1 Ket agdagup dagiti aldaw ni Enoc iti uppat a gasut ken tallopulo a tawen.

2 Ket napasamak a ni ^aMatusalem, ti anak ni Enoc, saan a naala, tapno matungpal dagiti katulagan ti Apo, nga inaramidna ken ni Enoc; ta talaga nga intulagna ken ni Enoc a nasken a bunga ti lomona ni Noe.

3 Ket napasamak nga impadto ni Matusalem nga agtaud iti lomona amin dagiti pagarian iti daga (manipud ken ni Noe), ket indayawna ti bagina.

4 Ket dimteng ti dakkel a bisin iti daga, ket inlunod ti Apo ti daga iti nakaro a lunod, ket adu kadagiti agindeg ditoy ti natay.

5 Ket napasamak a nagbiag ni Matusalem iti sangagasut-ken-walopulo-ket-pito a tawen, ket pinutotna ni Lamec;

6 Ket nagbiag ni Matusalem, kalpasan ti panangputotna ken ni Lamec, iti pito-gasut-ken-walopulo-ket-dua a tawen, ket nagputot iti lallaki ken babbai;

7 Ket agdagup ti aldaw ni Matusalem iti siam-a-gasut-ken-innem-a-pulo-ket-siam a tawen, ket natay.

8 Ket nagbiag ni Lamec iti sangagasut-ken-walopulo-ket-dua a tawen, ket nangputot iti lalaki.

9 Ket ninagananna iti ^aNoe, a kinunana: Liwliwaennatayo daytoy nga anak maipanggep iti trabahotayo ken sukayen dagiti imatayo, gapu iti daga nga ^binlunod ti Apo.

10 Ket nagbiag ni Lamec, kalpasan ti panangputotna ken ni Noe, iti lima-gasut-ken-siam-a-pulo-ket-lima a tawen, ket nagputot iti lallaki ken babbai;

11 Ket agdagup ti aldaw ni Lamec iti pito-gasut-ken-pitopulo-ket-pito a tawen, ket natay.

12 Ket agtawen ni Noe iti uppat-a-gasut-ken-limapulo a tawen, ket ^apinutotna ni Jafet; ket kalpasan ti uppat-a-pulo-ket-dua a tawen pinutotna ni ^bSem iti ina ni Jafet ket idi agtawen iti lima-gasut pinutotna ni ^cHam.

13 Ket ^adimngeg da ^bNoe ken dagiti annakna a lallaki iti Apo, ket impangagda, ket naawaganda iti ^cannak ti Dios.

14 Ket idi rugian dagitoy a tao ti agpaadu iti rabaw ti daga, ket nakaipasngayda iti babbai, nakita dagiti ^alallaki nga annak ti tattao a napintas dagiti annak a babbai, ket inasawada ida, a kas man iti mapilida.

15 Ket kinuna ti Apo ken ni Noe: ^aInlako dagiti babbai nga annak dagiti annakmo a lallaki ti bagbagida; ta adtoy naaronan ti pungtotko kadagiti lallaki nga annak ti tattao, ta dida dimngeg iti timekko.

16 Ket napasamak a nagipadto ni Noe, ken insurona dagiti banag ti Dios, a kas idi punganay.

17 Ket kinuna ti Apo ken ni Noe: Saan a kanayon a ^apareggeten ti Espirituk ti tao, ta ammona a matayto amin a ^blasag; nupay kasta umabotto ti biagna iti sangagasut-ken-duapulo a tawen; ket no saan nga agbabawi dagiti tao, ^clayusekto ida.

18 Ket adda dagiti ^ahigante iti daga kadagidi nga aldaw, ket sinapulda ni Noe tapno papatayenda; ngem adda ti Apo ken ni Noe, ket adda ti ^bbileg ti Apo kenkuana.

19 Ket ^ainordenan ti Apo ni ^bNoe, iti kas iti ^curnosna, ket binilinna a mapan ket ^dipakdaarna ti Ebangheliona kadagiti annak ti tattao, a kas iti naited ken ni Enoc.

20 Ket napasamak nga inawagan ni Noe dagiti annak ti tattao a nasken nga ^aagbabawida; ngem saanda a dinengngeg dagiti balikasna;

21 Ken kasta met, a kalpasan ti pannakangngegda kenkuana, immasidegda kenkuana, a kinunada: Adtoy, dakami ti annak ti Dios; dimi kadi innala iti bagbagimi dagiti babbai nga annak ti tattao? Ken saankami kadi a ^amangmangan ken umin-inum, ken agasawa ken makiasawa? Ket ipasngayandakami dagiti assawami iti annak, a maingel met a tattao, a kas kadagiti tattao a nagkauna, tattao a naindaklan. Ket saanda a dinengngeg dagiti balikas ni Noe.

22 Ket nakita ti Dios a kimmaro ti ^akinadangkes dagiti tao iti daga; ket naitag-ay ti tunggal tao iti arapaap ti ^bpampanunot ti pusona, a dakes laeng ti agtultuloy.

23 Ket napasamak nga intuloy ni Noe ti ^anangasaba kadagiti tao, a kinunana: Dumngegkayo, ket denggenyo dagiti balikasko;

24 ^aMamatikayo ket agbabawikayo kadagiti basolyo ket ^bagpabuniagkayo iti nagan ni Jesucristo, ti Anak ti Dios, a kas kadagiti ammatayo, ket awatenyonto ti Espiritu Santo, tapno ^cmaipakitayo amin a banag; ket no saanyo nga aramiden daytoy, malayuskayo; nupay kasta saanda a dimngeg.

25 Ket nagbabawi ni Noe, ket nagpanaas ti pusona iti inaramid ti Apo iti tao iti daga, ket nagbalin a dagensen ti pusona.

26 Ket kinuna ti Apo: ^aDadaelek ti tao a pinarsuak, manipud iti rabaw ti daga, agpadpada ti tao ken ti ayup, ken dagiti agkarayam a banag, ken dagiti tumatayab; ta pinagbabawina ni Noe iti panangaramidko kadakuada, ket inaramidko ida; ket immawag kaniak; ta pinanggepda a papatayen.

27 Ket kastoy ti pannakasarak ni Noe iti ^aparabur iti imatang ti Apo; ta nalinteg a tao ni Noe, ken ^bnaan-anay iti kaputotanna; ket ^cnagna a kaduana ti Dios, a kas met kadagiti tallo a lallaki nga annakna, da Sem, Ham, ken Jafet.

28 Ket nagbalin a ^adakes ti daga iti imatang ti Dios, ket napno iti kinaranggas.

29 Ket kimmita ti Dios iti daga, ket, adtoy, nadadael, ta dinadael amin a nabiag ti wagasna iti daga.

30 Ket kinuna ti Dios ken ni Noe: Dimteng kaniak ti paggibusan ti amin a lasag, ta napno ti daga iti kinaranggas, ket adtoy ^adadaelek amin a lasag iti daga.