1 Ao e koro bukina bwa i mwin ae Ngai, te Uea ae te Atua, I a tia ni kakionakoia, Atam e moana kamarauan aontano, ao n ^atautaeka i aoia manin te tawana ni kabane, ao n amwarake n te kariki man maonon ramwana, n aron are Ngai te Uea I tia n tuanga. Ao Ewa naba, are buuna, e mwakuri ma ngaia.

2 Ao Atam e kawara buuna, ao buuna e ^akarika nakoina natina mwaane ao ^bnatina aine, ao a moanna ni ^ckamwaitiia ao ni kaona te aonaba.

3 Ao man te tai arei, natin Atam mwaane ao ^anatina aine a moanna ni maenako ni kakauoman n te aba, ao ni kamaraua te aba, ao ni kawakini taian nanai, ao ngaiia naba a karikia natiia mwaane ao natiia aine.

4 Ao Atam ao Ewa, are buuna, a wetea aran te Uea, ao a ongo bwanaan te Uea man te tabo are kaitara te Nne n Aroka are ^aEten, ae taetae nakoia, ao a aki nooria, bwa a kanakoaki mai ^bmatana.

5 Ao e anganiia tua, bwa a riai n ^ataromauria te Uea ae Atuaia, ao n anga ^bmoan nati n aia nanai, bwa te karea nakon te Uea. Ao Atam e ^congeaba nakon ana tua nako te Uea.

6 Ao i mwin boong aika bati e kaoti ana ^aanera te Uea nakon Atam, ao e kangai: E aera ko anga ^bkarea nakon te Uea? Ao Atam e taku nakoina: I aki ataia, ma ti ae tuangai te Uea.

7 Ao ngkanne e taetae te anera, ni kangai: Te bwai aei bon ^akatotongan ana ^bkarea ana Rikitemanna te Tama, are onrake n te ^cakoi ao te koaua.

8 Mangaia are, ko na karaoi bwaai ni kabane are ko karaoi n ^aaran te Nati, ao ko na ^braira nanom ao ni ^cwetea te Atua n aran te Nati n aki toki.

9 Ao n te bong arei te ^aTamnei ae Raoiroi e ruo nako aon Atam, are kaota koauan te Tama ao te Nati, ni kangai: Ngai te ^bRikitemanna iroun te Tama man te moan tai, ma ngkai ao n aki toki, bwa ibukin ae ko a tia ni ^cbwaka ko kona ni ^dkabooaki, ao aomata ni kabaneia, are bon ni kabane ake a tangira kabooakiia.

10 Ao n te bong arei Atam e neboa te Atua ao e ^akaonaki n te Tamnei ae Raoiroi, ao e moanna n ^btaetae ni burabeti ni kaineti ma utu ni kabaneia n te aonaba, ni kangai: E na neboaki aran te Atua, bwa ibukin riaoan te tua irou a kaukaki matau, ao n te maiu aei N na karekea te ^ckimwareirei, ao N na manga noora te Atua n te ^diriko.

11 Ao ^aEwa, are buuna, e ongo bwaai aikai ni kabane ao e kukurei, n taku: Ngke arona bwa ti aki riaon te tua ti na aki kona ni ^bkariki, ao n aki kona n ataa ae raoiroi ao ae buakaka, ao te kimwareirei ni kaboakira, ao te maiu ae akea tokina are e anga te Atua nakoia ni kabane aika ongeaba.

12 Ao Atam ao Ewa a neboa aran te Atua, ao a ^akaotii bwaai ni kabane nakoia natiia mwaane ao aine.

13 Ao ^aTatan e roko i buakoia, ni kangai: Ngai naba natin te Atua; ao e tuangiia, ni kangai: Tai kakoauaa; ao a aki ^bkakoauaa, ao a ^ctangira riki Tatan nakon te Atua. Ao aomata a moanna man te tai arei ni bwaina te ^dnano n rabwata, tangiran bwain te rabwata, ma te nano n riaboro.

14 Ao te Uea ae te Atua e taetae nakoia aomata iroun te ^aTamnei ae Raoiroi n taabo nako ma n tuangia bwa a riai n rairi nanoia;

15 Ao ni kabane ake a ^akakoauaa te Nati, ao a raira nanoia man aia bure nako, a na ^bkamaiuaki; ao ni kabane ake a aki kakoauaa ao a aki raira nanoia, a na ^ckabuakakaaki; ao taeka nako a otinako man wiin te Atua n te tua ae matoa; mangaia are a na bon kakoroaki nanoia.

16 Ao Atam ao Ewa, are buuna, a aki toki ni wetea te Atua. Ao Atam e kawara Ewa are buuna, ao e bikoukou ao e bungia ^aKain, ao e taku: I a tia ni karekea te mwaane mai iroun te Uea; mangaia are e na aki kona n totokoi ana taeka. Ma nooria, Kain e aki ongo, ao e taku: Antai te Uea bwa N na riai ni kina?

