ឬបិទស្កុតនៅចុងជាមួយគ្នាដើម្បីបង្កើតជាច្រវ៉ាក់ ព្យួរច្រវ៉ាក់អំណរគុណរបស់អ្នកនៅកន្លែងណាមួយដែលអ្នកនឹងឃើញវាជាញឹកញាប់ ។
កំពូលវីរបុរសធ្វើការបម្រើ
សម្រាប់ ម៉ាថាយ ១៩–២០; ម៉ាកុស ១០; លូកា ១៨
ដំណើររឿង ៖ ព្រះយេស៊ូវគ្រីស្ទបានបង្រៀនថា យើងគួរជួយមនុស្សដែលខ្វះខាត ( សូមមើល ម៉ាកុស ១០:១៧–២២ ) ។ សូមអាន « សត្វទីទុយ និងសត្វអ័រកា » នៅលើទំព័រ ៨ ដើម្បីរៀនពីរបៀបដែលក្មេងប្រុសម្នាក់ឈ្មោះ ដាយធឺ បានធ្វើតាមព្រះយេស៊ូវ ។
ចម្រៀង ៖ « រក្សាបទបញ្ញត្តិ » ( សៀវភៅចម្រៀងកុមារ ទំព័រ ៦៨–៦៩ )
សកម្មភាព ៖ សូមចូលទៅកាន់ ទំព័រ ១២ និងធ្វើដូចជាកំពូលវីរបុរសដែលធ្វើការបម្រើ !
ដើមឈើចេះស្តាប់
សម្រាប់ ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
ដំណើររឿង ៖ លោក សាខេ ចង់ឃើញព្រះយេស៊ូវ ប៉ុន្តែហ្វូងមនុស្សបានបាំងមិនឲ្យលោកឃើញ ។ លោក សាខេ បានឡើងលើដើមឈើដើម្បីលោកអាចមើលឃើញ និងឮព្រះយេស៊ូវបានប្រសើរជាង ។ ( សូមមើល លូកា ១៩:២–៨ ) ។
ចម្រៀង ៖ « If I Listen with My Heart » ( តន្រ្តីសម្រាប់កុមារ នៅលើគេហទំព័រ ChurchofJesusChrist.org )
សកម្មភាព ៖ ធ្វើដើមឈើពីបាតដៃ ! នៅលើសន្លឹកក្រដាស សូមដានរូបបាតដៃ និងដៃរបស់អ្នក ។ ដៃរបស់អ្នកនឹងធ្វើជាគល់ ហើយម្រាមដៃរបស់អ្នកនឹងធ្វើជាមែក ។ នៅជុំវិញមែក សរសេរ ឬគូរពីរបៀបដែលអ្នកអាចស្តាប់ព្រះយេស៊ូវ ។
ធ្វើជាអ្នកផ្សព្វផ្សាយសាសនាឥឡូវនេះ
សម្រាប់ យ៉ូសែប ស្ម៊ីធ—ម៉ាថាយ ១; ម៉ាថាយ ២៤–២៥; ម៉ាកុស ១២–១៣; លូកា ២១
ដំណើររឿង ៖ ព្រះយេស៊ូវគ្រីស្ទបានមានព្រះបន្ទូលថា មុនពេលទ្រង់យាងមកជាថ្មីម្តងទៀត ដំណឹងល្អនឹងត្រូវផ្សព្វផ្សាយដល់ពិភពលោកទាំងអស់ ( សូមមើល យ៉ូសែប ស្ម៊ីធ—ម៉ាថាយ ១:៣១ ) ។ យើងអាចជួយត្រៀមរៀបចំសម្រាប់ការយាងមកជាលើកទីពីរ ដោយការចែកចាយដំណឹងល្អជាមួយអ្នកដទៃ ។
ចម្រៀង ៖ « ខ្ញុំសង្ឃឹមគេហៅខ្ញុំទៅបម្រើ » ( សៀវភៅចម្រៀងកុមារ ទំព័រ ៩១ )
សកម្មភាព៖ សូមធ្វើស្លាកឈ្មោះអ្នកផ្សព្វផ្សាយសាសនារបស់អ្នកផ្ទាល់ ! សូមសរសេរឈ្មោះរបស់អ្នកនៅលើសន្លឹកក្រដាស ហើយកាត់វាចេញ ។ នៅខាងក្រោយ សូមសេរសេរអ្វីមួយដែលអ្នកអាចធ្វើដើម្បីចែកចាយដំណឹងល្អឥឡូវនេះ ។ ខ្ទាស់ ឬបិទឈ្មោះរបស់អ្នកនៅលើអាវរបស់អ្នក ។
ជើងបម្រើ
សម្រាប់ ម៉ាថាយ ២៦; ម៉ាកុស ១៤; យ៉ូហាន ១៣
ដំណើររឿង ៖ ព្រះយេស៊ូវគ្រីស្ទបានលាងជើងរបស់សាវកទ្រង់ ( សូមមើល យ៉ូហាន ១៣:៤–១៦ ) ។ ទ្រង់ស្រឡាញ់ពួកគេ ហើយចង់បម្រើពួកគេ ។ ព្រះយេស៊ូវបានប្រាប់ពួកគេឲ្យធ្វើតាមគំរូ និងបម្រើគ្នាទៅវិញទៅមក ។
បទចម្រៀង ៖ « អូរតូចនិយាយថា ‹ ឲ្យ › » ( សៀវភៅចម្រៀងកុមារ ទំព័រ ១១៦ )
សកម្មភាព ៖ លេងល្បែងធ្វើការបម្រើនេះ ។ មនុស្សគ្រប់គ្នាអង្គុយនៅលើជើងជារាងរង្វង់ ។ អ្នកលេងម្នាក់ជ្រើសរើសលេខមួយ ។ ចាប់ផ្តើមជាមួយជើងរបស់ពួកគេ អ្នកលេងចង្អុលទៅជើងនីមួយៗនៅក្នុងរង្វង់ ហើយរាប់ថយក្រោយរហូតដល់ពួកគេរាប់ដល់លេខ « មួយ » ។ ជើងលេខ « មួយ » ចេញ ។ បន្ទាប់មកអ្នកលេងនោះរើសលេខ ហើយរាប់ថយក្រោយ ។ អ្នកចុងក្រោយដែលមានជើងនៅក្នុងរង្វង់រើសសកម្មភាពបម្រើសម្រាប់ឲ្យក្រុមធ្វើ ។