Kapitulo 14
Agsao ni Isaias a maipanggep iti Mesias—Nadakamat ti pannakaibabain ken panagsagaba ti Mesias—Aramidenna ti karuruana a daton para iti basol ken mangibabaet para kadagiti nagbasol—Idilig iti Isaias 53. Agarup 148 B.C.
1 Wen, di kadi met kinuna ni Isaias: Asino ti namati iti padamagtayo, ken siasino ti nakaipalgakan ti takiag ti Apo?
2 Ta dumakkelto iti imatangna a kas iti naganus a mula, ken kas iti ramut manipud iti namaga a daga; awan ti langana wenno makaay-ayo a buyana; ket no makitatayonto awan pintasna tapno tarigagayantayo isuna.
3 Nauy-uyaw ken saan nga inawat dagiti tattao; maysa a tao ti ladingit, ken nakaamammo iti liday; ket kas inlengedtayo ti rupatayo manipud kenkuana; inuy-uyaw, ket saantayo impatpateg.
4 Pudno nga ainturedna dagiti blidaytayo, ken inawitna dagiti ladingittayo; nupay kasta impatotayo a nasaplit, sinaplitan ti Dios, ken naparigatan.
5 Ngem nasugsugat gapu kadagiti alabsingtayo, napalitem gapu iti kinadangkestayo; ti dusa ti pakaikappiaantayo naipatay kenkuana; ken gapu kadagiti saplitna bnaagasantayo.
6 Datayo amin, kasla akarnero, a nayaw-awan; tinurong ti tunggal maysa kadatayo ti bukodna a dalan; ken impataw ti Apo kenkuana dagiti kinadangkestayo amin.
7 Nairurumen, ken naparparigat, ngem asaanna nginanga ti ngiwatna; naiturong a kas maysa a bkordero iti pagpartian, ket kas maysa a karnero a nagumel iti sanguanan dagiti mangpukis isu a saanna innganga ti ngiwatna.
8 Nairuar iti pagbaludan ken iti pangukoman; ket asino ti mangipakdaar iti sangkaputotanna? Agsipud ta naisina manipud iti daga dagiti sibibiag; naparigatan gapu kadagiti panaglabsing dagiti tattaok.
9 Ket naitanem a naitipon kadagiti managdakdakes, ken iti denna ti abaknang iti ipapatayna; agsipud ta awan ti inaramidna a bdakes, wenno aniaman a panangallilaw iti ngiwatna.
10 Nupay kasta naay-ayo ti Apo iti pinangpalitemna kenkuana; pinalidayna; inton aramidenna ti kararuana a maysa a daton a para iti basol makitananto ti akaputotanna, paatiddugennanto dagiti aldawna, ket rumang-ayto ti pannakaay-ayo ti Apo iti imana.
11 Makitananto ti panagrigat ti kararuana, ket mapnekto; adunto ti maikalintegan ti nalinteg a katulongak babaen ti pannakammona; agsipud ta aibaklaynanto dagiti kinadangkesda.
12 Ngarud ibingayakto iti paset kadagiti nabileg, ket bingayennanto ti samsam kadagiti napigsa; gapu ta imbukbokna ti kararuana iti patay; ket naibilang kadagiti managlabsing; ken inawitna dagiti basol ti adu, ken nagaramid iti apanangibabaet kadagiti managlabsing.