17 Ao neierei e a manga bikoukou ao e bungia tarina ae ^aAbera. Ao Abera e ^bongo ni bwanaan te Uea. Ao Abera bon te tia kawakin tiibu, ma Kain bon te tia ribana aontano.

18 Ao Kain e ^atangira riki Tatan nakon te Atua. Ao Tatan e tuangnga, ni kangai: ^bAnga karea nakon te Uea.

19 Ao i nanon waakin te tai e koro bukina bwa Kain e uota te ua man te tano bwa te karea nakon te Uea.

20 Ao Abera, e uoti naba karimoa man bunin ana nanai, ao aika marikarika mai buakoia. Ao te Uea e butimaea Abera, ao ana ^akarea.

21 Ma nakon Kain, ao ana ^akarea, e aki butimwaei. Ngkai Tatan e ata aei, ao e kukurei iai. Ao Kain e rangi n un, ao e mata nokunoku.

22 Ao te Uea e taku nakon Kain: E aera ngkai ko un? E aera ngaki ko mata nokunoku?

23 Ngkana ko karaoa ae raoiroi, ko na bon ^abutimwaeaki. Ao ngkana ko aki karaoa ae raoiroi, te bure e na tiku n te mataroa, ao Tatan e tangiria n taua taekam; ao ma ti ngkana ko ongo n au tua nako, N na anga nako ngkoe, ao e na karaoa nakoim are e bon taku. Ao ko na tautaeka i aona;

24 Bwa man te tai aei ko na riki bwa tamaia ana kewe nako; ko na aranaki bwa ^aBetetion; bwa bon iai ngkoe naba i mwaain rikin te aonaba.

25 Ao e na taekinaki n taai aika a na roko—Bwa ^amwakuri aika bati n ribaki aikai a bon reke mai iroun Kain; bwa e totokoa te reirei ae korakora riki are reke mai iroun te Atua; ao bon aio te maraia are N na katikua i aom; ma ti ngkana ko raira nanom.

26 Ao Kain e un, ao e aki manga ongo nakon bwanaan te Uea, ke nakon Abera, are tarina, are nakonako n te itiaki imatan te Uea.

27 Ao Atam ao buuna a tang i matan te Uea, ibukin Kain ao tarina.

28 Ao e koro bukina bwa Kain e anaa temanna natin tarina te aine bwa buuna, ao a ^atangira riki Tatan nakon te Atua.

29 Ao Tatan e taku nakon Kain: Tuea nakoiu ma ni buam, ao ngkana ko taekinna ko na mate; ao a na tuea tarim n atuia, ao iroun te Atua ae maiu, bwa a na aki taekinna; bwa ngkana a taekinna, a na bon mate; ao aio bwa e na aki ataia tamam, ao n te bong aei N na anga tarim ae Abera nako nanon baim.

30 Ao Tatan e tuea nakon Kain bwa e na karaoa nanon are e tuatua. Ao ni kabane bwaai aikai a karaoaki n te aro ae raba.

31 Ao Kain e taku: E koaua boni Ngai Maan, te toka i aon te aro ni karaba ae korakora aei, bwa I aonga n ^atiritiri ao ni karekea rakau. Mangaia are Kain e bon aranaki bwa te Toka ae ^bMaan, ao e kamoamoa n arona ni buakaka.

32 Ao Kain e nako nanon te tawana, ao Kain e taetae ma Abera, are tarina. Ao e koro bukina bwa ngke a mena n te tawana, Kain e teiraki n ekanako Abera, are tarina, ao e tiringnga.

33 Ao Kain e ^akamoamoa n te bwai are e tia ni karaoia, ni kangai: I a inaomata, e koaua ae ana nanai tariu a na bwakara nanoni baiu.

34 Ao te Uea e taku nakon Kain: E nga Abera, are tarim? Ao e taku: I aki ataia. Te tia ^akawakina tariu ngai?

35 Ao te Uea e taku: Tera ae ko a tia ni karaoia? Bwanaan raraan tarim e tang nakoiu mai aontano.

36 Ao ngkai ko na kamaraiaaki mai aontano are e tia ni kaurea wiina ni butimwaea raraan tarim mani baim.

37 Ngkana ko ribanaa aontano e na aki anga man te tai aei korakorana nakoim. Ko na riki bwa te ^atia birinako ao te tia tiotio nako n te aonaba.

38 Ao Kain e taku nakon te Uea: Tatan e ^akariiriai ibukin ana nanai tariu. Ao I bon un naba; bwa ko butimwaea ana karea ao tiaki au karea; rekenikaiu e korakora riki nakon are I kona ni uotia.

39 Nooria ko a tia ni kakionakoai n te bong aei mai matan te Uea, ao N na karabaaki mai matam; ao N na riki bwa te tia birinako ao te tia tiotio nako n te aonaba; ao e na koro bukina, bwa ane I reke irouna e na kamateai, ibukin au bure nako, bwa bwaai aikai aki raba mai iroun te Uea.

