« ការធ្វើតាមព្រះយេស៊ូវនៅកាប់ វែរ » ប្រិយមិត្ត ខែ ឧសភា ឆ្នាំ ២០២៣ ទំព័រ ២០–២១ ។
ការធ្វើតាមព្រះយេស៊ូវនៅ កាប់ វែរ
ជួបជាមួយ រ៉ាសា !
អំពីរ៉ាសា
អាយុ ៖ ១១ឆ្នាំ
មកពី ៖ កោះ សានទីអាហ្គោ កាប់ វែរ
ភាសា ៖ ព័រទុយហ្កាល់
គោលដៅ និងក្តីសុបិន្ត ៖ រៀបការនៅក្នុងព្រះវិហារបរិសុទ្ធ ហើយមានគ្រួសាររបស់នាងផ្ទាល់
គ្រួសារ ៖ រ៉ាសា ម៉ាក់ ប៉ា និងបងស្រីពីរនាក់
របៀបដែលរ៉ាសា ធ្វើតាមព្រះយេស៊ូវ
នៅពេលនាងមាន អាយុប្រាំឆ្នាំ រ៉ាសា និងគ្រួសាររបស់នាងបានរកមើលព្រះវិហារដើម្បីចូលរួម ។ លើកដំបូងដែលពួកគេបានទៅសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ពួកគេមានអារម្មណ៍ថា ពួកគេគឺជាចំណែកនៅទីនោះ ។ រ៉ាសា ចូលចិត្តអង្គការបឋមសិក្សា ។ គ្រួសាររបស់នាងបានជ្រមុជទឹក ។ ហើយ រ៉ាសា ចូលចិត្តរាត្រីជួបជុំក្រុមគ្រួសាររាល់សប្តាហ៍ ។
នៅពេល រ៉ាសា មានអាយុប្រាំមួយឆ្នាំ នាង និងគ្រួសារបានផ្សារភ្ជាប់នៅព្រះវិហារបរិសុទ្ធទីក្រុង រេស៊ីហ្វេ ប្រទេសប្រស៊ីល ។
ថ្មីៗនេះ រ៉ាសា បានទៅចូលរួមការបើកសម្ពោធព្រះវិហារបរិសុទ្ធ ប្រៃអា កាប់ វែរ ។ នាងនិយាយថា ៖ « ខ្ញុំបានធ្វើអ្វីៗដែលសំខាន់ដើម្បីត្រៀមខ្លួនទៅព្រះវិហារបរិសុទ្ធដូចជា អធិស្ឋាន ទៅព្រះវិហារ សិក្សាព្រះគម្ពីរ និងរៀនសូត្រដំណឹងល្អ » ។
បន្ទាប់ពីព្រះវិហារបានឧទ្ទិសឆ្លងរួច នាងអាចធ្វើពិធីជ្រមុជទឹកសម្រាប់បុព្វការីជនរបស់នាងដែលទទួលមរណភាពដោយមិនស្គាល់ពីដំណឹងល្អ ។ នាងនិយាយថា « ព្រះវិហារបរិសុទ្ធនេះស្រស់ស្អាតណាស់ » ។
ចំណង់ចំណូលចិត្តរបស់ រ៉ាសា
ទីកន្លែង ៖ អគារព្រះវិហារ
ព្រះគម្ពីរ ៖ នីហ្វៃទី១ ៣:៧
ផ្លែឈើ ឬបន្លែ ៖ ទំពាំងបាយូរ
ពណ៌ ៖ ពណ៌ស្វាយ
មុខវិជ្ជានៅសាលា ៖ គណិតវិទ្យា
រចនារូបភាពដោយ មេលីសា មែនវីល