1 Ao ^aAtam e ongo ni bwanaan te Atua, ao e tuangiia natina mwaane bwa a na rairii nanoia.

2 Ao Atam e a manga kawara buuna, ao e bungiia natina te mwaane, ao e aranna bwa ^aTeta. Ao Atam e neboa aran te Atua; bwa e taku: Te Atua e a tia n anganai riki temanna au kariki, n onea mwiin Abera, are e kamatea Kain.

3 Ao te Atua e bon kaotia nakon Teta, ao e aki kaitara, ma e anga te ^akarea ae butimaeaki, n aron tarina are Abera. Ao nakoina naba e bungiaki te nati te mwaane, ao e aranna bwa Enoti.

4 Ao ngkanne mwaane aikai a moana ^awetean aran te Uea, ao te Uea e kakabwaiaia.

5 Ao te ^aboki ni kauring e bon kawakinaki, are e koreaki i nanona, n ana taetae Atam, bwa a anganki ni kabane ake a wetea te Atua bwa a na koroboki man ana ^bkairiiri te tamnei.

6 Ao mai irouia a reiakinaki natiia ni wareware ao ni koroboki, bwa iai aia taetae ae itiaki ao e aki baareka.

7 Ngkai te ^aNakoanibonga naba aei, are bon iai n te moan tai, e na bon iai n tokin te aonaba naba.

8 Ngkai te taeka ni burabeti aei e taekinna Atam, ngke e kairaki iroun te ^aTamnei ae Raoiroi, ao te ^bkateiriki e kawakinaki ibukiia ^cnatin te Atua. Ao bon aio te ^dboki ibukiia rooro nako iroun Atam, ae kangai: N te bong are te Atua e karika iai te aomata, e karikiia ni katootongan te Atua.

9 Ni ^akatootongan oin rabwatana, e ^bkarikiia mwaane ao aine, ao e kakabwaiaia, ao e ^carania bwa Atam, n te bong ngke a karikaki ao a riki bwa ^daomata aika maiu i aon te aba are ^ennen waen te Atua.

10 Ao ^aAtam e maiu tebubua ao tenibwi te ririki, ao e karika natina te mwaane ae katootongana, n ai ^barona, ao e aranna bwa Teeta.

11 Ao ana bong Atam, i mwin rikin Teeta, bon uanibubua te ririki, ao e karikiia natina mwaane ao aine aika mwaiti;

12 Ao ni kabane boong are e maiu iai Atam bon ruabubua ao tenibwi te ririki; ao e mate.

13 Teeta e maiu tebubua ao nimaua te ririki, ao e karika Enoti, ao e taetae ni burabeti i nanon ana bong ni kabane, ao e reireina natina te mwaane ae Enoti ana kawai te Atua; ngaia are Enoti e taetae ni burabeti naba.

14 Ao Teeta e maiu, i mwin karikan Enoti, wanibubua ao itiua te ririki, ao e karikiia natina mwaane ao aine aika mwaiti.

15 Ao natiia aomata a mwaiti i aon te aba ni kabutaa. Ao ni boong akekei Tatan e korakora ^amwaakana i buakoia aomata, ao e kauna nanoia; ao man te tai anne a roko buaka ao kawawaean te rara; ao bain te aomata e kaitara oin tarina, n tiritiri, ibukin aia ^bmwakuri aika raba, n ukoukora te mwaaka.

16 Ana bong Teeta ni kabane bon ruabubua ao tebwi ma uoua te ririki, ao e mate.

17 Ao Enoti e maiu ruabwi te ririki, ao e karika ^aKenan. Ao Enoti ao nikiraia ana aomata te Atua a nako man te aba, are e aranaki bwa Turon, ao ni maeka n te aba ni berita, are e ingoanaki i mwin oin natina te mwaane, are e aranna bwa Kenan.

18 Ao Enoti e maiu, i mwin karikan Kenan, wanibubua ao tebwi ma nimaua te ririki, ao e karikiia natina mwaane ao aine aika mwaiti. Ao ana bong ni kabane Enoti bon ruabubua ao nimaua te ririki, ao e mate.

19 Ao Kenan e maiu itibwi te ririki, ao e karika Maararera; ao Kenan e maiu i mwin karikan Maararera uanibubua ao abwi te ririiki, ao e karikiia natina mwaane ao aine. Ao ana bong ni kabane Kenan bon ruabubua ao tebwina te ririki, ao e mate.

20 Ao Maararera e maiu onobwi ma nimaua te ririki, ao e karika Iareta; ao Maararera e maiu i mwin karikan Iareta, wanibubua tenibwi te ririki, ao e karikiia natina mwaane ao aine. Ao ana bong ni kabane Maararera bon wanibubua ruabwi ma nimaua te ririki, ao e mate.

