1 Ket ita, napasamak nga idi inleppas ni ari Benjamin iti panagsaritana kadagiti balikas nga inted ti anghel ti Apo kenkuana, inwarasna ti panagkitana iti ummong, ket nakitana a nagpaklebda iti daga, agsipud ta simpeg kadakuada ti ^apanagbuteng iti Apo.

2 Ket nakitada dagiti bagida iti ^anainlubongan a kasasaad, uray a ^bnababbaba pay ngem iti tapok ti daga. Ket sangsangkamaysada a nagpukkaw babaen ti maysa a timek, a kinunada: Wen, mangngaasika, ket aramatem kadakami ti ^cmanangsubbot a dara ni Cristo tapno magun-odmi ti pannakapakawan dagiti basolmi, ket magugoran dagiti pusomi; gapu ta mamatikami ken ni Jesucristo, ti Anak ti Dios, a ^dnamarsua iti langit ken daga, ken amin a banag; a bumabanto kadagiti annak ti tattao.

3 Ket napasamak a kalpasan a naisaoda dagitoy a balikas immay kadakuada ti Espiritu ti Apo, ket napnuanda iti rag-o, ta inawatda ti ^apannakaugas dagiti basolda, ken kinakappia ti ^bpakinakemda, gapu iti aglaplapunosan a ^cpammatida ken ni Jesucristo nga umayto, a mayannurot kadagiti balikas nga insao ni ari Benjamin kadakuada.

4 Ket linuktan manen ni ari Benjamin ti ngiwatna ket rinugianna ti nagsao kadakuada, a kinunana: Gagayyem ken kakabsatko, kakabagian ken tattaok, kayatko manen nga awisen ti imatangyo, tapno mangngeg ken maawatanyo dagiti natda kadagiti balikasko nga isaok kadakayo.

5 Ta kitaen, no ti pannakaammo iti kinaimbag ti ^aDios iti daytoy a kanito ti nangriing kadakayo iti pannakarikna iti kinaubbawyo, ken kinaawan ti pategyo ken pannakatnag a kasasaadyo—

6 Kunak kadakayo, no nagun-odyo ti ^apannakaamo ti kinasayaat ti Dios, ken awan umartap a bilegna, ken ti kinasiribna, ken ti kinaanusna, ken ti naunday a panagibturna a maipaay kadagiti annak ti tattao; ken kasta met, ti ^bpannubbot a naisagana manipud iti ^cpannakaparsua ti lubong, tapno iti kasta dumteng kenkuana ti pannakaisalakan a mangpataud iti ^dpanagtalekna iti Apo, ken masapul a naregta nga agtungpal kadagiti bilin, ket agtultuloy ti pammati uray pay agingga iti panungpalan ti biagna, kayatko a sawen ti biag ti nainlasagan a bagi—

7 Kunak, a daytoy ti tao nga umawat iti pannakaisalakan, babaen ti pannubbot a naisagana manipud iti pannakaparsua ti lubong nga agpaay iti sangatauan, iti uray ania manipud iti ^apannakatnag ni Adan, wenno dagiti adda, wenno siasino man nga addanto, agpapan pay iti panungpalan ti lubong.

8 Ket daytoy ti pamuspusan tapno dumteng ti pannakaisalakan. Ket ^aawan ti sabali a pakaisalakanan no saan iti naibagan; wenno adda ti uray ania nga alagaden a pakaisalakanan ti tao malaksid kadagiti alagaden a naibagakon kadakayo.

9 Mamatikayo iti Dios; mamatikayo nga isuna, a pinarsuana ti amin a banag, iti langit ken iti daga; mamatikayo nga adda kenkuana amin a ^akinasirib, ken amin a bileg, iti langit ken iti daga; mamatikayo a saan a ^bmatarusan ti tao ti amin a banag a matarusan ti Apo.

10 Ket manen, mamatikayo a nasken nga ^aagbabawikayo kadagiti basbasolyo ket iwaksi ida, ken agpakumbabakayo iti sango ti Dios; ken agkiddawkayo a naimpapusuan tapno ^bpakawanennakayo; ket ita, no ^cmamatikayo kadagitoy a bambanag penkenyo nga ^daramidenyo ida.

