« ចម្លើយអំពីព្រះវិហារបរិសុទ្ធ » ប្រិយមិត្ត ខែ ឧសភា ឆ្នាំ ២០២៣ ទំព័រ ៣៨–៣៩ ។
ចម្លើយអំពីព្រះវិហារបរិសុទ្ធ
តើនៅខាងក្នុងព្រះវិហារបរិសុទ្ធមានសភាពបែបណា ?
ព្រះវិហារបរិសុទ្ធគឺជាដំណាក់របស់ព្រះអម្ចាស់ ។ វាស្អាតបាត និងស្រស់ស្អាតនៅខាងក្នុង ។ មនុស្សគ្រប់គ្នាស្លៀកពាក់ស ហើយព្យាយាមមានគារវភាព ។ វាជាកន្លែងដែលសុខសាន្តដើម្បីថ្វាយបង្គំព្រះ រៀន និងទទួលអារម្មណ៍ពីក្តីស្រឡាញ់របស់ព្រះអម្ចាស់ តាមរយៈព្រះវិញ្ញាណបរិសុទ្ធ ។
តើមនុស្សធ្វើអ្វីនៅក្នុងព្រះវិហារបរិសុទ្ធ ?
នៅក្នុងព្រះវិហារបរិសុទ្ធ យើងរៀនពីផែនការរបស់ព្រះ ហើយធ្វើ សេចក្តីសញ្ញា ជាមួយទ្រង់ ។ យើងធ្វើការណ៍នេះ ដោយការធ្វើចំណែកនៅក្នុង ពិធីបរិសុទ្ធនានា ដូចជាពិធីបុណ្យជ្រមុជទឹក ពិធីបញ្ជាក់ និងការផ្សារភ្ជាប់នៅក្នុងក្រុមគ្រួសារ ។
តើខ្ញុំស្លៀកពាក់យ៉ាងដូចម្តេចពេលទៅព្រះវិហារបរិសុទ្ធ ?
អ្នកគួរតែពាក់សម្លៀកបំពាក់ដែលល្អជាងគេរបស់អ្នកពេលទៅព្រះវិហារបរិសុទ្ធ ។ នៅពេលអ្នកនៅខាងក្នុង ប្អូននឹងប្តូរទៅសម្លៀកបំពាក់ពិសេសដើម្បីធ្វើពិធីបរិសុទ្ធ ។ សម្រាប់ពិធីបុណ្យជ្រមុជទឹក អ្នកធ្វើការនៅក្នុងព្រះវិហារបរិសុទ្ធនឹងឲ្យអ្នកពាក់រ៉ូបពណ៌ស ។
តើអ្វីទៅជាប័ណ្ណចូលក្នុងព្រះវិហារបរិសុទ្ធ ?
ប័ណ្ណចូលព្រះវិហារបរិសុទ្ធគឺជាក្រដាសតូចមួយដែលអនុញ្ញាតឲ្យអ្នកចូលទៅក្នុងព្រះវិហារបរិសុទ្ធ ។ អ្នកអាចទទួលបានប័ណ្ណមួយពីសមាជិកគណៈប៊ីស្សព ឬគណៈប្រធានសាខារបស់អ្នក ។ គាត់នឹងសួរសំណួរអ្នក ប្រសិនបើប្អូនរក្សាបទបញ្ញត្តិទាំងឡាយ ហើយប្រសិនបើអ្នកមានទីបន្ទាល់ ។ ប្រសិនបើអ្នកមានភាពស័ក្តិសម ហើយត្រៀមខ្លួនចូលព្រះវិហារបរិសុទ្ធ នោះគាត់នឹងផ្តល់ប័ណ្ណចូលព្រះវិហារបរិសុទ្ធមួយឲ្យអ្នក ។
តើវាមានន័យដូចម្តេចដើម្បីធ្វើពិធីបុណ្យជ្រមុជទឹកឲ្យមរណជន ?
នៅក្នុងព្រះវិហារបរិសុទ្ធ អ្នកអាចធ្វើពិធីបុណ្យជ្រមុជទឹកសម្រាប់អ្នកដែលបានស្លាប់ទៅដោយពុំបានទទួលបុណ្យជ្រមុជទឹក ។ អ្នកនឹងស្លៀកពាក់ពណ៌ស ហើយជ្រមុជចូលទៅក្នុងទឹក ( ចូលទៅក្នុងទឹក ) ។
រចនារូបភាពដោយ ស៊ីមីនី ប្លកឃើរ