21 Ao Iareta e maiu tebubua ao onobwi ma onoua te ririki, ao e karika ^aEnoka; ao Iareta e maiu, i mwin karikan Enoka, wanibubua te ririki, ao e karikiia natina mwaane ao aine. Ao Iareta e reireina Enoka ana kawai te Atua ni kabane.

22 Ao bon aio aia kateiriki natin Atam mwaane, ae bon ^anatin te Atua, are ngaia te Atua, e marooro ma ngaia.

23 Ao bon taan ^atataekina te raoiroi, ao a taetae ao a ^btaetae ni burabeti, ao a weteia aomata ni kabaneia, n taabo nako, bwa a na ^craira nanoia; ao te ^donimaki e reiakinaki nakoia natia aomata.

24 Ao e koro bukina bwa ana bong Iareto ni kabane bon ruabubua ao onobwi ma uoua te ririki, ao e mate.

25 Ao Enoka e maiu onobwi ma nimaua te ririki, ao e karika ^aMetutera.

26 Ao e koro bukina bwa Enoka e mwananga i aon te aba, ibukoia aomata; ao ngke e mwananga Tamnein te Atua e ruo mai karawa, ao e maeka irouna.

27 Ao e ongo te bwana mai karawa, ae kangai: Enoka, ae natiu, taetae ni burabeti nakoia te botanaomata aei, ao taekina nakoia—Raira nanomi, bwa e taku te Uea: I ^aun irouia te botanaomata aei, ao uniu ae korakora e ura nakoia; bwa a moanna ni matoatoa nanoia, ao ^btaningaia aikoa ongo, ao mataia ^caikoa noora ae raroa;

28 Ao ibukia rooro aika mwaiti aikai, man te bong are I karikiia iai, a tia n ^ataonnako, ao a tia ni kaakeaai, ao a tia n ukoukouri oin aia reirei n te ro; ao n oin aia mwakuri aika bati n ribaki a tia ni bairea te tiritiri, ao aki kawakini tua, ake I anga nakon tamaia, ae Atam.

29 Mangaia are, a tia n tuea ni kewe i bon ibukiia, ao, ibukin aia ^atuea, a tia ni uota te mate nako aoia; ao ^bmoone are I a tia ni katauraoia ibukiia, ngkana a aki rairi nanoia;

30 Ao bon aio te tua, are I a tia ni kanakoa ngke e moan karikaki te aonaba, man oin wiiu, man moan kawenean aana, ao man wiia au tia mwakuri, ake ami bakatibu, I a tia ni baireia, n aron are e na kanakoaki nakon te aonaba, nako tabona nako.

31 Ao ngke e ongo taeka aikai Enoka, e bobaraki nako aontano, i matan te Uea, ao e taetae i matan te Uea, ni kangai: E aera ngkai I karekea te akoaki i matam, ao ngai bon te teinimwaane, ao a bane aomata n riribaai; bwa I ^aaki kona n taetae raoi; e aera ngkai ngai am tia mwakuri?

32 Ao e taku te Uea nakon Enoka: Waaki nako ao karaoa are I a tia n tuangko, ao akea te aomata ae e na niniko. Kauka ^awim, ao e na kanoaaki, ao N na anganiko te konabwai n taetae, bwa a bane aomata ni mena i nanon baiu, ao N na karaoa are I taku bwa e tamaroa.

33 Taekina aio nakon te botanaomata aei: Kam na ^arineia ngkami n te bong aei, bwa kam na beku ibukin te Uea ae te Atua are kariki ngkami.

34 Nooria e mena Tamneiu i aom, ngaia are am taeka ni kabane N na kariaia; ao a na mwaing ^amaunga imwaaim, ao ^bkaraanga a na bita kawaia; ao ko na mena irou, ao Ngai iroum, ngaia are ^cnakonako ma ngai.

35 Ao e taetae te Uea nakon Enoka, ao e taku nakoina: Kabiri matam n te bokaboka, ao teboki, ao ko na noraaba. Ao e karaoia.

36 Ao e nooriia ^atamnei ake a karikaki iroun te Atua; ao e noori naba bwaai aika aki kona n nooraaki n te mata n ^brabwata; ao man te tai anne are e reke te taeka n taabo nako n te aba: E a tia te Uea ni kateirakea te ^ctia mamata nakoia ana botanaomata.