11 Ket ibagak manen kadakayo a kas iti imbagak idin, a no naammuanyo ti kinadayag ti Dios, wenno naammuanyon ti kinaimbagna ken ^anapadasyon ti ayatna, ken inawatyon ti ^bpannakapakawan kadagiti basolyo, a nangted iti aglaplapunosan a rag-o iti kararuayo, agpapan pay a kasta kayatko a lagipenyo, ken kanayon a pagtalinaeden ti pakalaglagipan, ti kinaindaklan ti Dios, ken ti bukodyo a ^ckinaawan, ken ti ^dkinaimbagna ken ti naunday a panagibtur para kadakayo, dagiti saan a maikari a parsua, ket agpakumbabakayo uray pay iti kaunggan a ^ekinapakumbaba, nga inaldaw nga ^fumaw-awag iti nagan ti Apo, ken agtakder a sititibker iti pammati kadayta nga umayto, a naisao ti anghel.

12 Ket kitaenyo, kunak kadakayo a no aramidenyo daytoy kanayonkayonto nga agrag-o, ken mapnuan iti ^aayat ti Dios, ken ^bagtalinaed ti pannakapakawan dagiti basolyo; ket umadunto ti pannakaammoyo maipanggep iti dayag ti namarsua kadakayo, wenno iti pannakaammo iti nalinteg ken iti pudno.

13 Ket awanto ti gagemyo nga agpipinnasakit iti tunggal maysa, ngem agbiag a ^asikakappia, ken mangipaay iti tunggal tao ti mayannurot a rumbeng a para kenkuana.

14 Ket saanyo nga ipalubos nga agbisin ^adagiti annakyo wenno aglamulamoda; wenno ipalubosyo nga agsalungasing kadagiti linteg ti Dios, ken ^bagkakabil ken agaapa ti tunggal maysa, ken agserbi iti sairo, a pangulo ti basol, wenno dakes nga espiritu a naibagan dagiti ammatayo, a kabusor ti amin a kinalinteg.

15 Ngem ^aisuroyo ida a ^bmagna kadagiti dalan ti kinapudno ken kinasimbeng; isuroyonto ida nga ^cayaten ti tunggal maysa, ken agserbi iti tunggal maysa.

16 Ken kasta met, a dakayo a mismo ti ^amangsaranay kadagiti makasapul iti saranayyo; ibinglayonto ti sanikuayo kadagiti makasapul; ket saanyonto ipalubos nga awan kapapayanna ti ^bagpalama nga umar-araraw kadakayo, ket pagtalawen ida a maungaw.

17 Nalabit a ^akunaenyonto: Inyegna iti bagina ti kinapimpimanna; ngarud saanko a tulongan, ket saanko ikkan iti taraonko, wenno ibinglay kenkuana ti sanikuak tapno saan nga agrigat, ta nalinteg dagiti dusana—

18 Ngem kunak kenka, Wen sika a tao, siasino man a mangaramid iti kastoy addaan iti nabileg a panggapuanna nga agbabawi; ket no saan nga agbabawi iti dayta nga inaramidna, maungawto nga agnanayon, ket awanto ti lugarna iti pagarian ti Dios.

19 Ta kitaenyo, saan kadi nga agpalpalamatayo amin? Saan kadi nga agpannuraytayo amin iti isu met laeng a Parsua, uray iti Dios, para iti amin a sanikuatayo, para iti taraon ken pagan-anay, ken para iti balitok, ken para iti pirak, ken iti amin a kita ti kinabaknang nga adda kadatayo?

20 Ket kitaenyo, uray iti daytoy a kanito, aw-awaganyo ti naganna, ken idawdawatyo ti pannakapakawan ti basbasolyo. Ket impalubosna kadi nga awan nagbanagan ti panagdawatyo? Saan; imbukbokna ti Espirituna kadakayo, ket inaramidna a dagiti pusoyo ket napnuan iti ^arag-o, ken kineppetna dagiti ngiwatyo tapno saankayo makasao, ta nalaus unay ti rag-oyo.