40 Ao Ngai te Uea I taku nakoina: Ane e kamateko, e na karekeaki kaina ae itiua te tai kamwaitana. Ao Ngai te Uea I ^akanikinaea Kain, bwa e kaawa n tiringaki iroun are e reke irouna.

41 Ao Kain e kanakoaki mai ^amatan te Uea, ao e maeka ma buuna ao tarina aika mwaiti n te aba are Nota, i mainikun Eten.

42 Ao Kain e kawara buuna, ao e bikoukou ao e bungiia Enoka, ao e karikiia naba natina mwaane ao aine aika mwaiti. Ao e katea te kaawa, ao e arana te ^akaawa ni ingoanna iroun natina, are Enoka.

43 Ao nakon Enoka e bungiaki Irata, ao tabeman riki natina mwaane ao aine. Ao Irata e karika Meuiaera, ao tabeman riki natina mwaane ao natina aine. Ao Meuiaera e karika Metutiaera, ao tabeman riki natina mwaane ao natina aine. Ao Metutiaera e karika Rameka.

44 Ao Rameka uoman buuna; aran temanna bon Ata, ao aran are temanna, Tira.

45 Ao Ata e bungia Iabara; boni ngaia tamaia naake a maeka n umwanrianna; ao bon taan kawakin maan aika manana; ao aran tarina bon Iubara, are bon tamaia ni kabane naake a katanga te abi ao te aokan.

46 Ao Tira, e bungia naba Tubara Kain, aia tia reirei taan rabakau ni karaoi bwaai man te buraati ao te biti. Ao mwanen Tubara Kain e aranaki ba Naama.

47 Ao Rameka e taku nakoia buuna, Ata ao Tira: Kakauongo ni bwanaau, ngkami buun Rameka, ongora nakon au taeka; bwa Ngai I a tia ni kamatea te aomata nakon kaikoakakiu, ao te ataeinimwaane e kaikoakai.

48 Ngkana Kain e na iraki taangana itiua te tai mwaitina, ni koauana Rameka e na iraki taangana ^aitibwi ao itiua te tai kamwaitana;

49 Bwa Rameka e tia ni karaoa ana ^aberita ma Tatan, ni katootongan are iroun Kain, ike e riki iai bwa te Toka ae Maan, te toka ibukin te aro ni karaba are korakora are baireaki nakon Kain iroun Tatan; ao Irata, natin Enoka, e ata aroia ni karaba, e a moanna ni kaotia nakoia natin Atam;

50 Mangaia are, Rameka, ibukin unna, e kamatea, tiaki n aron Kain nakon tarina are Abera, ibukin karekean te raka, ma e kamatea ibukin te berita.

51 Bwa, man ana bong Kain, bon iai te ^abotaki ni karaba ae buakaka, ao aia mwakuri a karaoaki n te ro, ao ni kabane mwaane a kinaia tariia.

52 Mangaia are te Uea e kamaraia Rameka, ao ana auti, ao ni kabane naake a berita ma Tatan; bwa a aki kawakini ana tua te Atua, ao e aki kakukureia te Atua, ao e aki buokiia, ao aia mwakuri bon mwakuri aika bati n ribaki, ao e a moanna ni butanako i buakoia ni kabane ^anatiia mwaane aomata. Ao e mena i buakoia natiia mwaane aomata.

53 Ao i buakoia natiia aomata aika aine bwaai aikai a aki taekinaki, ibukina bwa Rameka e a tia n taekina te aro ni karaba nakoia buuna, ao a bon kaitaraa, ao a katanoatai bwaai aikai n aaba nako, ao akea aia nanoanga;

54 Mangaia are Rameka e bon ribaki, ao e kakionakoaki, ao e aki nako buakoia natiia aomata, bwa e kaawa ni mate.

55 Ao ngaia are mwakuri n ^aro a moanna ni butanako i buakoia ni kabane natiia aomata.

56 Ao te Atua e kamaraia te aonaba ma te kamaraia ae rawawata, ao e bon un irouia ake a buakaka, ma natiia mwaane ni kabane aomata are e tia ni karikiia;

57 Bwa a rawa n ongo ni bwanaana, ke ni kakoauaa ^aNatina ae te Rikitemanna, are boni ngaia are katanoata bwa e na roko n nukan te tai, are e katauraoaki mai i mwaain rikin te aonaba.

58 Ao ngaia are te ^aEuangkerio e a moanna n tataekinaki, man te moan tai, n tataekinaki irouia ^banera aika tabu ake a kanakoaki mai matan te Atua, ao n oin bwanaana, ao man ana ^cbwaintituaraoi ae te Tamnei ae Raoiroi.

59 Ao bwaai ni kabane a kamatoaaki nakon Atam, n te otenanti ae tabu, ao te Euangkerio e taetaekinaki, ao e kanakoaki te tua, are e na tiku n te aonaba, ni karokoa tokina, ao ai arona anne. Amen.