37 Ao e koro bukina bwa Enoka e waaki nako n te aba, i buakoia te botanaomata, n tei i aon tabuki ao taabo aika rietata, ao e takarua n te bwana ae korakora, n taetae ni kaitarai aia mwakuri; ao aomata ni kabane a bon ^aun irouna.

38 Ao a roko n ongora irouna, n taabo aika rietata, ni kangai nakoia taan kawakini umwa n rianna: Tiiku ngkami ikai ao kawakini umwa n rianna, ngkana ti nako ikekei n nora te tia mamata, bwa e taetae ni burabeti, ao iai te bwai ae kamiimi n te aba; e a roko i buakora te aomata ae moaanti.

39 Ao e koro bukina ngke a ongora irouna, akea te aomata ae katoka baina i aona; bwa e roko te maaku i aoia ni kabaneia ake a ongora irouna; bwa e nakonako ma te Atua.

40 Ao iai te aomata ae nakoina, ae arana Mwaiita, ao e taku nakoina: Tuangira raoi bwa antai ngkoe, ao ko roko mai ia?

41 Ao e taku nakoia: I roko man te aba ae Kenan, abaia au bakatibu, aban te raoiroi ni karokoa te bong aei. Ao tamau e reireiai ana kawai te Atua ni kabane.

42 Ao e koro bukina, ngke I mwananga man te aba ae Kenan, n te marawa are i mainuku, I nora te kaotioti, ao nooria, I noori karawa, ao te Uea e taetae ma ngai, ao e anganai te tua; mangaia are, ibukin te mwakuri aei, ni kawakina te tua, I taekin taeka aikai.

43 Ao Enoka e reitanako ana taeka, ni kangai: Te Uea are e taetae ma ngai, boni ngaia naba are Atuan karawa, ao bon Atuau, ao Atuami, ao ngkami bon tariu, ao e aera ngkai kam ^areirei oin ami reirei, ma ni kaakea Atuan karawa?

44 E karaoi karawa; te ^aaonaba bon ^bnnen waena; ao aana bon ana bwai. Nooria, e kawenea aana, ao e karokoia aomata aika mwaiti nako aona.

45 Ao e roko te mate i aoia ara bakatibu; e ngae n anne ti kinaia, ao ti aki kona ni kaakeaia, ao are bon te moan mai buakoia ti ataia, bwa bon Atam.

46 Ibukin te boki ni ^akauring ti a tia ni koroia i buakora, ni kaineti nakon te banna are e anga n tabonibaina te Atua; ao e bon koreaki n oin ara taetae.

47 Ao Enoka ngke e taekini ana taeka te Atua, a ruru aomata, ao aki kona n tei i matana.

48 Ao e taku nakoia: Ibukina bwa e ^abwaka Atam, ti riki; ao man bwakana e roko te ^bmate; ao ti riki bwa taan katoonga te karawawata ao te reke ni kai.

49 Nooria Tatan e a roko i buakoia natiia aomata, ao e ^akariiria bwa a na taromauriia; ao aomata a bwaina te ^bnano n rabwata, te ^cnamakin n rabwata, ao te nano n riaboro, ao ^dkanakoaki mai matan te Atua.

50 Ma te Atua e a tia ni kaotia nakoia ara bakatibu bwa ni kabane aomata a riai n rairi nanoia.

51 Ao e wetea tamara are Atam n oin bwanaana, ni kangai: Ngai te Atua, I karika te aonaba, ao ^aaomata ^bi mwaain ae a riki n rabwata.

52 Ao e taku naba nakoina: Ngkana ko tan nakoiu, ao n ongo ni bwanaau, ao n onimaki, ao n raira nanom man riaoan tua nako, ao ni ^abwabetitoaki, n te ran, n aran Natiu ae te Rikitemanna, ae onrake n te ^bakoi ao te koaua, are bon ^cIesu Kristo, ti te ^dara are e anga i aan karawa, are e na karekea te ^ekamaiuaki nakoia natiia aomata, ko na karekea te bwaintituaraoi ae te Tamnei ae Raoiraoi, ni bubuti bwaai ni kabane n arana, ao bwaai nako ake ko bubuti, ko na bon anganaki.

53 Ao tamara are Atam e taetae nakon te Uea, ao e taku: E aera ngkai a riai n rairi nanoia aomata ao ni bwabetitoaki n te ran? Ao te Uea e taku nakon Atam: Nooria I a tia ni ^akabwarai riaoan te tua iroum n te Nne n Aroka are Eten.

54 Man aio ao e reke te taeka n taabo nako i buakoia aomata, bwa ^aNatin te Atua e a tia ni karaoa te ^bmwakuri ni kamaiu ibukin te moan bure, ike aia bure kaaro a aki kona ni katukaki i aon atuia ^cnaati, bwa a bon itiaki man te bure man moan karikan te aonaba.