21 Ket ita, no ti Dios, a namarsua kadakayo, nga isu ti pagpannurayanyo iti biagyo ken amin nga adda kadakayo, itedna kadakayo ti ania man a dawatenyo a nalinteg, a sipapammati, a mamati a makaawatkayo, Wen ngarud, nasken nga ^aibinglayyo iti sanikua nga adda kadakayo iti tunggal maysa kadakayo.

22 Ket no ^aukomenyo ti tao nga umar-araraw kadakayo para iti sanikuayo tapno saan a maungaw, ket babalawenyo, nakarkaro la ketdi nga amang ti pannakababalawyo gapu iti ^bpanangipaidamyo iti sanikuayo, a saanyo a kukua no di ket kukua ti Dios, nga isu ti akinkukua iti biagyo; ket saankayo pay nga immararaw, wenno nagbabawi man la koma kadagiti banag a naaramidyo.

23 Kunak kadakayo, ay-ay pay dayta a tao, agsipud ta kakuyogna a maungaw dagiti sanikuana; ket ita, ibagak dagitoy a bambanag kadakuada a ^anabaknang kadagiti banag nga adda iti daytoy a lubong.

24 Ket manen, kunak kadagiti nakurapay, dakayo nga awanan ngem ketdi addaan iti umdas, tapno agbiag iti inaldaw; kayatko a sawen a dakayo amin a saan a nangikaso iti agpalpalama ta awanankayo; kayatko a sawenyo iti pusoyo a: Saanak a nangted ta awananak, ngem no addaanak ^amangtedakto.

25 Ket ita, no kunaenyo dagitoy kadagiti pusoyo agtalinaedkayo nga awan basolna, ngem no saan ^amakedngankayo; ket nainkalintegan ti pannakakednganyo ta agumanyo ti saanyo pay a naawat.

26 Ket ita, gapu kadagitoy a bambanag a nasaok kadakayo—ket ita, tapno agtalinaed ti pannakapakawan kadagiti basbasolyo iti inaldaw, tapno ^amagnakayo nga awanan basol iti sanguanan ti Dios—kayatko a masapul nga ^bibinglayyo iti sanikuayo kadagiti ^cnapanglaw, iti tunggal tao a maibatay iti adda kenkuana, kas iti ^dpanangpakan iti mabisin, panangkawes iti lamulamo, panangsarungkar iti masakit ken panangipaay iti naespirituan ken naindagaan a pakalag-ananda, a maibatay iti pakasapulanda.

27 Ket penkenyo a maaramid amin dagitoy a bambanag a nainsiriban ken naurnos; agsipud ta saan a masapul nga agtaray ti tao iti ^anaparpardas ngem iti kabaelanna. Ket manen, rumbeng a naregta tapno magun-odna ti gunggona; gapuna, nasken a naurnos ti pannakaaramid ti amin a banag.

28 Ket kayatko a nasken a laglagipenyo, a siasino man kadakayo ti bimmulod iti kaarrubana masapul nga isublina ti banag a binulodna, a mayannurot iti nakitulaganna, ta no saan makabasolkayonto; ken nalabit dakayo ti makaigapu nga agbasol met ti kaarrubayo.

29 Ket kamaudiananna, saanko a maibaga kadakayo ti amin a banag a mabalin a pagbasolanyo; agsipud ta adda dagiti nadumaduma a wagas ken pamuspusan, aduda unay isu ta saanko mabilang ida.

30 Ngem daytoy laeng ti makunak kadakayo, a no saanyo nga ^aannadan ti bagbagiyo, ken ti ^bpampanunotyo, ken ti ^csasaoyo, ken ti aramidyo, ken tungpalen dagiti bilin ti Dios, ken agtultuloy iti pammati a nangngeganyo maipapan iti yaay ti Apotayo, agpapan pay iti kamaudianan ti biagyo, nasken a maungawkayo. Ket ita, Wen sika a tao, laglagipem, ket saanka a maungaw.