« ព្រះយេស៊ូវបង្រៀននៅក្នុងព្រះវិហារបរិសុទ្ធ » ប្រិយមិត្ត ខែ ឧសភា ឆ្នាំ ២០២៣ ទំព័រ ២៤–២៥ ។
ដំណើររឿងអំពីព្រះយេស៊ូវ
ព្រះយេស៊ូវបង្រៀននៅក្នុងព្រះវិហារបរិសុទ្ធ
សូមហែកទំព័រនេះចេញ ហើយបត់វាជាពីរ ។ បន្ទាប់មកសូមលើករូបភាពឡើងនៅពេលប្អូននិទានរឿងនោះ ។
នៅពេលព្រះយេស៊ូវគ្រីស្ទមានព្រះជន្ម ១២ ឆ្នាំ ទ្រង់បានយាងទៅយេរ៉ូសាឡិមជាមួយ ម៉ារា និងយ៉ូសែប ។
នៅតាមផ្លូវទៅផ្ទះ ម៉ារា និងយ៉ូសែប បានដឹងថា ព្រះយេស៊ូវមិនបានគង់នៅជាមួយពួកលោកនោះទេ ។ ពួកលោកបានប្រញាប់ប្រញាលត្រឡប់ទៅយេរ៉ូសាឡិមវិញដើម្បីស្វែងរកទ្រង់ ។
ម៉ារា និងយ៉ូសែប បានរកទ្រង់គ្រប់ទិសទី ។ ទីបំផុត ពួកលោកបានរកព្រះយេស៊ូវឃើញនៅក្នុងព្រះវិហារបរិសុទ្ធ ។ ទ្រង់កំពុងបង្រៀនមនុស្ស ហើយឆ្លើយសំណួររបស់ពួកគេ ។ មនុស្សគ្រប់គ្នាមានចិត្តស្ងប់ស្ងែងពីរបៀបដែលទ្រង់បានជ្រាបដឹងអំពីដំណឹងល្អ ។ ព្រះយេស៊ូវគ្រីស្ទបានធ្វើកិច្ចការរបស់ព្រះវរបិតាសួគ៌ សូម្បីតែទ្រង់នៅតូចក្តី ។
យើងអាចជួយធ្វើកិច្ចការរបស់ព្រះវរបិតាសួគ៌ផងដែរ ។ ខ្ញុំអាចចែកចាយដំណឹងល្អ ។ ខ្ញុំអាចរៀនអំពីព្រះវិហារបរិសុទ្ធ ។ អ្វីៗទាំងនេះនឹងជួយយើងរៀន ហើយរីកចម្រើនដូចជាព្រះយេស៊ូវ ។