55 Ao te Uea e taetae nakon Atam, ni kangai: Ngkana a teimatoa natimi ni karikaki n te bure, ao ngkana a moanna ni ikawai, a moanna ni iangoa te ^abure inanoia, ao a katoonga ^bmaona, bwa aonga n ataia bwa a na kakawakina ae raoiroi.

56 Ao e anganaki nakoia bwa a na ataa ae raoiroi man ae buakaka, ngaia are a ^ainaomata ni karaoa are a taku, ao I a tia n anga nakoimi teuana riki te tua ao te kaetieti.

57 Mangaia are reiakinna nakoia natimi, bwa aomata ni kabane, n taabo nako, a riai n ^arairi nanoia, ke a na aki kona ni karekea uean te Atua, bwa akea te ^bbwai ae bareka ae kona ni maeka ikekei, ke ni ^cmaeka i matana, bwa, n ana taetae Atam, Te ^dAomata ae Tabu bon arana, ao aran ana Rikitemanna bon ^eNatin te Aomata, are Iesu Kristo, te ^fTia Moti ae raoiroi, are e na roko i nukan te tai.

58 Ngaia are I anga nakoimi te tua, bwa kam na reirei bwaai aikai n aki tiatianna nakoia ^anatimi, ni kangai:

59 Bwa ibukin riaoan te tua e roko te bwaka, te bwaka are e uota te mate, ao ngkana kam bungiaki nakon te aonaba n te ran, ao te raraa, ao te ^atamnei, are I a tia ni karaoia, ao ni karikaki n te ^btano bwa te aomata ae maiu, e ngae n anne kam riai ni ^cmanga bungiaki nako nanon abanuean karawa, n te ^dran, ao n te Tamnei, ao ni kaitiakaki n te raraa, are raraan au Rikitemanna; bwa kam aonga ni kaitiakaki man bure nako, ao ni ^ekimwareirei n ^ftaekan te maiu ae akea tokina n te aonaba aei, ao te maiu ae akea tokina n te aonaba ae na roko, are ^gmimitongin te aki mamate.

60 Bwa man te ^aran kam kawakina te tua; man te Tamnei kam a ^bkaraoiroaki, ao man te ^crara kam a ^dkaitiakaki;

61 Ngaia are e anga bwa e na maeka inanomi; rongorongon karawa; te ^aTia Karaunano; bwain te rau ni mimitongin te aki mamate; koauan bwaai ni kabane; are e kamaiu bwaai ni kabane, are karaoia bwa a na maiu bwaai ni kabane; are e atai bwaai ni kabane, ao irouna te mwaaka ni kabane ibukin te wanawana, te nanoanga, te koaua, te motiraoi, ao te motikitaeka.

62 Ao ngkai, nooria, I kangai nakoimi: Aio bon te ^ababaire ni kamaiu nakoia aomata ni kabane, rinanon raraan au ^bRikitemanna, are e na roko i nukan te tai.

63 Ao nooria, bwaai ni kabane iai katootongaia, ao bwaai ni kabane a karikaki ao a karaoaki bwa a na ^akaota taekau, bwaai aika bwain te rabwata, ao bwaai aika bwain te tamnei ake a mena i eta i karawa, ao bwaai ake i aon te aonaba, ao bwaai ake i nanon te aonaba, ao bwaai ake i aan te aonaba, ake i eta ao i aana: ni kabane bwaai a kaota taekau.

64 Ao e koro bukina, ngke e tia n taetae te Uea ma Atam, are tamara, bwa Atam e tang nakon te Uea, ao e kairaki nako iroun ^aTamnein te Uea, ao e uotaki rikaaki nako nanon te ran, ao e kaweneaki i aan te ^bran, ao e kaotirakeaki man te ran.

65 Ao e a bwabetitoaki, ao Tamnein te Atua e ruo nako aona, ao e a ^abungiaki n te Tamnei, ao e riki ni ^bmaiu n aroaron nako te aomata.

66 Ao e ongo te bwana mai karawa, ae kangai: Ko a ^abwabetioaki n te ai, ao ma te Tamnei ae Raoiroi. Aio bon te ^bkakoaua ibukin te Tama, ao te Nati, man te tai aei ao n aki toki;

67 Ao bon ngkoe kaain ana ^akarinan teuare bon akea moan ana bong ke tokin ana ririki, man akea tokina nakon are akea tokina.

68 Nooria, ko ^akatiteuanaaki irou, natin te Atua; ao n te aro aei a kona ni bane n riki bwa ^bnatiu. Amen.