« កំណត់ចំណាំសន្និសីទ » ប្រិយមិត្ត ខែ ឧសភា ឆ្នាំ ២០២៣ ទំព័រ ៥ ។
កំណត់ចំណាំសន្និសីទ
រូបភាពរចនាដោយ ចស ថាលបូត
យើងជឿលើព្រះគ្រីស្ទ
ប្រធាន អូក បានមានប្រសាសន៍ថា យើងជឿលើព្រះយេស៊ូវគ្រីស្ទ ។ លោកបានអានបទគម្ពីរជាច្រើនអំពីអ្វីដែលព្រះយេស៊ូវបានមានព្រះបន្ទូលក្នុងអំឡុងព្រះជន្មរបស់ទ្រង់ និងពេលដែលទ្រង់បានទៅសួរសុខទុក្ខពួកនីហ្វៃ ។ យើងគួរសិក្សាព្រះបន្ទូលរបស់ព្រះយេស៊ូវ ដើម្បីណែនាំយើងក្នុងជីវិតរបស់យើង ។
ការណ៍នេះបង្រៀនខ្ញុំ ៖
ជាមួយព្រះយេស៊ូវម្ដងទៀត
អែលឌើរ ស្ទីវ៉ែនសុន បានប្រាប់អំពីក្មេងស្រីពីរនាក់ដែលម្ដាយមីងរបស់ពួកគេបានស្លាប់ ។ ស៊ីស្ទើរ លីស្សា ភរិយារបស់អែលឌើរ ស្ទីវ៉ែនសុន បានសួរពីសុខទុក្ខពួកគេ ។ ពួកគេកើតទុក្ខ តែពួកគេបានចែកចាយទីបន្ទាល់របស់ពួកគេជាមួយគាត់ ។ ពួកគេដឹងថាម្ដាយមីងរបស់ពួកគេសប្បាយចិត្ត ហើយប្រហែលនៅជាមួយព្រះយេស៊ូវ ។ សេចក្ដីជំនឿលើព្រះយេស៊ូវគ្រីស្ទ និងជីវិតអស់កល្បជានិច្ចបានលួងលោមយើង ។
ការណ៍នេះបង្រៀនខ្ញុំ ៖
ទីបន្ទាល់នៅលើឡានក្រុង
អែលឌើរ ខ័របីត បានមានប្រសាសន៍អំពីស្ត្រីម្នាក់ដែលគាត់បាននិយាយជាមួយនៅលើរថយន្តក្រុង ។ នាងបានសួរថា ហេតុអ្វីបានជាគាត់ជឿលើព្រះយេស៊ូវគ្រីស្ទ ។ គាត់មិនប្រាកដថាត្រូវនិយាយនោះអ្វីទេ ។ បន្ទាប់មកគាត់បានសម្រេចចិត្តផ្តោតអារម្មណ៍ទៅលើអ្វីដែលសំខាន់បំផុត ។ លោកបានប្រាប់នាងថា យើងត្រូវការព្រះយេស៊ូវដើម្បីជួយយើងឲ្យត្រឡប់ទៅកាន់ព្រះវរបិតាសួគ៌វិញ ។ យើងក៏អាចចែកចាយទីបន្ទាល់របស់យើងផងដែរ ។
ការណ៍នេះបង្រៀនខ្ញុំ ៖
ការស្ពាយដុំថ្ម
ស៊ីស្ទើរ ចនសុន បានចែកចាយពីរបៀបដែលរឿងលំបាកក្នុងជីវិតហាក់ដូចជាការស្ពាយកាបូបដែលមានដុំថ្មពេញ ។ យើងស្ពាយថ្មដោយសារតែអំពើបាបរបស់យើង ទង្វើមិនល្អរបស់អ្នកដទៃ និងឧបសគ្គក្នុងជីវិត ។ ព្រះយេស៊ូវគ្រីស្ទជួយដកបន្ទុកពីកាបូបរបស់យើងចេញ ប្រសិនបើយើងបែរទៅរកទ្រង់ ។ យើងក៏អាចជួយសម្រាលកាបូបរបស់អ្នកដទៃផងដែរ តាមរយៈការយកចិត្តទុកដាក់ចំពោះពួកគេដូចដែលព្រះយេស៊ូវនឹងធ្វើ ។
ការណ៍នេះបង្រៀនខ្ញុំ ៖